Jeremaya 31:37 - Wëël Jwøk

³⁷ Man beeye luumma caan Wuuö Jwøki, ena köö, «Ni näk mo løny ki man røm cuŋ maal kuya, ni løny ki man joot tiet ŋøøm kuya ki gïïa en yie bëët, kar kaace, nyïïkwaac jø Icriel kwiera kwierø kiper gïïa reyø bëët na tïïcge.» Luummögø caana Wuuö Jwøki.

Jeremaya 31:37 Iomraidhean Croise

Jööp 38:18

?A dööŋö mar bäät piny bäre ŋäyï? Caanï jïra, ni näk mo gïïögø bëët ŋäyï.

Pwöc Leec Wïc 30:4

?Ŋata aa maal ni duu piny aŋa? ?Ŋata mak jamø ki cere aŋa? ?Ŋata bäc pï naama dwøŋ ka aleeŋŋa mare aŋa? ?Ŋata tïïc piny ni teek këël teegi moe aŋa? ?Nyeŋŋe aŋa? ?A nyeŋ wääde aŋa? Ni näk mo ŋäyï, caanï jïra.

Aydheea 40:12

?Aŋø, aŋa na cøt pï naama dwøŋ ki thäny cere ni røma gø? ?Aŋa na røm maalø ki rumi mar yïthakic lweedi mo cenø? ?Aŋa na cooŋ tør mar bäät ŋøøm ni røm gø ki gïr røm? ?Aŋa na røm kïte ki thuuri ki gïr røm?

Aydheea 54:9

«Kiper manøgø, gïno tïïa otïmö ni caala nïr Nöa, kanya kööŋa ni pïï kär ö piny këët na jwïïö. Kaawat manøgø thuwø, ennø, aana kööŋ naa ba gooti këët ki ïïni, wala man cäänna ïïni ki luubö mo teek.

Aydheea 65:9

'Ba aani, a kännö ki jiy ki røk nyïïkwaac Jeekap ki røk nyïïkwaac Juuda, nee ŋöömö mara na en bäät kïte nee cïba jïge na marge, nee ge na jiya na näk yaa jierø nee ge bëëtge yie, ni tïm kaace na kar bëëtö marge.

Jeremaya 30:11

Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Jeremaya 33:22

Nyïïkwaac dhaanhnha ma Deebit, ki jø dhi øt Libay, jø wø tïny aani, kwäänge meeda meedø ni tïmge ni thööth ni ba løny ki kwaan, kaawat man wø bëët ceerri ni ba løny ki kwaan, kaawat man wø bëët akwöny deŋ naama dwøŋŋi ni ba løny ki røm.»

Jeremaya 46:28

Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»