Jeremaya 32:7 - Wëël Jwøk

⁷ ni «Ennø, Anamel o Calum cöök wäru ööa baŋï ni kööe jïrï, ni ‹Ŋeew pwödhö mara mana en ya Anathöth, kiper øøna tuuŋ ni løny jïrï ki man tïme ni ŋeewa ïïni.› »

Jeremaya 32:7 Iomraidhean Croise

1 Nyeye 14:5

'Ba onø caan Wuuö Jwøki jï Akiya, ni «Neenï, cï Jeröbäm ööa baŋï kuna pëëny ïïni kiper nyilaal mare, kiper nyilaal mare tuu. 'Ba ïïni, gïn ki gïn wär caanï jïre, kiper kanyo ööe, eni ööi ni ree ee cøøgø keda ena dhaagø mør.»

Jeremaya 1:1

Moi beege luup Jeremaya o Kilkiya, na en røk dïlämme moa bëëdö Anathöth yi ŋööm Benjamen.

Jeremaya 11:21

Kiper manøgønø, Wuuö Jwøk mare aŋøle kiper jø Anathöth, jøøa many man 'näkge aani, na köö, ni «Kär luum Wuuö Jwøk køpï, niï ba 'näkwa.»

Jeremaya 32:6

'Ba dwør Wuuö Jwøk mana ö bääta, a na Jeremaya, beeye en, ena köö,

Jeremaya 32:8

Køøre Anamel o cöök wära aö baŋa yi kal mar jø koor, kaawat mana caan Wuuö Jwøki, ni kööe jïra, ni «Ïïni, beerra man ŋeewï pwödhö mara mana en ya Anathöth na en yi ŋööm Benjamen, kiper øøna tuuŋ ni løny jïrï ki man tïme ni ŋeewa ïïni nee dööŋe jïrï. Ŋeewï nee tïme na marï.» Køøre, aani, aputa ŋäc ni dwørøgø beeye dwør Wuuö Jwøk møn.

Ciik Kiper Dïlämme 25:23

« ‹'Ba ŋöömö ba dwøk pwödhö nee put bëëtö na bäre bäre. Kiper ŋöömö beeye mara, a na Wuuö Jwøk, ni ni bëëdu ki aani en, u bëëdö kaamar wëëlle.

Ciik Kiper Dïlämme 25:24

Pwöth moa näk you ŋeeø na mou yi paac bäre, wär cäŋu weyø nee wiil ŋata ŋeewu ŋöömö manøgø baŋe.

Ciik Kiper Dïlämme 25:25

« ‹'Ba ni näk mo ŋat pou otïmö ni can, ni gath pwödhö mare kiper can, watge mana kare cään wär cøøe, ni cäŋ pwödhö ŋeewø mana gath watge.

Ciik Kiper Dïlämme 25:34

'Ba pwöle mo kwör kwaath mo päänye moge, ba løny ki man dwøgi pwödhö, kiper beeye thöökge na bäre bäre.

Ciik Kiper Dïlämme 25:49

Teeŋ cöök wänni, ki o cöök wänni, ki ŋat mo ge käla ri remø aciel ki gø røk tuuŋge, løny ki man wïïl gø wøk. Wala ni näk mo eni cere jïtö ki jammi, løny ki man wïïl dëëre wøk.

Kwään Jiy 35:2

ni «Kööm jø Icriel nee cïpge ki päänye jï jø tuuŋ Libay nee bëëtge yïthge røk päänye moo cïp jï jø Icriel na kurge; ni moocge jø tuuŋ Libay thuwø ki kwör kwaath buut päänye moøgø.