Jeremaya 32:15 - Wëël Jwøk

¹⁵ Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Uudi ki pwöth beel ki pwöth omøki ocäŋ ŋeewø yi ŋöömmi en.› »

Jeremaya 32:15 Iomraidhean Croise

Aydheea 44:26

Luum dhaanhnha wëëga thur kare, ni ö luup jiy mo wø jääŋŋa ni tïmge na adïëri. Bee aani na caan luum Jerucalem, ni kööa, ni ‹Paanøgø jiy obëëdö yie!› Ni caana luum päänye mo Juuda, ni kööa, ni ‹Päänye moøgø di geerø!› Ni tïŋa ge maal ki yi ränynyö marge.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Jeremaya 31:24

Jiy geno bëëdö na aciel Juuda ki yïth päänye moe bëët, këël ki jø puur ki jø wø kwaac dïëk.

Jeremaya 31:5

Uuno cäŋ pïïdhö ko omøki bäät thuuri mo Cameria; ni jøw pïïdhö, nyïï gïïa piithge ocamge.

Jeremaya 32:14

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Lwør weet ŋïëw moi, mana näk omwönö ki mana näk kär mwönö, ni kanï geni yi dak, kiper nee ruuge ki kany mo bäär.›

Jeremaya 32:25

Wui, Kwäärö Wuuö Jwøk, ïïna cäänö ki aani ni kööï, ni ‹Ŋeew pwödhö jïrï ki gwel nyïm jiy mo iï cwølø,› 'ba pääny onø cïp ceŋ jø Babiløn.»

Jeremaya 32:37

Ka adïëri møn, aani, jiya lema lemø yïth kwöra riema geni yïthge bëët kanya räny cwïnya ni wëëra ki geni ki wëër mo liel kaamar maac; ni duua geni kany en, ni bëëtge ni geno nikwak.

Edhikiel 28:26

Geni, ge bëëdö ni geno gwøø kaace, ni gëëtge ki uudi ni pïïthge ki jer omøki. Geni, ge bëëdö ni geno gwøø kanyo jääla jiy moa en deŋge ni wø cäänö ki gïï mo reyø dëëtge. Køøre nø putge ka ŋäc ni bee aani na Wuuö Jwøk, Jwøk marge.› »

Dhekaraya 3:10

Wuuö Jwøk, eni na wïth jammi bëët, aköö, ni «Dïcäŋöca, ŋati man nø dëëtu watge cwøle cwølø ki met ec ni pïge piny ki gø tier jaath omøk mare ki tier olaam mare.»