Jeremaya 34:22 - Wëël Jwøk

²² Ka adïëri møn, a na Wuuö Jwøk, ge köömma köömmö ni duua geni päänyi, ni këëtge ki päänyi ni macge gø ni waaŋge gø. Ni tïïa mïëri mo Juuda na kwör mo oränynyö mo bäŋ jiy mo bëëdö yïthge.»

Jeremaya 34:22 Iomraidhean Croise

2 Camiel 16:11

'Ba Deebit acäŋ köö jï Abicay ki jï jø kööre moe bëët, ni «Neennu, këël wääda na käl dëëra kiree manynya man raany jwïëya. ?A nyï tuuŋ Benjamen man, kääŋe ki man tïïe ki gïrpiny dëëra nidïï? Wiiu eni kare nee jäde; kanymør caana Wuuö Jwøki jïre.

2 Nyeye 25:6

Køøre ena makge ni kälge eni Ribala baŋ nyeny Babiløn, ni ö nyeny Babilønni ni ŋut bäät gø ki luubö.

2 Nyeye 25:9

Ni waaŋ Øt Wuuö Jwøk, ki paan dwøŋ mar nyeya, ki uudi moa en Jerucalem bëët; këël uudi moa døøŋŋø bëët awaaŋe thuwø.

2 Luup Nyeye 36:17

Kiper manøgønø, Wuuö Jwøk nyeya mar jø Kaldia ma Nabukedenecör atïŋ maal bäät jø Juuda, ni ŋøør obwöre moge moa näk wøpe ko opëëlle këël mana këët baŋ moa en yi Øt Jwøk marge na en kur keere; ni cwïnye ba pädhi kiper dhaanhø, nee ena nyilaar dïcwøø wala ena nyakøø, nee ena dhaanhø mo onø jalø wala tuu; 'ba gena cïp Wuuö Jwøki bëët cer nyeny Kaldia.

Aydheea 13:3

Aani jiya moa näk yaa cïp kur keerge anø köömma, ni nø cwøla jø leny 'moa na teek kiper nee wëër mara kïthge bäät tïïc, ni beege jiya mo wø ŋwöö ni ge töödö.

Aydheea 24:12

Päänyögø oränynyi ni dööŋe keere, ni ö dhøk odhuule mo kiir mare ni bëëtge no otøyø piny jaak.

Aydheea 37:26

« ‹?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Aydheea 64:10

Päänye moï na en kur keerge atïmö na dïtëën, këël Dhayan na näk Jerucalem atïmö na paap, ni bäŋ gïrpiny yie.

Jeremaya 2:15

Nyïïmänne amärö bääte kaamar ŋuuwe, ni märge døc ni döötge ena maal. Paac mare atïïcge ni bäŋ gïn mo odööŋ yie, ni ö päänye moe ni ränyge, ni bäŋ jiy mo bëëdö yïthge.

Jeremaya 32:29

Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Jeremaya 33:10

«Man beeye mana caan Wuuö Jwøki, ena köö, ni ‹Këël na bëëdu nou köö, ni «Paani oränynyö, ni bäŋ jiy ni bäŋ lääy mo bëëdö yie,» yïth mïëc Juuda ki dï Jerucalem ni bëëdö jaak ni bäŋ jiy ni bäŋ lääy mo bëëdö yïthge enø, dwøl ocäŋ wïnyö yïthge,

Jeremaya 34:2

ni kööm Jeremaya nee ci baŋ Cëdëkiya nyeny Juuda, ni caan gø jïre, ni «Luumma caan Wuuö Jwøki, Jwø Icriel, beeye en: ni ‹Ennø, pääny man 'cïba cer nyeny Babiløn, ni ööe ni waaŋ gø.

Jeremaya 38:23

«Mään moï ko obwöre moï bëët okäl wøk ni mëëgi jø Babiløn, ni ïïni ki dëërï ï ba bøth ceŋge. 'Ba ïïno mak nyeny Babilønni, ni ö päänynyi man ni waaŋe.»

Jeremaya 39:8

Jø Babiløn thuwø paan dwøŋ mar nyeya ki uudi mo jiy awaaŋge, ni nyaage kiir piny mar Jerucalem.

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Jeremaya 50:13

Ki køør wëër mar Wuuö Jwøk eni ba beet këët, 'ba eni ränynyö na bäre. Ni ö jø wø pöödhi ki buute ni thäŋ yïthge, ni buuge gø kiper gïïa leth bëët noo pïï bääte.

Jeremaya 52:13

Ni waaŋ Øt Wuuö Jwøk ki paan dwøŋ mar nyeya, ki uudi moa en Jerucalem bëët, këël uudi moa døøŋŋø bëët awaaŋe thuwø.

Jeremaya 52:7

Køøre kiir mar pääny atuc jø Babilønni. Ni ö jø lenynyi bëët mo Juuda ni bwøkge ki wäär ni putge døny wøk ni ge cøra dhi kiir mana en yïthakic kiiri moa na ariiø na en buut ajïniin nyeya, këël na bëëde ni jø Babiløn pääny ege ciel dïër bäre; ni aacge ni ge coonya goor Jördan ni wø cwøl na Araaba.

Jeremaya 9:11

Ni kö Wuuö Jwøki, ni «Jerucalem otïïa nee neeruuth, ni tïme na kar bëëtö mar othööe; ni tïïa päänye mo Juuda nee ränyge, nee bäŋe jiy mo bëëdö yïthge.»

Wëël Kïmmö 1:1

Wui, pääny Jerucalem adööŋ keere nø, eni na bëëdö ni yie päŋ ki jiy! Ena dööŋ keere kaamar cï thøø, eni na bëëdö na pääny mo dwøŋŋa eni dï wïth juurre! Eni na bëëdö ni kare dwøŋ dï mïëri, ena tïmö na laŋ tïïc!

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Amøc 3:6

?A ni näk tuuŋ okoodhø dï paac kiper leny, dëët jiy bëët ba kwanynyi? ?Aŋø, ni näk gïn mo raac ööa bäät paac, paa Wuuö Jwøk møn na tïïc gø?

Mikiya 7:13

'Ba løø piny mano dööŋ oränynyi ki køør raay mo jø wø bëëdö yie.

Dhekaraya 1:12

Køøre nyïïatwiel maal mar Wuuö Jwøk aköö, «Wui Wuuö Jwøk, ï na wïth jammi bëët, ?A kany mo nyïëdi noo bëëdï ni bäth ec marï ba nyoothï jï Jerucalem ki päänye mo Juuda na gootï ki geni ki cwiiyi na pïërabïriiø ii?»

Dhekaraya 7:14

'Ba aani gena puta keethø ka atuunna mo teek døc ni putge ci yïthakic wïth juurre mo kucge. Kanyøgø nø ŋöömö aput dööŋŋö ni bäŋ jiy yie, ni put tïmö ni bäŋ ŋat mo ci yie këët, kiper bee geni na tïïc ŋöömma beer nee dööŋe ni bäŋ jiy yie.› »

Mathiew 22:7

Kanyøgø nyeya cwïnye aränynyö, ni jääŋ jø tøŋ moe, ni dïïr wïth dïnäge moøgø, ni waaŋ poge.