Jeremaya 32:17 - Wëël Jwøk

¹⁷ «Wui, Kwäärö Wuuö Jwøk, beeye ï na cwääc maal ki piny ki køør teek badï na dwøŋ! Bäŋ gïn dhäthi jïrï!

Jeremaya 32:17 Iomraidhean Croise

Wïlöölö 18:14

?Aŋø, da gïn mo dhäthö jï Wuuö Jwøk? Ki kanya näk ocaanø aano duu baŋï cwiino ööi kar kany nø, ni ö Ceera ni nyööte ki nyilaal ma dïcwøø.»

2 Nyeye 19:15

Ni ö Edhekaya ni läme jï Wuuö Jwøk, ni kööe, «Wui, Wuuö Jwøk, Jwø Icriel, ï ni wø nyooth ajiem-nyec marï ki yïthakic nyïïatwiet maal moa cwøl ni kirubëlli, bee ï keerï na Jwø wïth buc nyeye bëët mo bäät piny, ni bee ï na cwääc maal ki piny.

2 Nyeye 3:18

'Ba manøgø beeye gïn mo jööt jaak ki jï Wuuö Jwøk ki man tïïc gø. 'Ba eni thuwø, jø Möap cïbe ceŋŋu.

Neemiya 9:6

Bee ï keerï na Wuuö Jwøk. Ni bee ï na cwääc maal, këël maal kuya, ki gïïa en yie bëët, ni bee ï na cwääc piny ki gïïa en yie bëët, ni bee ï na cwääc näpa døøŋŋø ki gïïa en yïthge bëët, ni bee ï ni wø cïp kwøw jï gïïa kwøw bëët, ni ö gïïa en maalli ni wøørge ïïni.

Jööp 42:2

ni «Aani, ŋääa ni jammi bëët løny ki tïïc jïrï; ni tïïe moï moa näk iï cïp piny, bäŋgø mo kääŋi rege ni ba tïïc.

Bwøth Wøk 20:11

Kiper Wuuö Jwøk maal ki piny ki näm ki gïïa en yïthge bëët acwääe ki nïne abïciel, ni jwöm ree ri bïriet nïne. Kiper manøgønø, Wuuö Jwøk cäŋ jwömö agwïëdhe ni tïïc gø na cäŋ mo ena kur keere.

Aydheea 42:5

Wuuö Jwøk, eni na cwääc maal ni ee peerø, na cwääc piny ki japa no otuy na en yie, eni na tïïc jiy nee bëëtge ni ge jwïëy bäät piny, na cïp kwøw jï jiy mo wø cäädhi bäät piny, ena köö,

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 45:12

Bee aani na tïïc piny ni cwääa dhaanhø bääte. Maal apeera ki ceŋŋa, ni cïïmma gïïa en yie bëët.

Aydheea 59:1

Ka adïëri møn, cer Wuuö Jwøk ba ciek ki man kunye, eni wïnyö ni patha miiŋ;

Jeremaya 1:6

Køøre aana köö, «Wui Kwäärö Wuuö Jwøk! Neenï, aani cäänö kuua, kiper a poot thiinh.»

Jeremaya 14:13

'Ba aløøa ni kööa, ni «Wui, Kwäärö Wuuö Jwøk, neenï, nyïïkuk Jwøk moge wø köö jïge ni ïïna köö, ni ‹Bäŋ leny ki käc mo pïï dëëtu, 'ba u mooa mooø ki bëët-mëër ma adïëri kany.› »

Jeremaya 21:2

ni «Beerra man pëënynyï Wuuö Jwøk kiperwa, kiper Nabukedenecör nyeny Babiløn amäänynyö baŋwa. Kanymør Wuuö Jwøk ø pieme piemø ki køør tïïe moe na näk rëëma ec, kiper nee nyïïmän døøge ŋäthge.»

Jeremaya 27:5

Aani, piny ki jiy ki lääy moa en bäät piny acwääa ki køør teek bada na dwøŋ, ni løny jïra ki man cïba gø jï ŋata met yia ki gø jaak.

Jeremaya 32:27

ni «Neenï, beeye aani na Wuuö Jwøk, Jwø wïth gïïa kwøw bëët. ?Aŋø, da gïn mo dhäthö jïra?

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Jeremaya 4:10

Køøre aana köö, ni «Wui Kwäärö Wuuö Jwøk, ka adïëri møn, jøøi ii ki jø Jerucalem acøøgï, kiper mana kööï, no ‹U bëëdö ki bëët-mëër,› ka manø opëëllö oløny ni ena cwäkge.»

