Jeremaya 34:4 - Wëël Jwøk

⁴ « ‹'Ba ï na Cëdëkiya nyeny Juuda, wïny luum Wuuö Jwøk. Luumma caan Wuuö Jwøki kiperï beeye en, ena köö: Ï ba thøw ri leny,

Jeremaya 34:4 Iomraidhean Croise

2 Luup Nyeye 18:18

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

Jeremaya 2:4

Wui, u na nyïïkwaac Jeekap, ni beeye u jø dhøk uudi mo jø Icriel bëët, wïnynyu dwør Wuuö Jwøk.

Jeremaya 32:5

Nyeny Babiløn Cëdëkiya okïth Babiløn, ni ö Cëdëkiya ni bëëde kaace këël kanyo cøøa baŋe.› Ni cäŋï köö ni Wuuö Jwøk aköö, ni ‹U ni jø paani en, këël u doo këëdö ki jø Babiløn, leny maru ba thur kare.› »

Jeremaya 34:3

'Ba ïïni, ï ba bøth cere, kiper ka adïëri møn, ï di maaø ki tøŋ, ni cïp ïïni cere. Ni jootï nyeny Babiløn, ni put nyeŋŋe kem dëërï, ni cääne ki ïïni nou neeta täärnyïmmu, ni putï ci Babiløn.›

Jeremaya 34:5

'ba ïïno thøw ki thøø mo beer jaak; ni waaŋ gïn wø jïye ŋwääi ni met kiperï ni jiemma ïïni kaawat mana wara waaŋi ni jiemma kwäyu ki gø, moa kwøŋ bëëdö na nyeye dïkwøŋ niï poodi, ni jwöŋ jiyi kiperï, ni köge, ni «Wui nyenywa öy!» kiper luummögø yaa nø caan.› Luummögø caana Wuuö Jwøki.»

Jeremaya 7:2

na kööm aani kiper naa cuŋŋa dhi kal mar øtø mare, e na Wuuö Jwøk, ni køba luummi en kaace, ni kööa, ni «Wïnynyu luum Wuuö Jwøk, u na jø Juuda bëët mo wø dønyi ki dhøk kal moi nee Wuuö Jwøk wøørru.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.