Jeremaya 32:23 - Wëël Jwøk

²³ Ni öge yie ni macge gø, 'ba dwørï kärge wïnynyö, ni kärge cäädhö køør ciik moï. Ni bäŋ gïn mo ege tïïö kiper gïïa köömmï geni ki ge bëët nee kïthge bäät tïïc, ni beeye tiere gø na jääŋŋï gïï na leth bëët ii bäätge.

Jeremaya 32:23 Iomraidhean Croise

Edhera 9:7

Ki mana täge ki røk nïra beet kwäcwa këël dïcäŋi en, wa bëëdö ni wa tïïö ki raay mo døøŋŋø, 'ba ki køør raay mowa, waani ki nyeye mowa ki dïlämme mowa, waana cïp ceŋ nyeye mo wïth juurre, ni ŋar waani, ni mak waani ki tøŋ, ni twier waani, ni tïm wïthwa ni laay këël dïcäŋi en.

Neemiya 9:15

Ïïni, ïïna cïpö ki cam jïge mo ööi ki maal kiper käc marge, ni wëëgï pïï kwön wøk ki yi kïdi jïge kiper riew marge. Ïïni, acaanï jïge nee dønyge yi ŋöömö nee lwørge na marge, ni beeye ŋöömma kööŋï kipere ni cïpï cïbö jïge.

Jeremaya 2:7

'Ba aani, uuna käla yi ŋöömma beer, nee caammi ki gïïa beyø na en yie bëët nee cammu. 'Ba uuna öö, ni raanynyu ŋöömma, ni tïïyu ŋöömma näk mara na kany mo ec raac ki gø.

Jeremaya 26:4

Ni man beeye mano caanï jïge, ni ‹Mana caan Wuuö Jwøki beeye en: Ni näk mo dwøra ba wïnynyu, ni ba caathu køør ciik 'moa, moa cïba jïïu,

Jeremaya 44:10

'Ba cwïnyge kär maar pädhö kiper gïna tïïcge, këël dïcäŋi en, ni ge kär lwäyö, ni ge kär cäädhö køør ciik 'moa ki gïïa cema na cïba jïïu ki jï kwäyu.

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Wëël Kïmmö 1:18

«Wuuö Jwøk mare beeye adïëri, kiper aana bëëdö naa gëëmö ki ciik moe. U na wïth jiy bëët, ennø, wïnynyu, ni neennu gïïa leth na jwøra. Jø leny 'moa moa dëëtge teek ki nyïïakuue 'moa, amak ki tøŋ.

Wëël Kïmmö 1:8

Jerucalem atïïö ki raay mo døøŋŋø døc ni put tïmö ni ba waany. Ena jar jøøa wøør eni bëët, kiper mana jootge gø ni bëëdö ka dëëre. Këël eni ki dëëre, ena cooyø ni wïïe ee løø wøk.

Edhikiel 20:18

'Ba aana köö jï obwöre moge dï paap, ni «Käru cäädhö ki køør luup mo wëëgu wala man gwøgu ciik moge wala man päätu dëëtu ki kït gïï wø lamge.

Edhikiel 20:21

« ‹'Ba obwöre moge gena gëëmö ki aani thuwø. Ge kär cäädhö ki køør luup 'moa, ni kärge wïthge caarø ki man kïthge ciik 'moa bäät tïïc, ni beege gïïa doo cïpö ki kwøw jï ŋato kïth ge bäät tïïc; ni ö geni ni putge cääŋŋe 'moa mo jwöm päät. Kanyøgø aana köö ni wëër mara ni wø liel kaamar maac kønynya bäätge nee wëër mara put røm dëëtge dï paap.

Edhikiel 20:8

« ‹'Ba gena tïmö ni marge ageem ki aani ni kweerge ki man cekge ïthge ki luumma. Japa reyø ni wø wøørge kärge wetø, ni kärge kït gïï wø lam mo jø Ijep wiiø. Kanyøgø aana köö ni wëër mara ni wø liel kaamar maac kønynya bäätge nø, nee wëër mara put røm dëëtge dï ŋööm Ijep.

Luk 17:10

'Ba uuni thuwø, kany wø nø tïïyu gïï wø caan jïïu bëët, wäro wø kööu, ni ‹Waana laaŋe mo bäŋ gïrwa, 'ba wa tïïya tïïa näk owii ceŋwa cøøn.› »

Jøøn 15:14

Uuna nyïïawääta ni näk mana caana jïïu tïïyu tïïö.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Jeemeth 2:10

Kiper ŋat wø gwøk ciik Jwøk bëët ni baaya aciel dïge, ena tïmö ni baaya ge bëët.

Jøcua 21:43

'Ba Wuuö Jwøk ŋöömö bäre aput cïp jï jø Icriel, ni beeye ŋöömma kööŋe jï kwäcge kipere nee cïbe jïge; ni ö jø Icrielli ni macge ŋöömö manøgø ni putge bëëtö yie.

Jøcua 23:16

Ni näk mo luumma tuut Wuuö Jwøki na näk Jwøu na kööm uuni ki gø you kaalø, ni cou ni tïnynyu juu møøk, ni këëllu cøŋŋu piny nou wøøra geni, kanyøgønø Wuuö Jwøk wëëye pute ka jääŋŋö bäätu kaamar maac mo liel, ni laaru thumö bëët ki thøø yi ŋöömmi ni beer en, ni beeye ŋöömma cïbe jïïu.»