Jeremaya 32:20 - Wëël Jwøk

²⁰ Ïïna tïïö ki nyuuthe ki gïï mo rëëma ec yi ŋööm Ijep, ni ï wø poot tïïö ki nyuuthe yi ŋööm Icriel ki dï jiy ma teeŋi këël dïcäŋi en, ni tïïyï nyeŋŋï nee wïnye kaawat man bëëde dïcäŋi en.

Jeremaya 32:20 Iomraidhean Croise

2 Camiel 7:23

?Aŋø, da wï jur bäät piny kany mo caala jiyï ma jø Icriel? Kiper beeye ï na Jwøk marwa na ö baŋ jiyï ma jø Icriel, ni kälï wa wøk ceŋ jø Ijep, nee wa bëëtwa na jiyï, ni tïïyï nyeŋŋï nee wïnye. Ïïna tïïö ki gïï mo døøŋŋø mo di lwäärö dëët wïth juurre ki juu moge, ni riemï ge wøk nyïmwa, wa na jiyï.

1 Luup Nyeye 17:21

Bäŋ wï jur bäät piny kany mo caala jiyï ma jø Icriel, jøøa wïïlï wøk na tïïyï na jiyï, ni tïïyï nyeŋŋï nee wïnye ki køør jammi moa døøŋŋø mo di lwäärö na tïïyï, ni riemï wïth juurre wøk nyïmge, kanya kälï ge wøk ki Ijep.

Neemiya 9:10

Ïïna tïïö ki nyuuthe ki gïï mo rëëma ec dëër Peerø ki dëët jiye moa kwörge døøŋŋø bëët, ki dëët jiy bëët moa en yi ŋöömö mare, kiper ïïni, gïna tïïcge ni bëëtge ni ge töödö bäät jiyï ki gø ŋäyï. Ïïni, nyeŋŋï atïïyï nee wïnye kaawat man bëëde dïcäŋi en.

Neemiya 9:11

Ïïni, Naama Kwaar apääŋŋï ki dïëre nyïm jiyï, ni putge cør dï naam ni ge cäädhi ka kany mo otal; 'ba jøøa ŋwiec køørge, gena leeŋï yi naam kanya päŋ døc kaamar kïdi mo oleeŋa yïth pïï mo kwödö døc.

Bwøth Wøk 10:2

kiper nee ïïni na Modhe en nee teeŋ gïïa leth na tïïa dëët jø Ijep ki teeŋ ŋïïce moa tïïa dïge, nee caanï jï wäätï ki nyïïkwaayï, ni putu gø ŋäc møn ni beeye aani na Wuuö Jwøk.»

Bwøth Wøk 3:20

'Ba aani cera orwiea bäät jø Ijep, ni tïïa gïï mo leth dëëtge ki ri gïï mo rëëma ec moo tïïa yi Ijep. Køøre nø, wääth cïbe cïbö jïïu.

Bwøth Wøk 7:3

'Ba aani cwïny Peerø odøøya mo teek, ni tïïa ŋïïce ki gïï mo rëëma ec 'moa ni thööth yi ŋööm Ijep.

Bwøth Wøk 9:16

'Ba gïna wiia ïïni kipere niï bëëdï, beeye kiper nee teek mara nyoodha jïrï, nee gïra køp bäät piny bäre.

Aydheea 63:12

?Age eni na jääŋ bade na teek na näk bada ajiem bäät cer cwïï Modhe? ?Age eni na pääŋ pïï ki dïëre nyïmge, na tïïc nyeŋŋe nee bëëde ni ŋäc na bäre bäre?

Aydheea 63:14

Gena mooc Jwïëc Wuuö Jwøki ki jwöm kaamar lääc paac mo cøøa yi gool.» Wui Wuuö Jwøk, manøgø beeye jöö mana bwøthï jiyï ki gø, na tïïyï nyeŋŋï nee bëëde ni di jiemø.

Jeremaya 13:11

Kiper ka adïëri møn, kaawat man wø bëët abïï no okïth dhaanhe dëëre ni teek, jø Icriel bëët ki jø Juuda bëët akäla raa, nee bëëtge na jiya, nee nyeŋŋa wïnye, ni jïta ki pwøc ka ajiem ki køørge; 'ba luumma kärge wïnynyö.› » Luummögø caana Wuuö Jwøki.

Daniel 6:28

'Ba Daniel, ena bëëdö ni bëëtö mare beer yïth cwiiri moa beet nyeya ma Dariöc, ki yïth cwiiri moa beet nyeya ma Kiröc nyï Parca.

Daniel 9:15

«'Ba ennø, wui ï na Kwäärö Wuuö Jwøk, Jwøk marwa, ï na käl jiyï wøk ki yi ŋööm Ijep ki køør teek badï, ï na tïïc nyeŋŋï nee wïnye kaawat man bëëde dïcäŋi en, waani, waana bääyö, ni tïïcwa gïï mo reyø.

Moa Tïïc Nyïïatwieli 7:36

Ni bwøth jø Icriel wøk ni tïïe ki gïï mo rëëma ec ki ŋïïce yi Ijep, ki bäät Naama Kwaar, ki dï paap ki yïth cwiiri ma pïëraŋween.

Tiet Ciik 11:3

ki ŋïïce moe ki tïïe moe moa tïïe Ijep dëër Peerø nyeny Ijep ki yi ŋöömme bäre,

Tiet Ciik 4:34

?Aŋø, a jwøa ŋø na päär gø ki man kääde ki wï jur kiper dëëre dï wï jur mør, kaawat mana tïïc Wuuö Jwøki na näk Jwøu kiperu Ijep, na käl u wøk ki køør päärö mo teek, ki ŋïïce ki gïï mo rëëma ec, ki køør leny ki teek bade ki teek mare na dwøŋ, ki gïïa døøŋŋø na tïïe na kännö ki lwär, na jootu ki nyeŋŋu?

Tiet Ciik 6:22

Ni ö Wuuö Jwøki ni tïïc ŋïïce ki gïï mo rëëma ec mo døøŋŋø mo leth bäät Ijep ki nyenyge ma Peerø ki paare bäre, ni nëënö jïwa ki nyeŋwa.

Tiet Ciik 7:19

ni beege gïïa leth døc na jootu ki nyeŋŋu, ki ŋïïce ki gïï mo rëëma ec moa tïïc Wuuö Jwøki na näk Jwøu ki teek bade ki teek mare na dwøŋ kanya käl uuni wøk. 'Ba Wuuö Jwøk na näk Jwøu teeŋ gïïögø thuwø otïïe dëët jiy bëët moo lwäyu ki geni.