Jeremaya 33:11 - Wëël Jwøk

¹¹ ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Jeremaya 33:11 Iomraidhean Croise

1 Luup Nyeye 16:34

Dwøgu met ec jï Wuuö Jwøk, kiper eni beer, ni mëër mare ni wø ba jøøl bëëdö na bäre bäre.

1 Luup Nyeye 16:8

Dwøgu met ec jï Wuuö Jwøk, ni pwøyu nyeŋŋe, ni caannu tïïe moe nee wïny wïth juurre.

2 Luup Nyeye 20:21

'Ba Jøcapat kanya nø cäänge ki jiy, ena kwänyö ki jø wär ki dudi jï Wuuö Jwøk na jø pwøc Wuuö Jwøk ni geno ruyö ka abïïk wöt. Ni aac jø wär dudi moøgø ni ge cäädhi ka nyïm jø leny ni ge köö, ni «Dwøgø met ec jï Wuuö Jwøk, kiper mëër mare ni wø ba jøøl bëëdö na bäre bäre.»

2 Luup Nyeye 29:31

Køøre Edhekaya aköö, ni «Ennø, dëëtu anø cïbu kur keeru ni waany jï Wuuö Jwøk; ööu kany ni cïpu olämme ki muuce mo dwøk met ec yi Øt Wuuö Jwøk.» Ni ö jø acooŋŋøgø ni cïpge olämme ki muuce mo dwøk met ec; ni ö jiyi bëët moa yïthge met ni cïpge ko olämme mo wø waaŋ bäre.

2 Luup Nyeye 5:13

'Ba kanya ö jø kooth tuŋi ki jø wär dudi ni tïŋge döötge maal na yie aciel ni ge dwøga pwøc ka ajiem jï Wuuö Jwøk, kanya wärge ni tuŋi ka athiliiŋŋi ki jap dööti ma teeŋi di pwödö ni ge pwøya Wuuö Jwøk ni köge, ni «Bee eni ni beer, kiper mëër mare bëëdö na bäre bäre ni ba jøøl,» Øt Wuuö Jwøk aput pääŋö ki pöölö.

2 Luup Nyeye 7:3

'Ba jø Icriel bëët, kanya jootge maac ni öö ki maal na ajiem mar Wuuö Jwøk dudö bäät øtø, cøŋge akëëlge piny dï kal nyïm øtø, ni kuulge wïthge piny yïth ŋøøm, ni wøørge Wuuö Jwøk ni pwøcge gø ni ge köö, ni «Ka adïëri møn, Wuuö Jwøk beer, ni mëër mare ni wø ba jøøl bëëdö na bäre bäre.»

Edhera 6:22

Ni wøørge Ajwöma Mar Møga Näk Ree Bäŋ Thømmø ki nïne abïriiø ni yïthge met, kiper yïthge anø døøc Wuuö Jwøki mo met, ni nø løø cwïny nyeny Aciria baŋge, nee dëëtge tïïe nee nigereem ki man tïïcge tïïe mo Øt Jwøk, Jwø Icriel.

Neemiya 12:43

'Ba dïcäŋögø jiy acïpö ko olämme mo thööth døc, ni bëëtge ni yïthge met kiper Jwøk acïpö jïge ki met ec mo dwøŋ; ni ö määnni ko obwöre ni mïn yïthge. Ni ö dwør mïn eci mana tägö Jerucalem ni put wïnyö kany mo bäär.

Neemiya 8:12

Kanyøgø jiy bëët gena put aa baŋ cam, ki baŋ maath, ni pääŋge caammi jï jiy, ni wøørge dïcäŋ manøgø ki met ec mo dwøŋ, kiper geni tiet luup moa caan jïge yi wëël ciik Jwøk aci cwïnyge.

Dut Pwøc 107:1

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 51:11

'Ba jic Wuuö Jwøk na näk ee wïïl wøk geno duui, ni dønyge yi Dhayan ni ge wär ki dudi, ni ö met eci marge ni bëëde wïthge kaamar aduda na bäre bäre. Geno bëëdö ki met ec ki kanynyø, ni ö kïmmö ki cooyø ni daakge rege buutge.

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Aydheea 52:8

Cegu ïthu! Dïkuye mou ge kwöŋŋö; ge kwöŋŋö ki met ec ge bëët, kiper jootge joodø ki nyeŋge kiree kanyo ö Wuuö Jwøki noo duu yi Dhayan.

Aydheea 52:9

Pänynyu maal, ni kwöŋŋu ki met ec, u bëët, u na en kwöra no oränynyö yi Jerucalem, kiper Wuuö Jwøk cwïny jiye acøme, ni wïïl jø Jerucalem wøk.

Jeremaya 16:9

Kiper mana ŋøl Wuuö Jwøki, Jwø Icriel, eni na wïth jammi bëët, beeye en: Dïlweel mar met ec, ki dwør met ec, ki kanynyø mar nywöm, oraanynya ni nëënö jïïu yïth nïne moo beetu.

Jeremaya 17:26

Ni ö jiyi ki yïth päänye mo Juuda, ki yïth mïëri moa en deŋ Jerucalem, ki yi ŋööm Benjamen, ni ge ööi ka yi ŋöömma näk ree ee päärö, ki yïth mïëri moa en bäät kïte, ki kanya cwøl ni Nëgëp, ni ge käädö ko olämme mo wø waaŋ bäre, ki teeŋ olämme møga, ki muuce mo beel, ki gïn wø jïye ŋwääi ni met, ni känge thuwø ko olämme mo dwøk met ec yi øt Wuuö Jwøk.

