Jeremaya 31:8 - Wëël Jwøk

⁸ Ka adïëri møn, a na Wuuö Jwøk, ge 'duua kany ki yi paana en jï løø wï-piny, ni lema geni yïth kwöra bäyö bäät piny bäre, ki jiy moa näk cööye ki moa näk ŋööte moa en dïge, ki mään moa näk yïthge da jiy, ki mään moa näk dëëtge da mäc lwaar bëët; ni duuge kany ni gena lwaak mo päl.

Jeremaya 31:8 Iomraidhean Croise

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Jeremaya 16:15

'Ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ki yïth mïëri bëët moa riem geni yïthge,› kiper ge duua yi ŋöömö marge na cïba jï kwäcge.

Jeremaya 23:3

'Ba aani ki dëëra, jiya moa näk odööŋ ni kwøw ni caal pïïth dïëk 'moa, lema lemø yïth mïëri bëët moa riema geni yïthge, ni duua geni kar bëëtö marge, ni ö geni ni nyöötge ni nyaacge.

Jeremaya 23:8

'ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ni duu geni ki mïëri bëët moa riem geni yïthge.› Køøre geno bëëdö yi ŋöömö marge.»

Jeremaya 29:14

Aano jootu møn, a na Wuuö Jwøk, ni duua uuni wøk ki yi bëët laŋ, ni lema uuni yïth mïëc wïth juurre bëët kwöra riema u yïthge bëët, ni duua uuni paana riema u wøk yie nou mak ki tøŋ.» Luummögø caana Wuuö Jwøki.

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 3:18

'Ba ki yïth nïröke jø Juuda odwäti ki jø Icriel, ni öge wøk na aciel ki yi ŋöömma en wï-piny, ni öge yi ŋöömma cïba jï kwäyu na man dööŋ jïge.

Edhikiel 20:34

Aani, u duua duuö ki baŋ wïth juurre ni cuuŋa uuni ki yïth mïëri moa näk uuno keethø yïthge ki teek ni cera yaa rwieø bäätu ni wëër mara ena bäätu.

Edhikiel 20:41

Uuni, u pänhnha pänhnhö kaamar gïn mo ŋwäänynye met, kanyo duua uuni wøk ki baŋ wïth juurre noo cuuŋa uuni ki yïth mïëri moa näk uuno keethø yïthge; køøre dëëra nyoodha nyoodhø jïïu ni nëënö jï wïth juurre ki man näk maa ena kur keera.

Edhikiel 34:12

Kaawat man wø ö dïkwääyi wø gwøk pïïth dïëk moe ki dïcäŋ ni ena yïthakic dïëk mo okeethø, aani thuwø dïëk 'moa gwøa gwøø, ni piema geni kwöra enge yïthge na näk geno keethø yïthge dïcäŋo näk cäŋ jwør gïï mo leth mano caal pöölö ki muudhö.

Edhikiel 34:13

Geno käla wøk ki yïthakic wïth juurre ni cuuŋa geni ki yïth mïëri, ni käla ge yi ŋöömö marge, ni caama geni bäät kïte mo Icriel, ni ge ena deŋ nyeŋ näm, ni ge ena kwör wø beet bëët yi ŋöömö manøgø.

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Mikiya 4:6

'Ba mana caan Wuuö Jwøki beeye en, ena köö, ni «Noo tïme na dïcäŋece, aani, ŋööte cooŋa kanya ciel, ni lema jiy moa no ojarø, ki moa näk bäätge yaa kïthö ki gïï mo leth.

Jepaniya 3:19

'Ba dïcäŋöca, jiy bëët moa caar uuni jääla jäälö; 'ba puudhi okønya, ni cooŋa jøøa no okeethø na mak ki tøŋ, ni mooa geni ki pwøc ki wödö bäät piny bäre na kar lään wïc marge.

Dhekaraya 2:6

«Wui, u na jiya, ööu maal, ni rïŋŋu wøk ki yi ŋöömma en jï løø wï-piny, kiper aani uuna nø keetha yïth tuk piny moa na aŋween kwör wø ö jamø ki yïthge.

Mathiew 12:20

Ni ba toor otöök mo onyøc, ni ba jwöc maac mo duuŋ, këël mano wëëk ŋøl luup mo beer mar Jwøk thur kare.

Jøøn 21:15

'Ba na lønyge ki cam, Jecu aköö jï Cayman Piter, ni «?Cayman o Jøøn, ï mëër ki aani ni kaala moi?» Ni kööe jïgø, «Ŋäyï, Kwäärö, naa mëër ki ïïni.» Ni kö Jecu jïre, «Piith nyïï dïëga.»

1 Körin 8:10

?Kiper ni näk da ŋat mo joota ïïni, ï na näk tier gïnögø iï kwanyø, niï cämö yi øt gïï wø lam, ni näk eni ŋäädhe mare poot thiinh, aŋø, eni cwïnye ba mïnni ki man cam olämme mo wø ŋaal ni wø cïp jï gïï wø lam?

Tiet Ciik 30:4

'Ba këël na bëëde ni uuno keethø dï piny bäre, Wuuö Jwøk na näk Jwøu u cooŋe kanya ciel ki kwörögø, ni duu uuni ki kwöreka.

1 Thecalönika 5:14

'Ba wa köömma uuni, nyïïmera, ki man köömmu jøø ni bëëtge ogwäyö yøø, ni cømmu cwïny jøø ni cwïnyge lwäär yøø, ni kønynyu jøøa jägö, ni ba jøømmu ki geni bëët.

Ibaru 12:12

Kiper manøgønø, tïŋu ceŋŋu maal no oniläp yøø, ni wëëgu cøŋŋu moa no ojöönyö tëënnö.

Ibaru 4:15

Kiper Kwääy Lam Mana Dwøŋ man na marø en, paa ŋat mo cwïnye ba maar pädhö ki gïr jäk marø. 'Ba beeye ŋata päänynyi ki yïth jammi bëët kaamarø, 'ba eni kär pädhö.