Jeremaya 32:35 - Wëël Jwøk

³⁵ Ni gëëtge ki kwör lam jï Baal ya agäm-kïdi mana cwøl ni Ben Inöm, nee wäätge ki nyïïge waaŋge no olämme kaace jï Mölek, ni beeye gïn mo ge kära köömmö ki man tïïcge gø, na acaac gïnögø bäŋgø mo ö wïïa thuwø ki man tïïcge gïïögø ni ec raac ki ge døc yøø, ni wëëkge jø Juuda bääyö.

Jeremaya 32:35 Iomraidhean Croise

1 Nyeye 11:33

'Ba nyec okäla wøk cer Cølöman, kiper geni aana nø wecge, ni nø wøørge Actaröth jwø jø Caydan, ki Kemöc jwø jø Möap, ki Milköm jwø jø Amön; ni kärge køøra caadhø, ni kärge tïïö ki gïï mo nëëni ni beyø ki jïra, ni kärge ciik 'moa ki luup ŋøl 'moa gwøø, kaawat mana ö Deebiti wää Cølömanni na gwøk gïïögø.

1 Nyeye 11:7

Køøre Cølöman atïïö ki kar lam bäät thuur mana en jï løø kur tuul-cäŋ ki Jerucalem jï Kemöc, gïna no otieŋø ni wø lam jø Möapi, ni wø raac yi Wuuö Jwøki ki gø; ni cäŋ tïïö ki kar lam jï Mölek, gïna no otieŋø ni wø lam jø Amönni, ni wø raac yi Wuuö Jwøki ki gø.

1 Nyeye 14:16

'Ba Wuuö Jwøk jø Icriel kwiere kwierø kiper gïïa reyø na tïïc Jeröbämmi na wëëk jø Icriel tïïc ki raay.»

1 Nyeye 15:26

'Ba ena bëëdö ni tïïya gïï mo nëëni ni reyø ki jï Wuuö Jwøk, ni bëëde ni caatha køør gïïa reyø na tïïc wänni na wëëk jø Icriel tïïc ki raay.

1 Nyeye 15:30

Gïnögø atägö kiper raay moa tïïc Jeröbämmi, na wëëk jø Icriel tïïc ki raay, këël tïïe moa tïïe ni tïïya Wuuö Jwøk, Jwø Icriel, nee goote.

1 Nyeye 16:19

'Ba gïnögø atägö ki køør gïïa reyø na tïïe, na näk nëëni ni reyø ki jï Wuuö Jwøk, ki køør mana bëëde ni caatha køør gïïa reyø na tïïc Jeröbäm na wëëk jø Icriel tïïc ki raay.

1 Nyeye 21:22

Ni tïïa dhi øtø marï kaamar dhi øt Jeröbäm o Nebat, ki dhi øt Baaca wär Akiya, kiper tïïe moa tïïyï niï raanynya cwïnya naa goota, kiper na wëëgï jø Icriel tïïc ki raay thuwø.›

2 Nyeye 21:11

ni «Kiper mana ö Maneeca nyeny Juuda na nø tïïe ki gïï mo ec raac ki ge døc, ni tïïe ki gïï mo reyø mo kaala moa tïïc jø Amör na kwøŋ bwödhö maal nyïme, ni nø wëëk jø Juuda tïïc ki raay, ni ge lama juu moe moa no otieŋø,

2 Nyeye 21:4

Køøre ena tïïö ki gïï wø cïp olämme bäätge jï juu møøk yi Øt Wuuö Jwøk, ni beeye øtø mana kö Wuuö Jwøki ni nyeŋŋe doo wøørø yie yi Jerucalem.

2 Nyeye 23:10

Jöcaya thuwø, Töpeth, kanya raac ni wø waaŋ olämme yie na en yi goor Ben-Inöm atïïe ni ba waany, nee bäŋe dhaanhø mo waaŋ wääde wala nyaare no olämi jï Mölek këët.

2 Nyeye 23:15

Këël gïn wø cïp olämme bääte mana en Bëthël, ki kar lam mana en bäät thuur na no otïïc Jeröbämmi o Nebat, na wëëk jø Icriel tïïc ki raay, atoor piny. Ni waaŋ kar lam ni guur gø na tør, ni waaŋ Acara thuwø.

2 Nyeye 3:3

'Ba ena bëëdö ni cwïnye onieŋ køør raay moa tïïc Jeröbämmi o Nebat na wëëk jø Icriel tïïc ki raay, ni käre raayøgø wiiø.

2 Luup Nyeye 33:6

'Ba wääde awaaŋe ki maac no olämi ya agäm-kïn Ben Inöm, ni tïïe ki jap thïëth, ki jap adïëda, ki jap ajuuk, ni pëëny jiy mo rege da juu mo cøøra jwïëc jøøa no othøw, ki jiy mo cäänö ki juuk piny. 'Ba ena tïïö ki gïï mo thööth døc mo nëëni ni reyø ki jï Wuuö Jwøk, ni tïïya Wuuö Jwøk nee goote.

