Jeremaya 32:19 - Wëël Jwøk

¹⁹ Acaara marï dwøŋ, ni tïïe moï wø tïïyï ka teek mo dwøŋ, ni waŋï iï peerø bäät uutjïëth tïïe mo jiy bëët, ni ŋati man nø wø cunnï cunnö ki køør bëëtö mare ki tïïe moe.

Jeremaya 32:19 Iomraidhean Croise

1 Nyeye 8:32

beerra man wïnynyï gø ki maal ni ŋølï mar jiyï, ni jäälï ŋata mare raac, ni dwøgï gïna raac wïïe keere na tïïe, ni ŋunnï ŋata mare beer, ni duunnï jïre ki køør mare na beer.

2 Luup Nyeye 16:9

Kiper waŋ Wuuö Jwøk wïdö bäät piny bäre ni neeta gø kiper nee cïpe ki teek jï jø wø many eni ki cwïnyge bäre. 'Ba ïïni kiper mana tïïï ki gïn mo wïïï kärï caarø ki gø, ki mano täge ennø, ï bëëdö ni da lenye yïthakiyu ki jø møøk cooth.»

Jööp 34:11

Kiper eni, ŋati man nø cunne cunnö ki køør gïna tïïe; ni ö ŋati man nø ni dwøk japa tïïe wï gø ki køør bëëtö mar gø.

Jööp 34:21

«Kiper Jwøk raŋŋa yi jöör bëëtö mar dhaanhø; ni waŋe neeta kwör cääthe mo tiet gø.

Bwøth Wøk 15:11

«Wui Wuuö Jwøk, ?aŋa ni pääri ki ïïni dï juu bëët? ?Aŋa ni pääri ki ïïni na dwøŋ, ni bëëtö mare ena kur keere? ?Aŋø, paa ï na Jwøk keerï na doo lwäärö kiper ajiem marï ki gïï wø rëëm ec ni wø tïïyï?

Pwöc Leec Wïc 5:21

Kiper uutjïëth tïïe mo dhaanhø nëënö jï Wuuö Jwøk, ni jïëth tïïe mo dhaanhø bëët wø di neetø.

Pwöc Leec Wïc 8:14

Pwöc moa beyø ki leec wïc mana näk kare beege 'moa, ni ŋäc tiet luup ki teek ena baŋa.

Luup Dïpööy 12:14

Kiper Jwøk jammi bëët kïthe kar ŋøl mare, ni beege jammi bëët moa näk tietge okanø, nee raac wala beer.

Aydheea 28:29

'Ba gïïögø bëët käla baŋ Wuuö Jwøk, eni na wïth jammi bëët, ŋata näk acaara mare rëëma ec, ni leec wïc mare dwøŋ.

Aydheea 40:13

?Aŋø, aŋa na kööm Jwïëc Wuuö Jwøk, ni nyuunhnha gø ki luup?

Aydheea 59:18

Wuuö Jwøk wëër, ni cool kwör dëët jøøa gëëmö ki eni, ki nyïïmän moe ki køør gïïa tïïcge; eni kwör di coolø dëët wïth juurre mo wø bëëdö yïth mïëri moa en bäät naama dwøŋ.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 16:17

Kiper aani, waŋa bëëdö ni neeta uutjïëth bëëtö moge bëët, ni patha okanø ki jïra, ni raay moge kär rwäänyö jïra.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 21:14

'Ba a na Wuuö Jwøk, u jääla jäälö ki køør tïïe mou na reyø, ni waaŋa paan dwøŋ maru ki maac ni ö gïïo en lage bëët ni thööri ya maaci.»

Jeremaya 23:24

?Aŋø, løny jï dhaanhø ki man kan ree kwör mo kuc, nee eni ba jooda, a na Wuuö Jwøk? ?Aŋø, a na Wuuö Jwøk, maal ki piny patha yaa pääŋö bäre?

Jeremaya 25:14

Ni ö wïth juurre mo thööth ki nyeye mo døøŋŋø ni tïïcge jø Babiløn na laaŋe; ni coola pïïn gïïa reyø dëëtge na tïïcge, ni beege gïïa reyø na tïïcge ki ceŋge.»

Daniel 2:45

Man beeye tier gïna jootï kiper thääŋ kïdi mana muk ri kïdi mana näk kär gudö ki cenø, na pet nywïënyö, ki jwïël, ko odhöönh, ki gwel-bïrö, ki warkey. Jwøa dwøŋ gïïo tägi yi nyïm anyoodhe jïrï, ï na nyeya. 'Ba lääk beeye adïëri, ni tier gïna cääne kipere di ŋäädhö na kare.»

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Dhekaraya 9:1

Luum Wuuö Jwøk na caal tëër ena bäät ŋööm Adrak ni jääla gø, këël mano këët Damacka; kiper jiy ki wïth tuŋi bëët mo Icriel, nyeŋge atïmö ni ena dëër Wuuö Jwøk.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Jøøn 5:29

ni öge wøk. Ni ö jøøa tïïc gïïa beyø, ni öge wøk ni cige yi kwøw. Ni ö jøøa tïïc gïïa reyø, ni öge wøk ni cige ya ajäla.

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Epeca 1:11

Ni beeye ki køøre na ö waani na kwøŋ Krictø ŋääth na miek na jier nee wa bëëtwa ni wa pwøya ajieme, keda mana many ŋat wø tïïc jammi bëët keda man wø näk ee cooŋø ki cwïnye.

Ibaru 4:13

'Ba bäŋ gïn mo okanø røk moa no ocwääö bëët, 'ba jammi bëët ena wøgø, ni nëënö jï Jwøk jaak, eni noo cuŋŋø nyïme.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

Mana Nyooth 22:12

Ni kö Jecu, «Neenï! Aani, a laara öö, naa käära japo cunna jiy ki ge, ni ŋati man nø cunna ka køør gïna tïïe.