Jeremaya 33:9 - Wëël Jwøk

⁹ Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Jeremaya 33:9 Iomraidhean Croise

2 Luup Nyeye 20:29

'Ba kanya ö jø mïëri bëët moa en wï ŋöömö na wïnyge gø ni Wuuö Jwøk akëëdö ki nyïïmän mo jø Icriel, lwär mo dwøŋ døc mo käla baŋ Wuuö Jwøk aput tägö bäätge.

Neemiya 6:16

'Ba kanya ö nyïïmänni mowa bëët na wïnyge gø, ni ö wïth juurre bëët moa en deŋwa na jootge gø, geni bäätge aput pädhö døc ni nyeŋge okwätö, kiper ajootge ni tïïc manøgø beeye Jwøk na wëëk gø thur kare.

Acther 8:17

Kanyøgø yïth mïëri bëët, ki yïth päänye bëët kwöra näk dwør nyeya ka awaaci mare opïï yïthge, kanynyø ki met ec aput tägö yïthakic jø Juuth, ni tïïge ka ajwöma mo dwøŋ yi cäŋ manøgø. Køøre jø møøk mo thööth moa en dï mïëri dëëtge aløkge na jø Juuth, kiper gena lwäyö ki jø Juuth.

Aydheea 43:21

Jiya moa tïïa kiper dëëra ajiem mara caange caanø.

Aydheea 55:13

Kanyøgønø, otïmö ni tuya jenni mo mar mo bøøge moge ba øc piny, ni patha koodhi, ni tuc jenni moa perge leth ni patha otwel. 'Ba oput tïmö na gïn par wïc ki gø ki Wuuö Jwøk, na ŋïï mo bëëdö na bäre bäre ni ba ränynyi.»

Aydheea 60:5

'Ba oraŋï ni mïn yiï, cwïnyï omïnni ni pääŋe ki met ec; kiper mano ö jap kwärö mo naama dwøŋ noo käli jïrï, ni ö kwärö mar wïth juurre ni ö baŋï.

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Aydheea 62:4

Køør man ï ba cwøl këët ni ïïna pääny mo okwierø, ni bäŋ ŋat mo köö këët ni ŋöömö marï bäŋ gïrpiny yie. 'Ba ïïno cwøl Wuuö Jwøki ni Dhaaŋŋa Met Yia Ki Gø, ni ö eni ni cwøl nyeŋ ŋöömö marï ni Dhaaŋŋa Nywøma; kiper Wuuö Jwøk yie met ki ïïni; eno mëëyi ki ŋöömö marï kaawat man wø nywøm dhaagø.

Aydheea 62:7

ni ba wëëgu eni jwöm thuwø këël kanyo këël tier Jerucalem piny ni teek, ni mooc gø ka ajiem bäät piny.

Aydheea 64:2

Kaawat man wø ö maaci wø waaŋ moonni, ni wëëk pïï twaaø, ö piny ki maal ni tïïyï nyeŋŋï nee ŋäc nyïïmänni moï, ni tïïyï wïth juurre nee dëëtge tïmge ni kwanynyi nyïmï!

Jeremaya 13:11

Kiper ka adïëri møn, kaawat man wø bëët abïï no okïth dhaanhe dëëre ni teek, jø Icriel bëët ki jø Juuda bëët akäla raa, nee bëëtge na jiya, nee nyeŋŋa wïnye, ni jïta ki pwøc ka ajiem ki køørge; 'ba luumma kärge wïnynyö.› » Luummögø caana Wuuö Jwøki.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 29:1

'Ba nyikuŋ Jwøk ma Jeremaya agöödö ki wëëlö Jerucalem, ni jääŋ gø baŋ jø døøŋŋø moa näk odööŋ ni kwøw ri moa mak ki tøŋ, ki baŋ dïlämme, ki nyïïkuk Jwøk, ki jiy bëët moa mak Nabukedenecörri ki tøŋ Jerucalem ni kïth geni Babiløn.

