Jeremaya 32:18 - Wëël Jwøk

¹⁸ Beeye ïïni ni wø nyooth mëër marï ni wø ba jøøl jï jiy ma kum kum, 'ba ïïni, gïïa reyø ni wø bac wëëe wø coolï coolø dëët obwöre moge mo wø ööi køørge. Bee ï na Jwøa dwøŋ na teek, ni nyeŋŋï beeye Wuuö Jwøk, Jwø wïth jammi bëët.

Jeremaya 32:18 Iomraidhean Croise

Wïlöölö 49:24

'Ba gïr leny mare poot bëëdö ni ee maa ni teek ni kär dak cere, ni bääte ee maa ni teek ni cere rwäänhnhö ri leny; ni teege joode ka køør teek man wø cïp ŋata en teeki jïre, ni beeye Jwø Jeekap, eni na dïkwääy ni wø gwøk jø Icriel.

2 Nyeye 9:26

Kar kaaca Wuuö Jwøk acäänö kiper Akap ni kööe, ni ‹Ka adïëri møn, ya awääre rem Naböth ki rem wääte ajooda; 'ba aani kwör remge coola coolø dëërï yi pwöthögø.› 'Ba ennø, ki køør dwør Wuuö Jwøk, lwørï ni leeŋï eni piny yi pwödhö.»

Neemiya 1:5

Ni kööa, ni «Wui Wuuö Jwøk, Jwø maal, a kwaya ïïni, ï na Jwøa dwøŋ ni wø kwany dëëlli ki eni, ï ni wø gwøk luumma tuutï ki jø wø mëër ki ïïni, ï ni wø nyooth mëër man wø ba jøøl jïge, ge ni wø gwøk ciik moï.

Dut Pwøc 50:1

Bwøth Wøk 34:6

Køøre eni na Wuuö Jwøk apöödhö ki nyïm Modhe, ni cäänö, ni «Beeye aani na Wuuö Jwøk, Jwøa näk yie bäth ni wø nyooth met ec mare jï jiy, ni wø ba laar wëër, ni mëëye ni wø ba jøøl päl, na adïëri mare okadhø;

Bwøth Wøk 34:7

ni beeye wø gwøk mëëye ni wø ba jøøl kiper jiy ma kum kum, ni ŋat mo obääyö, ki ŋat adhala, ki ŋat mo otïïö ki gïï mo reyø di wëënnö; 'ba ŋat raay poot ba wiie ka ajäla, ni raay moa tïïc wëëe poot di coolø dëët obwöre moge ki nyïïkwaacge, këël mano pïïe dää beenhnhe wala ŋweer beenhnhe.»

Aydheea 10:21

Jiy moo dööŋ ni kwøw oduui møn, ni beege moo dööŋ ri dhi øt Jeekap, ni ge duua baŋ Jwøa teek.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 10:16

'Ba eni na Jwø Jeekap ba caal gïïögø, kiper bee eni na tïïc jammi bëët, ni cwääc jiye ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Jeremaya 10:6

Wui Wuuö Jwøk, bäŋ Jwøk mo caala ïïni; dwøŋŋa ïïni, ni teek marï dwøŋ døc, ni nyeŋŋï owïnyö.

Jeremaya 20:11

'Ba Wuuö Jwøk ena buuta kaamar oteen tøŋ. Kiper manøgønø, jø wø 'caan aani a ba böötge; 'ba tietge ocwanyge, ni tïm wïthge ni laay døc kiper no ba thur gïna manyge kare, ni wïc ba wïl ki lään wïc marge na bäre bäre.

Jeremaya 31:35

Man beeye luumma caan Wuuö Jwøki, eni na tïïc cäŋ nee rienye ki waŋcäŋ, na cïp dwääy ki ceer kwörge nee rienyge ki wäär, eni ni wø dhäy naama dwøŋ, ni bëët odhänynyi mare ni lwör, eni na näk nyeŋŋe beeye Wuuö Jwøk, Jwø wïth jammi bëët,

Jeremaya 33:2

ni «Man beeye luumma caan Wuuö Jwøki, eni na cwääc piny ni tïïc gø nee bëëde kare, eni na näk nyeŋŋe beeye Wuuö Jwøk, ena köö,

Jeremaya 50:34

'Ba dïkunyi marge teek, ni nyeŋŋe beeye Wuuö Jwøk, eni na wïth jammi bëët. eno pïëmö døc kiperge, nee piny mooe ki jwöm; 'ba wïth jø Babiløn omooe ko okiera.

Daniel 2:45

Man beeye tier gïna jootï kiper thääŋ kïdi mana muk ri kïdi mana näk kär gudö ki cenø, na pet nywïënyö, ki jwïël, ko odhöönh, ki gwel-bïrö, ki warkey. Jwøa dwøŋ gïïo tägi yi nyïm anyoodhe jïrï, ï na nyeya. 'Ba lääk beeye adïëri, ni tier gïna cääne kipere di ŋäädhö na kare.»

Abakuk 1:12

Wui Wuuö Jwøk, Jwøk mara, ï na en kur keere, ?aŋø, ï ba käl ya acääŋŋe? Waani, wa ba thøw. Wui Wuuö Jwøk, jø Kaldia akwanyï ki man ŋølge luup. Wui, ï na kïnna teek, tietge akëëlï piny ki man tiirge jiy.

Kwään Jiy 14:18

ni ‹A na Wuuö Jwøk a ba laar wëër, ni mëëya ni wø ba jøøl päl, ni ŋat mo obääyö ki ŋat ma adhala wëënna wëënnö. 'Ba ŋat raay poot ba wiia ka ajäla, ni raay moa tïïc wëëe poot coola coolø dëët obwöre moge, këël mano pïïe dää beenhnhe wala ŋweer beenhnhe.›

Mathiew 27:25

Ni dwøgi ya jiyi bëët jïre, ni «Remme ena bäätwa ki nyïïwa.»

Luk 6:38

Muu, 'ba ocäŋ mëëk uuni, ni cïp ka rumi mo othielø no oŋenø, ni øya piny, ni kïthi yïth aleeŋŋe mou. Kiper rumi man wø cïpu beeye rumi mano duu baŋu.»

Tiet Ciik 10:17

Kiper Wuuö Jwøk na näk Jwøu beeye Jwøk mo dwøŋŋa eni ki juu møga, ni ena kwääc kwääri, ni ena Jwøk mo dwøŋ mo teek, mo di lwäärö, mo ba jëënyö, mo ba ŋeew ki jammi mo wø cïp ki piny.

Tiet Ciik 7:21

Kär dëëtu kwanynyi ni maru lwäär ki geni, kiper Wuuö Jwøk na näk Jwøu nutö buutu, ni beeye Jwøk mo dwøŋ mo di lwäärö.