2 Luup Nyeye 33:9

'Ba Maneeca jø Juuda ki jø Jerucalem abwødhe ki man gaage wøk ni tïïge ki raay mo thööth mo kaala moa tïïc wïth juurre moa wïthge dïïr Wuuö Jwøki nyïm jø Icriel.

2 Luup Nyeye 36:14

Maya thuwø, dïlämme bëët moa kwörge døøŋŋø, ki jiy bëët, gena bääyö dëër Wuuö Jwøk. Kiper gena tïmö ni ge caatha køør japa raac eci ki ge bëët ni wø tïïc wïth juurre, ni tïïcge Øt Wuuö Jwøk ni ba waany, øda cïp Wuuö Jwøki kur keere yi Jerucalem.

Bwøth Wøk 32:21

Køøre Modhe aköö jï Aran, na «?Agïnaŋø na tïïc jøøi dëërï, ni kïthï bääyö man ni dwøŋ bäätge en?»

Aydheea 57:5

Juu mou na näk patha adïëri lammu nou døøa dëëtu ki käp tiet jenni moa no onigïït piny, ni nyïïu ŋallu ŋallø ni cïpu ge jïge no olämme deŋ nyeŋ näm ki tiet agäp-kïte.

Jeremaya 19:2

Ni ciï ya agäm-kïdi mana cwøl ni Ben Inöm, na en buut dhi kiir man wø leeŋ abänni yie, ni caanï luummi ni caana jïrï en kaace,

Jeremaya 30:14

Wïth juurre moa mëërru ki geni na dwätu ki geni bëët wïthge awïl ki uuni; ni ge ba many uuni këët; kiper dëëtu amooa ki gïï mo leth mo caala man wø tïïc nyïïmänni, ni jääla uuni kaawat man wø tïïc ŋat mo cwïnye ba pädhi ki tïïc gïn mo leth. Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 44:4

'Ba aana bëëdö ni jiya ma nyïïkuk Jwøk bëët jääŋŋa jääŋŋö baŋu cooth, naa köö, ni ‹Gïn ni raac yia ki gø døc enø, na mäna ki gø, kär tïïyu.›

Jeremaya 7:30

Ni kö Wuuö Jwøki, ni «Jø Juuda atïïö ki gïï mo neeni ni reyø ki jïra; gïïa näk ec raac ki ge acïpge yi øtø mana cwøl ri nyeŋŋa, ni ge tïïya gø ni ba waany.

Jeremaya 7:31

Gena gëëdö ki kwör lam kanya cwøl ni Töpeth, na en ya agäm-kïdi mana cwøl ni Ben-Inöm, kiper nee wäätge ki nyïïge waaŋge no olämme kaace, ni gïnögø beeye gïn mo ge kära köömmö ki man tïïcge gø, na acaac gïnögø bäŋgø mo oö wïïa thuwø.

Edhikiel 23:37

Kiper gena bëëdö na jø luuï ni kunyge piny ki rem jiy. Gena buut ki kït gïï wø lamge, ni ŋarge nyïïge ni cïpge ge no olämme, ni kïthge ge yi maac ni tïme na cam kiperge, ni beege obwöre moa nywølge jïra.

Ciik Kiper Dïlämme 18:21

« ‹Ki røk obwöre moï kär dee gø mo jïëyï jïëö nee ge cïp no olämi jï jwø wø cwøl ni Mölek, kiper tïmö niï pääta nyeŋ Jwøï; ni beeye aani na Wuuö Jwøk.

Moa Tïïc Nyïïatwieli 7:43

'Ba beeye oduŋkaany jwøa cwøl ni Möløk na kääru, ki cëërö mar jwøu ma Reepan, ni beege gïïa tïïyu nee wøørru. 'Ba uuno daaa ŋää Babiløn.›

Tiet Ciik 12:31

Kär dee teeŋ gïn mo caala manøgø mo tïïyu dëër Wuuö Jwøk na näk Jwøu, kiper jøøgø jammi bëët moa näk yi Wuuö Jwøk raac ki ge, na mäne ki ge, beege ni wø tïïcge jï juu moge. Kiper geni, këël obwöre moge moa näk cwøw ki moa näk mään wø waaŋge waaŋø no olämme jï juu moge.

Tiet Ciik 18:10

Kär dee dhaanhø mo joot dïïu mo waaŋa wääde wala nyaare ki maac no olämi, wala ŋat adïëda, wala ŋat mo tïïö ki wäälli, wala ŋat mo thöödhö ki war, wala ŋat ma ajwøa jaak,

Tiet Ciik 24:4

kär cwøre mana dïkwøŋ na riem gø cäŋ døø baŋ gø na cïïe, kiper dhaagø manøgø dëëre ba waany këët, ni teeŋ nywöm manøgø beeye gïn mo raac nyïm Wuuö Jwøk na näk Jwøu. Kär raay mo caala teeŋ gïnögø kïthu yi ŋöömmo cïp Wuuö Jwøki na näk Jwøu noo dööŋ jïïu.