Jeremaya 33:17 - Wëël Jwøk

¹⁷ Kiper mana caan Wuuö Jwøki beeye en, ena köö, ni ‹Deebit bäŋ doo can na bäre bäre ki dhaanhø mo läw kare bäät wälu mar jø Icriel.

Jeremaya 33:17 Iomraidhean Croise

2 Camiel 3:29

Beerra man ö ajäla manøgø ni päth bäät Jöap ki jø dhi øt wänni bëët; ni bäŋ dhaanhø mo dööŋ dhi øt Jöap ni dëëre ba jïti ki teeŋ täwe mo wø leth, wala ge tïmö ni jägö ni geno kwaan kur mään, wala ge tïmö ni ge di nääŋŋö ko opëëlle, wala ge tïmö ni bäŋ cam jïge.»

2 Camiel 7:12

« ‹'Ba kanyo päŋ nïne moï noo thøwï noo läpï køør kwäyu, aani, da ŋat mo käla dëërï mo thïïŋa thïïŋö køørï; 'ba aani tier nyec mare këëlla piny.

2 Camiel 7:13

Ni ö eni ni gëëde ki øtø kiper nyeŋŋa, ni këëlla tier wälu mar nyec mare piny na bäre bäre.

1 Nyeye 2:4

kiper nee Wuuö Jwøk luumme mana caane kipera nee wëëk thur kare, na kööe, ni ‹Ni näk mo jiy moo käl dëërï wïthge koorge koorø ki bëëtö marge, ni bëëtge ni ge tïïya adïëri nyïma ki cwïnyge bäre, otïmö niï ba can ki ŋat pï piny bäät wälu mar jø Icriel.›

1 Nyeye 8:25

«'Ba ennø, wui, Wuuö Jwøk, Jwø Icriel, luumma caanï jï dhaanhnhï ma wära ma Deebit put gwøk, na kööï, ni ‹Ni näk mo jiy moo käl dëërï wïthge koorge koorø ki bëëtö marge, ni bëëtge ni ge tïïya adïëri nyïma, kaawat mana tïïyï, ï ba can ki dhaanhø mo pï piny bäät wälu mar jø Icriel.›

2 Nyeye 11:2

'Ba Jeyöcaba, nyi nyeya ma Jöram, cöök Akadhiya, Jöac wär Akadhiya akwäl wøk ki yïthakic wäät nyeya moa näk di nääö, ni kïth gø yi øt niine mana en yi Øt Wuuö Jwøk, ge ki ŋata pïr gø, ni eni kana gø nee ba joot Athaliya; ni ö eni ni käri nääö këët.

1 Luup Nyeye 17:27

'Ba ennø, iï anø mïnnö ni nø gwïëthï dhi øtø mara, a na dhaanhnhï en, nee tïme ni puta bëëte ni nut na bäre bäre nyïmï. Wui Wuuö Jwøk, dhi øtø mara anø gwïëthï, ni put gwïëthi manøgø bëëte ni nut na bäre bäre. Enøgønø.»

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 17:25

nyeye mo opï piny bäät wäl Deebit dunynyö ki dhøk kiir mar pääny man, geni ki jø kööre moge, ni ge cäädhi ka bäät okwëënyi, ni møøk cäädhi ka jïëthe mo wø tut okwëënyi, ni ge cäädhi ki jø wø bëëdö Jerucalem ki dï Juuda bäre. Ni ö päänynyi man ni tïme na kar bëëtö na bäre bäre.

Jeremaya 35:19

ka adïëri møn, luumma caan Wuuö Jwøki, Jwø Icriel, eni na wïth jammi bëët, beeye ni dhi øt Jönadap o Rëkap ba cänni na bäre ki dhaanhø mo tïnynya aani.› »