Jeremaya 34:13 - Wëël Jwøk

¹³ ni «Luumma caan Wuuö Jwøki, Jwø Icriel, beeye en: Aana tudö ki luubö ki kwäyu, dïcäŋa käla geni wøk yie ki yi ŋööm Ijep, na näk po laŋ, ni kööa,

Jeremaya 34:13 Iomraidhean Croise

Bwøth Wøk 13:14

«'Ba yi nyïme, kanyo ö wäätu noo pëënyge uuni, ni köge, ni ‹?Gïn tiere aŋøøni?›, u doo köö jïge, ni ‹Wuuö Jwøk øøna käl wøk ki teek mare Ijep na näk po laŋ.

Bwøth Wøk 13:3

Køøre Modhe aköö jï jø Icriel, ni «Lääŋŋu dïcäŋa ööu wøk yie ki Ijep na näk po laŋ; kiper uuna käl Wuuö Jwøki wøk kaagø ki teek mare. Kiper manøgø nø, kär dee møø mo ree da thømmø mo cam dïcäŋögø.

Bwøth Wøk 20:2

ni «Beeye a na Wuuö Jwøk na näk Jwøu, na käl uuni wøk ki yi ŋööm Ijep, paana näk po laŋ.

Bwøth Wøk 24:3

Køøre Modhe aduu piny ni køp luup bëët jï jiy, moa caan Wuuö Jwøki ki ciik moe bëët; ni ö jiyi bëët ni løkge gø ki dwøl aciel ni köge, ni «Luup bëët moa caan Wuuö Jwøki tïïcwa tïïö.»

Jeremaya 11:4

na köömma kwäyu ki gø kanya käla geni wøk ki Ijep, na caal këën thäth mo liel.› Ni kööe jïge, ni ‹Cegu ïthu ki dwøra, ni kïthu ciik moa cïba jïïu bëët bäät tïïc; 'ba uuno bëëdö ni uuna jiya, ni bëëda ni aana Jwøk maru;

Jeremaya 11:7

Kiper kwäyu aköömma døc kanya käla geni wøk ki Ijep, ni bëëda naa köömma geni cooth këël dïcäŋi en, naa wø köö, ni «Wïnynyu dwøra.»

Jeremaya 31:32

mo ba caal luubö mana kwøŋa tuut ki kwäcge kanya maa ceŋge ni käla geni wøk ki Ijep, ni beeye luumma tuuda ki geni na dhalge, këël na bëëda jïge naa bëëdö kaamar dïcwøø ki cïïe.

Jeremaya 34:12

Køøre dwør Wuuö Jwøk mana ö bäät Jeremaya acaane, ni kööe,

Jeremaya 7:22

Aani, kanya käla kwäyu wøk ki Ijep, a kär laar cäänö ki geni ki man köömma geni kiper luum olämme mo wø waaŋ bäre ki luum olämme møga.

Tiet Ciik 13:10

Eni wär këëru ki kïte nee thøøe, kiper eni manynya man tïïc uuni ni karu bäär ki Wuuö Jwøk na näk Jwøu, na käl uuni wøk ki yi ŋööm Ijep na näk po laŋ.

Tiet Ciik 15:15

'Ba wïthu wär caarru ki mana bëëdu ni uuna laaŋe yi ŋööm Ijep, na ö Wuuö Jwøki na näk Jwøu na wïïl uuni wøk. Man beeye tiere gø ni köömma uuni ki gïn dïcäŋi en.

Tiet Ciik 16:12

'Ba wïthu wär caarru ki bëët laŋ mana beetu Ijep, ni gwøgu rou ki man koorru ciik moi ii.

Tiet Ciik 24:18

'Ba wïthu dou caarø ki kanya bëëdu ni uuna laaŋe Ijep, na ö Wuuö Jwøki na näk Jwøu na wïïl uuni wøk kaace, ni beeye tiere ni köömma uuni ki gïï ii nee tïïyu.

Tiet Ciik 29:1

'Ba man beeye luubö mana tuut Wuuö Jwøki ki jø Icriel yi ŋööm Möap, na kööm Modhe ki gø, kiper nee caane jïge, ni Wuuö Jwøk nwøya luubö mana kwøŋ tuut ki geni tier Kïn Körëp.

Tiet Ciik 5:27

Ïïni, nyiik buut Wuuö Jwøk na näk Jwøø, ni wïnynyï gïïo caane bëët. Køøre gïïo caan Wuuö Jwøki na näk Jwøø jïrï bëët ocaanï jïwa. Køøre leŋwa leŋø, ni tïïcwa geni.›

Tiet Ciik 5:6

«Køøre ena köö: ni ‹Beeye a na Wuuö Jwøk na näk Jwøu, na käl uuni wøk ki yi ŋööm Ijep, paana näk po laŋ.

Tiet Ciik 6:12

'Ba noo jootu gïïögø bëët, gwøgu rou ni ba wïl wïthu ki Wuuö Jwøk na käl uuni wøk ki yi ŋööm Ijep na näk po laŋ.

Tiet Ciik 7:8

'Ba uuna jiere kiper mana mëëre ki uuni jaak, ni eni manynya man gwøk gïna kööŋe ki gø jï kwäyu; ni beeye tiere gø na käl uuni wøk ki teek bade, ni pät uuni yi bëët laŋ, ni käl uuni wøk cer Peerø nyeny Ijep.

Tiet Ciik 8:14

rou wär gwøgu, ni ba jït cwïnynyu ka atöör, ni ba wïl wïthu ki Wuuö Jwøk na näk Jwøu na käl uuni wøk ki yi ŋööm Ijep na näk po laŋ.

Jøcua 24:17

kiper beeye Wuuö Jwøk, Jwøk marwa, na käl waani wøk ki kwäcwa bëët ki yi ŋööm Ijep, paana näk po laŋ, ni beeye Jwøa tïïc ŋïïce moa døøŋŋø ni nëënö jïwa, na koor waani ki uutjïëthe bëët moa caathwa, na koor waani ki dï wïth juurre bëët moa dïge caathwa.

Pïëmme 6:8

Wuuö Jwøk ajääk baŋ jø Icriel ki nyikuŋ Jwøk, ni kö nyikuŋ Jwøki manøgø jïge, ni «Gïna caan Wuuö Jwøki, Jwø Icriel beeye en, ena köö, ni ‹Beeye aani na käl uuni wøk ki Ijep, ni käla uuni wøk ki yi bëët laŋ.