Jeremaya 32:44 - Wëël Jwøk

⁴⁴ Jiy pwöth oŋeewge ki gwel, ni göörge luum ŋïëw piny yïth weet ŋïëw, ni mwönge geni nyïm jiy mo ege cwølø. Gïnögø otïïcge yi ŋööm Benjamen, ki mïëri moa en deŋ Jerucalem, ki yïth mïëc Juuda, ki yïth mïëri moa en bäät thuuri, ki yïth mïëri moa en yi ŋöömma näk ree ee päärö, ki yïth mïëri mo Nëgëp. Kiper bëëtö marge 'cäŋa dwøk kare ni beer.» Luummögø caana Wuuö Jwøki.

Jeremaya 32:44 Iomraidhean Croise

Aydheea 44:26

Luum dhaanhnha wëëga thur kare, ni ö luup jiy mo wø jääŋŋa ni tïmge na adïëri. Bee aani na caan luum Jerucalem, ni kööa, ni ‹Paanøgø jiy obëëdö yie!› Ni caana luum päänye mo Juuda, ni kööa, ni ‹Päänye moøgø di geerø!› Ni tïŋa ge maal ki yi ränynyö marge.

Jeremaya 13:19

Dhøk kiiri mo päänye mo Nëgëp ocïëgi, ni bäŋe ŋat mo jap ge. Jø Juuda bëët omak ki tøŋ, ni käl ge bëët.

Jeremaya 17:26

Ni ö jiyi ki yïth päänye mo Juuda, ki yïth mïëri moa en deŋ Jerucalem, ki yi ŋööm Benjamen, ni ge ööi ka yi ŋöömma näk ree ee päärö, ki yïth mïëri moa en bäät kïte, ki kanya cwøl ni Nëgëp, ni ge käädö ko olämme mo wø waaŋ bäre, ki teeŋ olämme møga, ki muuce mo beel, ki gïn wø jïye ŋwääi ni met, ni känge thuwø ko olämme mo dwøk met ec yi øt Wuuö Jwøk.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Jeremaya 32:10

'Ba nyeŋŋa agööra yi wëëlö tier luubö mana jïëcwa bääte, ni mwöna gø ni jøøa cwøla nutö, ni cïba gwel bäät rumi ni røma geni.

Jeremaya 32:37

Ka adïëri møn, aani, jiya lema lemø yïth kwöra riema geni yïthge bëët kanya räny cwïnya ni wëëra ki geni ki wëër mo liel kaamar maac; ni duua geni kany en, ni bëëtge ni geno nikwak.

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Jeremaya 33:13

ni beege yïth mïëri moa en bäät thuuri, ki yïth mïëri moa en yi ŋöömma näk ree ee päärö, ki yïth mïëri mo Nëgëp, ki yi ŋööm Benjamen, ki yïth mïëri moa en deŋ Jerucalem, ki yïth mïëri mo Juuda, noo cäŋ tïmö ni da pïïth dïëk mo kwaan dïkwääye kwaanø.› Luummögø caana Wuuö Jwøki.

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Jeremaya 33:7

Ni ö jø Juuda ki jø Icriel bëët ni dwøga bëëtö marge kare, ni cäŋa tietge këël piny ni teek kaawat mana bëëtge dïkwøŋ.

Obadiya 1:19

Kanyøgø jøøa en dïtëën mana en jï løø tier-piny mar ŋööm Juuda, ŋøøp jø dhi øt Icøø na en bäät kïte olwørge, ni ö jøøa en tiet kïte jï løø kur pänh-cäŋ ni lwørge ŋøøp jø Pilitin na marge. Geni thuwø ŋøøp jø Ipariem ki ŋøøp jø Cameria olwørge na marge. Ni ö jø tuuŋ Benjamen ni lwørge ŋøøp jø Gelät na kurge.

Obadiya 1:20

'Ba jø Icriel moa no omaaø ki tøŋ geno duui, ni lwørge ŋøøpa en Keenan këël Dherepeth; ni ö moa no omaaø ki tøŋ yi Jerucalem na kïth Ceparat ni lwørge päänye moa en dïtëën mana en jï løø tier-piny manøgø.

Jepaniya 2:7

Ni put ŋöömmögø tïmö na mar jø dhi øt Juuda moa no odööŋ ni kwøw, ni tïme ni dïëk moge kwaacge yie. 'Ba wø tïme na abøøya, geno wäro ci yïth uut jø Ackelön kuna butge yïthge; kiper geno gwøk Wuuö Jwøki, Jwøk marge; ni ö eni na Wuuö Jwøk ni cäŋ bëëtö marge dwøk kare.

Dhekaraya 7:7

?Aŋø, moøgø paa luup moa car Wuuö Jwøki ki dhøk nyïïkuk Jwøk mo acääŋŋe, kanya poode ni Jerucalem ki päänye moa en deŋŋe bëëdö ni päŋ ki jiy, ni bëëtö mar jiy jööt jaak, ni mïëri moa en jï løø tier-piny ki mïëri moa en deŋ kïte jï løø kur pänh-cäŋ ge bëëdö ni päŋ ki jiy?› »