Jeremaya 33:2 - Wëël Jwøk

² ni «Man beeye luumma caan Wuuö Jwøki, eni na cwääc piny ni tïïc gø nee bëëde kare, eni na näk nyeŋŋe beeye Wuuö Jwøk, ena köö,

Jeremaya 33:2 Iomraidhean Croise

Bwøth Wøk 15:3

«Wuuö Jwøk beeye ŋat leny; ni Wuuö Jwøk beeye nyeŋŋe.

Bwøth Wøk 6:3

aani dëëra anyoodha jï Eeberam ki Aydhak ki Jeekap ni aana Jwøa en teeki jïre. 'Ba ki man näk mo nyeŋŋa Wuuö Jwøk kära nyoodhø jïge ki man ŋäcge gø.

Aydheea 14:32

?Aŋø, agïnaŋø noo løk jï jiy moa öö ni ge jääŋŋa wï jurri mør? Gïno løk beeye ni Wuuö Jwøk Dhayan anø tïïe ni teek, 'ba jiye moa no ocaarø, rege ogwøkge yie.»

Aydheea 37:26

« ‹?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Aydheea 42:8

«Aani, aana Wuuö Jwøk, ni manøgø beeye nyeŋŋa; ajiem mara ba wëëga ŋat mør, ni pwøc mara ba wëëga kït gïï wø lam.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:21

Jiya moa tïïa kiper dëëra ajiem mara caange caanø.

Aydheea 62:7

ni ba wëëgu eni jwöm thuwø këël kanyo këël tier Jerucalem piny ni teek, ni mooc gø ka ajiem bäät piny.

Jeremaya 10:16

'Ba eni na Jwø Jeekap ba caal gïïögø, kiper bee eni na tïïc jammi bëët, ni cwääc jiye ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Jeremaya 16:21

Ni kö Wuuö Jwøki, ni «Kiper manøgønø, yie man teek mara otïïa nee ŋäcge, ni nyoodha teek bada jïge nee ŋäcge. Køøre nø, nyeŋŋa putge ka ŋäc ni beeye aani na Wuuö Jwøk.»

Jeremaya 32:18

Beeye ïïni ni wø nyooth mëër marï ni wø ba jøøl jï jiy ma kum kum, 'ba ïïni, gïïa reyø ni wø bac wëëe wø coolï coolø dëët obwöre moge mo wø ööi køørge. Bee ï na Jwøa dwøŋ na teek, ni nyeŋŋï beeye Wuuö Jwøk, Jwø wïth jammi bëët.

Jeremaya 51:19

'Ba eni na Jwø Jeekap ba caal gïïögø, kiper bee eni na tïïc jammi bëët, na cwääc jiye, ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Amøc 5:8

Eni na cwääc wäät-odäki ki joonni, ni wø wiil muutha cøl ki tar mar amöölla, ni wø tïïc dïcäŋ na wäär; eni ni wø cwöl pïï wøk ki yi naama dwøŋ, ni wëëk gø pädhö bäät ŋøøm, beeye Wuuö Jwøk ki dëëre;

Amøc 9:6

Wuuö Jwøk paare ee geerø maal, ni tïïc maal na rëëbi bäät piny. Bee eni ni wø cwöl pïï wøk ki yi naama dwøŋ, ni wëëk gø pädhö bäät ŋøøm; eni na tïïc gïïögø bëët, beeye Wuuö Jwøk ki dëëre.

Ibaru 11:10

Kiper eni neeta pääny mana näk ogeerø na adïëri, na näk dïgëëdi mare ki ŋata tïïc gø beeye Jwøk.

Ibaru 11:16

'Ba atïmö ni cwïnyge lääŋŋa paac mana beerra eni, ni beeye paana en maalø. Kiper manøgø, Jwøk wïïe ba laay ki man cwøli na Jwøk marge, kiper da pääny mo ee jiiŋŋø kiperge.

Mana Nyooth 21:10

Ni kïth aani bäät kïdi mo bäär mo dwøŋ døc, ni Jwïëc Jwøk ena bääta, ni nyuth aani paana en kur keere na näk Jerucalem, ni ööa piny ki maal ki baŋ Jwøk,

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.