Jeremaya 33:12 - Wëël Jwøk

¹² «Man beeye mana caan Wuuö Jwøki, eni na wïth jammi bëët, ena köö, ni ‹Dï paani ni bëëdö no oränynyö en, ki yïth mïëri moa en deŋŋe bëët, ni bëëdö ni bäŋ jiy ni bäŋ lääy mo bëëdö yïthge enø, otïmö ni da kwör kwaath mo løny jï dïkwääye ki man wëëkge dïëk moge jwömö yïthge,

Jeremaya 33:12 Iomraidhean Croise

Obeec Dudi 1:7

Wui, ï na mëëra ki ïïni, caanï jïra, ?A kaa ŋø ni wø kwaayï dïëk moï yie? ?Na kaa ŋø ni wø wëëgï dïëk moï jwöm yie ki dhöör? Caanï jïra, naa ba tïma kaamar dhaagø mo wïïe ee loobø kaamar kääbi, mo cäädhö yïthakic dïëk mo nyïïawäädi moï.

Aydheea 65:10

'Ba kiperge, ge na jiya moo bëëdö ni manynya aani, Goor Carön otïmö na kar kwaath mar pïïth dïëk moge, ni ö Goor Akör ni tïme na kar rïc jï pïïth dhäk moge.

Jeremaya 17:26

Ni ö jiyi ki yïth päänye mo Juuda, ki yïth mïëri moa en deŋ Jerucalem, ki yi ŋööm Benjamen, ni ge ööi ka yi ŋöömma näk ree ee päärö, ki yïth mïëri moa en bäät kïte, ki kanya cwøl ni Nëgëp, ni ge käädö ko olämme mo wø waaŋ bäre, ki teeŋ olämme møga, ki muuce mo beel, ki gïn wø jïye ŋwääi ni met, ni känge thuwø ko olämme mo dwøk met ec yi øt Wuuö Jwøk.

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Jeremaya 31:24

Jiy geno bëëdö na aciel Juuda ki yïth päänye moe bëët, këël ki jø puur ki jø wø kwaac dïëk.

Jeremaya 32:15

Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Uudi ki pwöth beel ki pwöth omøki ocäŋ ŋeewø yi ŋöömmi en.› »

Jeremaya 36:29

'Ba mano caanï kiper Jeyöakëm nyeny Juuda, wärï kööï ni mana caan Wuuö Jwøki beeye en: Ïïni, wëëlö man awaaŋï ni kööï, na ‹?Aperŋø na göörï gø ni nyeny Babiløn öö møn ni raany paac man ni tïïc gø ni bäŋ dhaanhø ki lääy mo bëëdö yie?›

Jeremaya 50:6

«Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Jeremaya 51:62

ni kööï, ni ‹Wui, Wuuö Jwøk, ïïna cäänö kiper paani en ni raanynyï raanynyø, ni tïme ni bäŋ gïn mo bëëdö yie, dhaanhø wala lääy, 'ba otïmö na paac mo oränynyö na bäre bäre.›

Edhikiel 36:35

Køøre nø, jiy ge köö, «Ni pwöth moi na bëëdö no odööŋ keerge anø tïmö kaamar ajïniina mar Ëden; ni ö päänye moa no oniruuth piny no oränynyö ni cäŋi geerrø ni teek ni døø jiyi yïthge.»

Agëë 1:4

na «?Aŋø, bee gïn mo beer ki jïïu ki man bëëdu yïth uudi mo ogeerø ni beyø, ni øtø mara bëëdö no oränynyö?»