Jeremaya 32:29 - Wëël Jwøk

²⁹ Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Jeremaya 32:29 Iomraidhean Croise

2 Nyeye 25:9

Ni waaŋ Øt Wuuö Jwøk, ki paan dwøŋ mar nyeya, ki uudi moa en Jerucalem bëët; këël uudi moa døøŋŋø bëët awaaŋe thuwø.

2 Luup Nyeye 36:19

Køøre Øt Jwøk awaaŋge, ni nyaage kiir Jerucalem piny, ni ö uudi bëët mo Jerucalem moa no ogeerø ni teek ni waaŋge ge ki maac, ni raanyge jammi bëët moa perge leth na en yi Jerucalem.

Neemiya 8:16

'Ba jiy gena put aa wøk, ni kälge bäät jenni, ni gëënge dëëtge ka abïle, ni ö ŋati man nø ni gëëde bäät øde maal, ki yïth käälle moge, ki yïth käälle mo Øt Jwøk, ki kanya leer na en nyïm dhi kiir man wø cwøl ni Dhi Kiir Pïï, ki kanya leer na en nyïm dhi kiir man wø cwøl ni Dhi Kiir Ipariem.

Aydheea 22:1

'Ba luumma nyooth Wuuö Jwøki kiper jøøa bëëdö goor wø nyooth luup yie bee en: «?Aŋø, agïnaŋø na tägö rou ennø, ni tïme ni u bëët, u puta eth wïth uudi maal en?

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 17:27

'Ba ni näk mara ba wïnynyu ki man gwøgu cäŋ jwömö nee bëëde ni ena kur keere na mar Jwøk, ni curu dhøk kiir mar Jerucalem nou käädö ki tëër ki cäŋ jwömö, aani dhøk kiir mar Jerucalem nyeba nyebø ki maac mo ba løny ki bïp, ni put kwöra no ogeerø ni teek bëët dï Jerucalem waaŋ.› »

Jeremaya 19:13

Uudi mo Jerucalem, ki mo nyeye mo Juuda, otïmö ni ba waany kaamar Töpeth, ni beege uudi bëët moa näk jiy wääŋö bäätge ki gïn wø jïye ŋwääi ni met ni ge lama cäŋ ki dwääy ki ceer, ni kunyge piny bäätge ki muuy mar køøŋø jï juu møøk.› »

Jeremaya 21:10

Kiper a na Wuuö Jwøk, wïïa yaa nø këël ri päänyi ki man tïïa ki gïn mo leth dëëre, ni patha gïn mo beer. Päänyi en 'cïba cer nyeny Babiløn, ni ö eni ni waaŋ gø.›

Jeremaya 30:14

Wïth juurre moa mëërru ki geni na dwätu ki geni bëët wïthge awïl ki uuni; ni ge ba many uuni këët; kiper dëëtu amooa ki gïï mo leth mo caala man wø tïïc nyïïmänni, ni jääla uuni kaawat man wø tïïc ŋat mo cwïnye ba pädhi ki tïïc gïn mo leth. Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 32:3

Kiper beeye Cëdëkiya nyeny Juuda na dëët Jeremaya yi kal, ni kööe jïre, na «?Aperŋø na køpï luupi ii? Ïïna köö ni Wuuö Jwøk aköö, ni ‹Ka adïëri møn, pääny man en 'cïba cer nyeny Babiløn, ni ö eni ni mac gø.

Jeremaya 34:2

ni kööm Jeremaya nee ci baŋ Cëdëkiya nyeny Juuda, ni caan gø jïre, ni «Luumma caan Wuuö Jwøki, Jwø Icriel, beeye en: ni ‹Ennø, pääny man 'cïba cer nyeny Babiløn, ni ööe ni waaŋ gø.

Jeremaya 39:8

Jø Babiløn thuwø paan dwøŋ mar nyeya ki uudi mo jiy awaaŋge, ni nyaage kiir piny mar Jerucalem.

Jeremaya 44:25

Luumma caan Wuuö Jwøki, Jwø Icriel, eni na wïth jammi bëët, beeye en: Uuni ki määru, gïna caannu ki dhøgu awëëgu thur kare ki køør mana tïïyu gø ki ceŋŋu, ni beeye luubö mana caannu na kööu, ni ‹Ka adïëri møn, waani, gïna kööŋwa kipere tïïcwa tïïö, ni beeye ki man cïpwa ko olämme jï Gwanynyø Mar Maal ni kunywa piny ki køøŋø jïre.› 'Ba putu tïïc nø, nou wëëga kööŋ maru thur kare.

Jeremaya 52:12

'Ba kanya tïme na ri cwiiri apaar ka abïŋween moa beet Nabukedenecörri ni ena nyeny Babiløn, kanya tïm nïr dwää abïïc na apaar, Nabucaradan kwääy jø koor, mo tïïö tier nyeny Babiløn, aö Jerucalem.

Jeremaya 52:13

Ni waaŋ Øt Wuuö Jwøk ki paan dwøŋ mar nyeya, ki uudi moa en Jerucalem bëët, këël uudi moa døøŋŋø bëët awaaŋe thuwø.

Jeremaya 7:17

?Aŋø, gïï wø tïïcge dï päänye mo Juuda ki dï uutjïëthe mo Jerucalem kärï joodø?

Jeremaya 7:18

Obwöre wø möödö ki jenni, ni ö wëëe ni äpge mäc, ni ö määnni ni cuutge ki muunni nee tïïge ki dääpe jï jwøa cwøl ni Gwanynyø Mar Maal, ni kunyge piny ki køøŋø jï juu møøk, ni ge raanynya cwïnya.

Wëël Kïmmö 4:11

Wuuö Jwøk wëër mare akäle ni dwøŋ døc; wëër mare ni wø liel kaamar maac ajääŋŋe; ni leeŋ maac yi Dhayan, ni ö maaci ni put tier kiir Dhayan thöör ki waaŋ bäre.

Edhikiel 23:47

Geno këër lwaaki ki kïte, ni ŋarge geni ko opëëlle moge, ni ö wäätge ki nyïïge ni puti ya lwaaki 'näk ni put uudi moge waaŋ ki maac.

Mathiew 22:7

Kanyøgø nyeya cwïnye aränynyö, ni jääŋ jø tøŋ moe, ni dïïr wïth dïnäge moøgø, ni waaŋ poge.

Moa Tïïc Nyïïatwieli 10:9

'Ba na tïme na aruunnø man, ni ge poot cäädhö ni karge oløny ni cään ki paanøca, Piter aeth maal wï øtø kuna läme, ki kar caae apaar kurriiø ki dïcäŋ.

Ibaru 3:16

?'Ba a jøøe moe na wïny gø, ni pootge ni ge poot gëëmö, këël na wïnyge gø? ?Aŋø, paa jøøa ö wøk ki Ijep bëët ni ge bwøtha Modhe?