Jeremaya 32:37 - Wëël Jwøk

³⁷ Ka adïëri møn, aani, jiya lema lemø yïth kwöra riema geni yïthge bëët kanya räny cwïnya ni wëëra ki geni ki wëër mo liel kaamar maac; ni duua geni kany en, ni bëëtge ni geno nikwak.

Jeremaya 32:37 Iomraidhean Croise

Jeremaya 12:14

Mana caan Wuuö Jwøki beeye en, ena köö, ni «Ka adïëri møn, mïëc wïth juurre moa reyø na kïïö ki jiya, na tuk paac mana cïba jï jiya ma jø Icriel, ge cööda wøk yïth ŋøøpge, ni cööda jø Juuda wøk thuwø yïthakicge.

Jeremaya 16:14

«Kiper manøgønø, luumma caan Wuuö Jwøki beeye en: Da nïne mo öö, mo jøw ba kööŋ këët, ni ‹Ŋëët Wuuö Jwøk, Jwøa kwøw, na käl jø Icriel wøk ki Ijep.›

Jeremaya 16:15

'Ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ki yïth mïëri bëët moa riem geni yïthge,› kiper ge duua yi ŋöömö marge na cïba jï kwäcge.

Jeremaya 21:5

Ni ööa ki dëëra ni rwiea cera bäätu ki køør teek bada, ni këëda ki uuni ni aano wëër ki wëër mo dwøŋ mo liel kaamar maac.

Jeremaya 23:3

'Ba aani ki dëëra, jiya moa näk odööŋ ni kwøw ni caal pïïth dïëk 'moa, lema lemø yïth mïëri bëët moa riema geni yïthge, ni duua geni kar bëëtö marge, ni ö geni ni nyöötge ni nyaacge.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Jeremaya 23:8

'ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ni duu geni ki mïëri bëët moa riem geni yïthge.› Køøre geno bëëdö yi ŋöömö marge.»

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Jeremaya 29:14

Aano jootu møn, a na Wuuö Jwøk, ni duua uuni wøk ki yi bëët laŋ, ni lema uuni yïth mïëc wïth juurre bëët kwöra riema u yïthge bëët, ni duua uuni paana riema u wøk yie nou mak ki tøŋ.» Luummögø caana Wuuö Jwøki.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Jeremaya 31:10

«U na wïth juurre, wïnynyu luum Wuuö Jwøk, ni caannu gø jï mïëri moa kwörge bäyö, ni kööu, ni ‹Eni na keeth jø Icriel, ge cäŋe ka cooŋŋø, ni gwøk geni kaawat man wø ö dïkwääyi wø gwøk pïïth dïëk moe.›

Jeremaya 32:15

Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Uudi ki pwöth beel ki pwöth omøki ocäŋ ŋeewø yi ŋöömmi en.› »

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Jeremaya 33:7

Ni ö jø Juuda ki jø Icriel bëët ni dwøga bëëtö marge kare, ni cäŋa tietge këël piny ni teek kaawat mana bëëtge dïkwøŋ.

Edhikiel 11:17

«Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Ge lïma wøk dï wïth juurre, ni käla geni wøk ki yïth mïëri moa näk geno keethø yïthge, ni cäŋa ŋööm Icriel cïpö jïge.

Edhikiel 20:34

Aani, u duua duuö ki baŋ wïth juurre ni cuuŋa uuni ki yïth mïëri moa näk uuno keethø yïthge ki teek ni cera yaa rwieø bäätu ni wëër mara ena bäätu.

Edhikiel 28:25

«'Ba man beeye luumma caan Kwäärö Wuuö Jwøki, ena köö, ni ‹Kanyo cuuŋa jø Icriel ki dï wïth juurre moa näk geno keethø yïthge, ajiem mara nyoodha nyoodhø dïge ni nëënö jï wïth juurre. Køøre geno bëëdö yi ŋöömö marge mana cïba jï dhaanhnha ma Jeekap.

Edhikiel 28:26

Geni, ge bëëdö ni geno gwøø kaace, ni gëëtge ki uudi ni pïïthge ki jer omøki. Geni, ge bëëdö ni geno gwøø kanyo jääla jiy moa en deŋge ni wø cäänö ki gïï mo reyø dëëtge. Køøre nø putge ka ŋäc ni bee aani na Wuuö Jwøk, Jwøk marge.› »

Edhikiel 36:24

« ‹Kiper aani, u käla wøk dï wïth juurre, ni lïma uuni wøk ki yïth mïëri bëët, ni cäŋa uuni duu yi ŋöömö maru.

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Jool 3:20

'Ba Juuda tïmö ni beeye noo beet na bäre bäre, ni tïm Jerucalemmi na mar beenhnhe bëët mo oööi.

Jepaniya 3:20

Dïcäŋöca u cooŋa cooŋø ni duua uuni pou. Aani, u mooa mooø ki wödö ki pwøc ki yïthakic wïth juurre bëët mo bäät ŋøøm, kanyo cäŋa bëëtö maru dwøk kare ni nëënö jïïu ki nyeŋŋu.» Luummögø caana Wuuö Jwøki.

Dhekaraya 14:11

Jiy obëëdö yie, ni bëëde ni bäŋ acïëni mo ö bääte këët, kiper Jerucalem obëëdö no okoorø.

Dhekaraya 3:10

Wuuö Jwøk, eni na wïth jammi bëët, aköö, ni «Dïcäŋöca, ŋati man nø dëëtu watge cwøle cwølø ki met ec ni pïge piny ki gø tier jaath omøk mare ki tier olaam mare.»