Jeremaya 25:10

Aani, dïlweel mar met ec, ki dwør met ec, ki kanynyø mar nywöm, ki dwør leek, ki maac mo liel raanynya raanynyø.

Jeremaya 29:14

Aano jootu møn, a na Wuuö Jwøk, ni duua uuni wøk ki yi bëët laŋ, ni lema uuni yïth mïëc wïth juurre bëët kwöra riema u yïthge bëët, ni duua uuni paana riema u wøk yie nou mak ki tøŋ.» Luummögø caana Wuuö Jwøki.

Jeremaya 30:19

Ni ö dudi mo dwøk met ec ki dwør meeŋ ni wïny ge yïthge. Ni meeda geni ni thööth, ni kwäänge ba døø piny; ni wëëga geni wøør, ni ba bëëtge na jiy mo bäŋ karge.

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 32:44

Jiy pwöth oŋeewge ki gwel, ni göörge luum ŋïëw piny yïth weet ŋïëw, ni mwönge geni nyïm jiy mo ege cwølø. Gïnögø otïïcge yi ŋööm Benjamen, ki mïëri moa en deŋ Jerucalem, ki yïth mïëc Juuda, ki yïth mïëri moa en bäät thuuri, ki yïth mïëri moa en yi ŋöömma näk ree ee päärö, ki yïth mïëri mo Nëgëp. Kiper bëëtö marge 'cäŋa dwøk kare ni beer.» Luummögø caana Wuuö Jwøki.

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Jeremaya 33:7

Ni ö jø Juuda ki jø Icriel bëët ni dwøga bëëtö marge kare, ni cäŋa tietge këël piny ni teek kaawat mana bëëtge dïkwøŋ.

Jeremaya 7:34

'Ba kar kaace dïlweel mar met ec, ki dwør met ec, ki kanynyø mar nywöm oraanynya dï Jerucalem ki yïth päänye mo Juuda møga bëët, kiper paac bäre oränynyi.» Luummögø caana Wuuö Jwøki.

Amøc 9:14

Jiya ma jø Icriel moa näk omaa ri leny oduua poge, ni cäŋge wïth mïëri moa no oränynyö geerrø, ni bëëtge yïthge; ni piithge jer omøki, ni maathge kwøk gø; ni tïïge ka ajïniine ni camge nyïïjer gø.

Joona 2:9

'Ba aani, a cïpö jïrï ko olämi ni pwøa ïïni ki duut mar dwøk met ec, ni coola gïna kööŋa kipere. Køny joota baŋï, ï na Wuuö Jwøk.»

Neeyam 1:7

Wuuö Jwøk beer, ni ena teek mar jiye cäŋ gïï mo leth. Jiy mo wø kan rege buute di gwøø.

Jepaniya 3:14

Wui Dhayan, ï na caal nyakøø, kwöŋŋï ki met ec! Tïŋ dwørï maal døc, ï na Icriel! Beerra man mïn yiï ni kanynyï ki cwïnyï bäre, ï na Jerucalem na caal nyakøø!

Dhekaraya 10:7

Jø tuuŋ Ipariem geno bëëdö kaamar jø leny mo teek, ni bëëtge ni cwïnyge omïnnö kaamar jiy mo omädhö ki køøŋø. Obwöre moge køny manøgø ojootge ni kanyge; ni ö cwïnyge ni mïnne ki aani, a na Wuuö Jwøk.

Dhekaraya 8:19

ni «A na Wuuö Jwøk na en wïth jammi bëët, dwøra mana caana bee en: ‹Wödö mar kwier cam man wø tïïyu ki dwää aŋween, ki dwää abïïc, ki dwää abïriiø, ki man wø tïïyu ki dwää apaar, tïmö na mar met ec ki kanynyø, na kany wøør ajwöm-cam yie kiper dhi øt Juuda. Kiper manøgønø, mëërru ka adïëri ni mëërru ki bëët-mëër.› »

Dhekaraya 9:17

A teeŋ kïdö mo nyïëdi ki mïërö mano tägi dëëtge! Beel mo ŋöömmögø obwöc cwøw owëëk piith ni dëëtge teek, ni ö kwøk nyïïomøki moe moa nyärö ni wëëk obwöc mään piith ni dëëtge teek.

Jøøn 3:29

'Ba ŋat wø nyöömmi beeye na wää dhaagø thiinh. 'Ba lwöm wää nywömmi ni wø cuŋŋi ni wïnynya mare, yie wø mïnnö døc kany wø wïny dwør wää nywömmi. Ni beeye na mïn yia døøc kawaane.

Ibaru 13:15

Kiper manøgønø, beerra man cïpø ki pwøc na muuce cooth jï Jwøk ki ri Jecu, ni beege gïï wø ööi ki dhøgi mo wø jïëc nyeŋŋe.

Mana Nyooth 18:23

Ni bäŋe däär lamba mo liel yiï këët. Ni bäŋe dwør cø nyakøø ki dhaagø thiinh mo wïnynyi yiï këët. Kiper jø gath moï beege na kwörge døøŋŋø piny na wara bëëde, ni ö mïëri bëët ni cøøgi ki køør thïëth marï.