Jeremaya 3:17

'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 3:19

«'Ba a na Wuuö Jwøk, aana köö ni u daa tïïö ni uuna wääta na bëëde, ni mooa uuni ki ŋöömö mo beer, na mano dööŋ jïïu mo beer døc mo kaala mo wïth juurre bëët. Ni cäda naa dou cwølø ni aana wääu, nou ba gaa wøk ki man cäädhu køøra.

Jeremaya 31:14

Aani, dïlämme caama caamø døc ki cam mo päl, ni ö jiya ni jäŋge ki gïïo beyø noo cïba jïge.» Luummögø caana Wuuö Jwøki.

Jeremaya 31:4

Wui, jø Icriel, u na caal nyakøø mo dëër dïcwøø poot kuue, aani, bëëtö maru cäŋa dwøk kare, ni døø kare møn. Ni cäŋu nyïïanëët mou kwanynyø, ni cou baŋ meeŋ ki jø wø miel ni yïthge met.

Jeremaya 32:42

«Kiper gïn caana en, a na Wuuö Jwøk, beeye en: Kaawat mana tïïa gïï na leth bëët ii dëët jøøi, aani, gïïa beyø bëët na caana kiperge tïïa tïïö jïge.

Jeremaya 33:14

«Wuuö Jwøk aköö, ni ‹Ka adïëri møn, da nïne mo öö, mo luumma beer na caana kiper jø Icriel ki jø Juuda wëëga thur kare.

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Jeremaya 44:8

?Aperŋø na raanynyu cwïnya ki køør gïïa tïïyu ki ceŋŋu en, ni cïpu ko olämme mo wø waaŋ jï juu moa path Ijep, paana ööu yie kiper bëëtö? Manøgø, u thööra rou, nou tïmu ni uuna gïr acïëni, na gïr ajøøŋ dï wïth juurre bëët mo bäät piny.

Jeremaya 49:25

Päänyögø, këël na bëëde ni nyeŋŋe owïnyö, ni ec met ki gø, ränynyö.

Edhikiel 26:20

ni kïtha ïïni piny baŋ jøøa en kar bëët jwïëc jøøa no othøw, ni bee baŋ jøøa thøw cøøn, ni tïïa kar bëëtö marï ni ena tiet ŋøøm, kaamar mïëri moa no oränynyö cøøn, ni kuutu na aciel kar bëët jwïëc jøøgø, ni ba cäŋï duuö niï bëëdï kar bëët jwïëc jiy moa kwøw.

Edhikiel 36:35

Køøre nø, jiy ge köö, «Ni pwöth moi na bëëdö no odööŋ keerge anø tïmö kaamar ajïniina mar Ëden; ni ö päänye moa no oniruuth piny no oränynyö ni cäŋi geerrø ni teek ni døø jiyi yïthge.»

Edhikiel 39:13

Geno koony jø paaci bëët, ni ö jø Icrielli ni jïtge ki wödö dïcäŋo nyoodha ajiem mara yie. Luummögø caana aani, a na Kwäärö Wuuö Jwøk.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Dhekaraya 1:17

Ni cäŋ köö jïra, ni «Cäŋ luubö man gøø piny na ennø nø: Ni man beeye luumma caan Wuuö Jwøki, eni na wïth jammi bëët, ena köö, ni ‹Päänye 'moa, yïthge cäŋa päŋŋö ki jap kwär, ni cäŋa cwïny Dhayan cømmø, ni cäŋa Jerucalem jierrø.› »

Dhekaraya 12:2

ni «Aani, a ööa kuna tïïa Jerucalem ni caala athöödhi mo yie da køøŋø mo jiy moa en deŋŋe bëët mäthö dëër gø ni wëëk ge bøømmø. 'Ba kanyo ciel Jerucalem dïër, orwöp ki mïëc Juuda møga thuwø.

Tiet Ciik 30:5

Ni ö Wuuö Jwøki na näk Jwøu ni duu uuni yi ŋöömma bëëdö na mar kwäyu, ni putu gø lwør na maru. Ni ö Wuuö Jwøki ni tïïc bëëtö maru ni beer, ni tïïc uuni nou thööth, ni tïmu nou kaala kwäyu.