Jeremaya 34:7 - Wëël Jwøk

⁷ kanya bëët jø lenynyi mo nyeny Babiløn ni ge këëdö Jerucalem ki päänye bëët moa näk poot no odööŋ yi Juuda, ni beege Lakic ka Adhëka, kiper bee geni keerge moa näk odööŋ røk päänye bëët moa näk ogeerø ni teek yi Juuda.

Jeremaya 34:7 Iomraidhean Croise

2 Nyeye 14:19

'Ba da ageem maa tïïc dëër Amaciya yi Jerucalem, ni ö eni ni reŋ Lakic; 'ba gena jääk køøre Lakic ni put gø 'näk kunece.

2 Nyeye 19:8

'Ba kanya ö Rapcakë na wïny gø ni nyeny Aciria onø aay Lakic, ena cøø ni nwän nyeny Aciria ni këëdö ki jø Libana.

2 Luup Nyeye 27:4

Ni gëëde thuwø ki päänye bäät thuuri mo Juuda, ki kwör gwøk røk, ki uut koor mo ogeerø ni ena maal bäät thuuri moa näk bäätge da atøge.

Aydheea 36:2

Køøre nyeny Aciria, kwääy lwaa leny mana cwøl ni Rapcakë, ki lwaa leny mo päl, ajääŋŋe ki Lakic nee cige Jerucalem baŋ nyeya ma Edhekaya. Kanyøgønø gena cuŋŋö bäät øøl pïï mana käl yi puul mana en jï maal, waŋjööra dwøŋ man wø cør pwöla mar jø peny ka abïïe.

Jeremaya 11:12

Køøre geni ni wø bëëdö Jerucalem ki yïth päänye mo Juuda bëët, geno cii ni jwöŋge dëët juuga path ni wø wääŋge jïge ki gïn wø jïye ŋwääi ni met; 'ba ka adïëri møn, ge ba piem juugögø kanyo enge yïth gïï mo leth.

Jeremaya 34:1

'Ba kanya bëët Nabukedenecörri nyeny Babiløn ki jø leny moe, ki jø leny mo käla tiet akwöm mo nyeye bëët mo bäät piny, ni beege wïth juurre bëët moa näk ee dïïmö, ni ge këëdö ki Jerucalem ki mïëri moa en deŋŋe, dwør Wuuö Jwøk aö bäät Jeremaya,

Jeremaya 4:5

«Caannu yi Jerucalem, ni køpu gø dï ŋööm Juuda bäre, ni kööu, ni ‹Koothu tuŋi dï paac bäre.› Tïŋu döötu maal ni kööu, ni ‹Cooŋŋu rou kanya aciel nøø reŋŋø yïth päänye moa no ogeerø ni teek.›

Jeremaya 8:14

'Ba jø paac aköö, na «?Aperŋø ni poodø nøø bëëdö jaak en? Cooŋø røø kanya ciel, nee ø cøø yïth päänye moa no ogeerø ni teek, nøø thumø ki thøø kaace. Kiper Wuuö Jwøk, Jwøk marø, marø anø ŋøl yi thøø, ni eni cïpa pïï mo rege da cïm jïïø nee maadhø, kiper mana bääyø dëëre.

Mikiya 1:13

U ni wø bëëdö Lakic, twöu jïëth leny dëët okwëënyi ni reŋu! U na jø Lakic, bee u na täk raay dïkwøŋ jï jø Dhayan kiper gïïa bac jø Icrielli ajoot baŋu.

Tiet Ciik 28:52

Ni rumge päänye mou bëët dïër, këël mano ö kiiri moa bäyö na näk ogeerø ni teek ni wø ŋääthu ni nyaage ge piny dï pou bäre, ni putge uuni rum dïër yïth päänye mou bëët, yi ŋöömma cïp Wuuö Jwøki na näk Jwøu jïïu.

Jøcua 10:3

Kiper manøgønø, Adöni-Dhëdek nyeny Jerucalem ajäägö ki dwøl baŋ Owam nyeny Keeprön, ki Piram nyeny Jërmut, ki Japia nyeny Lakic, ki Dabëër nyeny Ëglön, ni kööe,

Jøcua 10:5

Køøre nyeye mo jø Amör moøgø na abïïc yøø, ni beege nyeny Jerucalem, ki nyeny Keeprön, ki nyeny Jërmut, ki nyeny Lakic, ki nyeny Ëglön, geni bëët ki jø leny moge dëëtge adwalge ni öge ni tïïcge twïër marge buut Gibien nee këëtge ki ge.

Jøcua 12:11

ki nyeny Jërmut, ki nyeny Lakic,

Jøcua 15:35

ki Jërmut, ka Adulam, ki Cökö, ka Adhëka,

Jøcua 15:39

ki Lakic, ki Böckat, ki Ëglön,