Jeremaya 51:15

Beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Jeremaya 51:19

'Ba eni na Jwø Jeekap ba caal gïïögø, kiper bee eni na tïïc jammi bëët, na cwääc jiye, ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Edhikiel 11:13

'Ba kanya bëëda naa cara luupögøøni, Pelathiya o Benaya aput thøø. Kanyøgø dëëra aputa gøø piny ki bäp yia ni puta köö ki dwøl mo dwøŋ døc, ni «Wui, Kwäärö Wuuö Jwøk! ?Jø Icriel moa no odööŋ ni kwøw wïthge poot dïïrï dïïrö na bäre møn?»

Edhikiel 9:8

'Ba kanya bëëtge ni ge nääö ki jiy, ni aano dööŋ keera buut Wuuö Jwøk, dëëra aleeŋa piny ni jwöŋa, ni kööa, «?Wui Kwäärö Wuuö Jwøk, ki køør wëër marï mana kïthï bäät Jerucalem, jø Icriel moa bøth dhøk gïï mo leth raanynyï raanynyø bëët?»

Daniel 2:22

Bee eni ni wø nyooth tiet gïï mo ena piny mo okanø; bee eni ni wø ŋäc gïï mo ena yi muudhö, ni tar bëëdö ka eni.

Daniel 6:20

'Ba kanya tïm kare ni cään ki buur mana en Danielli yie, ena cwötö døc ki dwør pänh cwïny, ni kööe jï Daniel, ni «?Daniel, ï na dhaanh Jwøa kwøw, Jwøk marï ni wø tïnynyï cooth aløny jïre ki man piem ïïni dhøk ŋuuwe?»

Dhekaraya 12:1

'Ba man beeye luum Wuuö Jwøk na caal tëër na caane kiper jø Icriel. Wuuö Jwøk, eni na peer maal, na këël tier piny piny, na kïth jwïëy mo dhaanhø dëër gø, dwøre mana caane bee en, ena köö,

Dhekaraya 8:6

Wuuö Jwøk, eni na wïth jammi bëët, aköö, na «?Aŋø, këël na bëëde ni luummögø nëëni keda gïn mo ba tägi ki jï thäk jøøi moo bøth ni kwøw kar kaace, dhäthö jïra thuwø ki man täge?» Luummögø caana Wuuö Jwøki, eni na wïth jammi bëët.

Kwään Jiy 11:23

'Ba aløk Wuuö Jwøki jï Modhe, na «?Aŋø, a na Wuuö Jwøk, bada atïmö ni ba bäär na bëëde cøøn enø? Ojootï kawaane nø ki man näk luubö mara thura kare na adïëri kiperï wala ba thur kare.»

Mathiew 19:26

'Ba jïge aneen Jecu, ni kööe jïge, ni «Ki jï jiy, gïnögø ba maar lønyø. 'Ba ki jï Jwøk jammi bëët løny.»

Maak 10:27

'Ba jïge aneen Jecu ni kööe, ni «Ki jï jiy, gïnögø ba maar lønyø, 'ba paa ki jï Jwøk. Kiper jammi bëët løny jï Jwøk.»

Luk 1:37

Kiper bäŋ gïn mo dhäthi jï Jwøk.»

Luk 18:27

Ni kö Jecu, ni «Gïn wø ba løny jï jiy, løny ki jï Jwøk.»

Moa Tïïc Nyïïatwieli 14:15

ni «?Jaay, aŋø ni tïïyu gïnögø? Waani, waana jiy thuwø mo caala uuni, ni wa käla luumma nyään na met jïïu, kiper nee gïïö no oballe yøø nee weyu, ni løøu dëëtu baŋ Jwøa kwøw na cwääc maal ki piny, ki näm ki jammi bëët moø ni en yïthge yøø.

Moa Tïïc Nyïïatwieli 15:18

Luupögø caana Wuuö Jwøki, ŋata døøc jammi bëët mo ŋäc cøøn.›

Moa Tïïc Nyïïatwieli 17:24

Jwøk na cwääc piny ki jammi bëët moi ni en yie en, na näk Kwääy maal ki piny, bäŋ wø bëëdö tiet arïëki mo tïïya dhaanhe.

Mana Nyooth 4:11

ni «Ïïno rømø ka ajiem, ki wödö, ki teek, ï na Kwääywa ni nägï Jwøk marwa. Kiper beeye ïïni na cwääc jammi bëët, ni beeye ki køør mana manynyï na cwääï geni ni bëëtge ni ge nut ii.»