Jeremaya 32:40 - Wëël Jwøk

⁴⁰ Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Jeremaya 32:40 Iomraidhean Croise

2 Camiel 23:4

eni tïmö kaamar tiet øw kany wø bëëde ni cäŋ tuulö, ni tïme ni caala maal mo bäŋ pøøl kany wø bëët pinynyi na amöölla, ni tïme ni nëëni ni mïërö ni caala luum mo pulli mo tuya piny, kany wø rieny cäŋŋi køør køth.›

Aydheea 24:5

Piny atïïc jiyi ni ba waany, kiper jiy akweer ki man cääthge ki køør ciik Wuuö Jwøk, ni kärge luup moe gwøø, ni ö luumma tuut Wuuö Jwøki nee bëëde na bäre bäre ni raanyge gø.

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Aydheea 61:8

Wuuö Jwøk aköö, «Kiper aani, a na Wuuö Jwøk, a mëër ki ŋøl luup ma adïëri, naa män ki kwal, ni mäna ki gïï mo reyø. 'Ba ki køør adïëri mara, aani jiya ŋada ŋadø, ni tuda ki luubö ki geni mo bëëdö na bäre bäre.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Jeremaya 50:5

Geni, jöör Dhayan opëënyge, ni løøge nyïmge yie, ni öge ni cïpge dëëtge jï Wuuö Jwøk ki køør luubö mano tuutge mo bëëdö na bäre bäre, mo wïc ba wïl ki gø.

Edhikiel 36:26

Aani, u mooa mooø ki cwïnynyi mo nyärö, ni kïtha dëëtu ki jwïëy mo nyään; cwïnynyi mou na teek na caal kïdi käla wøk dëëtu, ni mooa uuni ki cwïnynyi mo jööm kaamar rïŋö.

Edhikiel 36:27

Aani, jwïëy 'moa kïtha dëëtu ni tïïa uuni nou cäädhu køør luup 'moa ni gwøgu ciik 'moa.

Edhikiel 37:26

Aani, a tudö ki luum bëët mëër ki geni, ni ö luummögø ni put bëëte no otuudö na bäre bäre. Aani, tietge këëlla piny ni teek ni meeda kwäänge, ni ö øt lam mara na en kur keere ni wëëga gø bëëtö dïge na bäre bäre.

Edhikiel 39:29

Aani täärnyïma ba kana këët ki geni, kiper jwïëya kønynya bäät jø dhi øt Icriel.› Luummögø caana Kwäärö Wuuö Jwøki.»

Mikiya 4:5

'Ba këël na bëët wïth juurre bëët ni ŋati man nø cäädhi ka nyeŋ jwøe, øøni, ø bëëdö ni ø cäädhi ka nyeŋ Wuuö Jwøk na bäre bäre, eni na Jwøk marø.

Tiet Ciik 31:6

Magu rou ni bëëdu nou teek, ni ba lwäyu, ni ba bwøk cwïnynyu ki geni, kiper Wuuö Jwøk beeye noo cäädhi nyïmmu. U ba leeŋ piny, ni ba wec uuni.»

Tiet Ciik 31:8

'Ba Wuuö Jwøk beeye noo bwøth maal nyïmï, ni eni bëëdö buutï. Ï ba leeŋ piny, ni ba wec ïïni. Kärï lwäyö, ni ba bwøk cwïnyï.»

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,

Ibaru 4:1

Kiper manøgønø, kany poode ni buuk mar ciin kar jwömö mare poot nut en, beerra man caarø wïthø, kiper nee ba caan ni uuna kääŋö ki gø.

Ibaru 7:24

'Ba eni kwäc-lam mare ba daak kiper eni puta bëëtö këël na bäre bäre.

Jeemeth 1:17

'Ba muuce bëët moa näk othur karge wø ööi ki maal ni öge piny ki baŋ Wuuö na näk wää tarri ni wø ba dak, ni ba caal tïpö ni wø dääŋi.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.