Jeremaya 31:35 - Wëël Jwøk

³⁵ Man beeye luumma caan Wuuö Jwøki, eni na tïïc cäŋ nee rienye ki waŋcäŋ, na cïp dwääy ki ceer kwörge nee rienyge ki wäär, eni ni wø dhäy naama dwøŋ, ni bëët odhänynyi mare ni lwör, eni na näk nyeŋŋe beeye Wuuö Jwøk, Jwø wïth jammi bëët,

Jeremaya 31:35 Iomraidhean Croise

Jööp 26:12

Eni naama dwøŋ awëëk nikïïl ki teek mare; ni ö lään wø cwøl ni Reeyap ni wëëk gø petø ki køør leec wïc mare.

Jööp 38:33

?A ïïni, ciik mo jap maal ŋäyï? ?Løny jïrï ki man tïïyï ge nee bäät piny kääri ki ge?

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Aydheea 51:15

Kiper bee aani na Wuuö Jwøk, Jwøk maru, ni wø jäŋ naama dwøŋ ni wø wëëk athaga lwör, ni nyeŋŋa bee Wuuö Jwøk, aani na wïth jammi bëët.

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 63:12

?Age eni na jääŋ bade na teek na näk bada ajiem bäät cer cwïï Modhe? ?Age eni na pääŋ pïï ki dïëre nyïmge, na tïïc nyeŋŋe nee bëëde ni ŋäc na bäre bäre?

Jeremaya 10:16

'Ba eni na Jwø Jeekap ba caal gïïögø, kiper bee eni na tïïc jammi bëët, ni cwääc jiye ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Jeremaya 32:18

Beeye ïïni ni wø nyooth mëër marï ni wø ba jøøl jï jiy ma kum kum, 'ba ïïni, gïïa reyø ni wø bac wëëe wø coolï coolø dëët obwöre moge mo wø ööi køørge. Bee ï na Jwøa dwøŋ na teek, ni nyeŋŋï beeye Wuuö Jwøk, Jwø wïth jammi bëët.

Jeremaya 33:20

ni «Luumma caan Wuuö Jwøki beeye en: Ni näk mo løny jïïu ki man raanynyu gïna tuuda kiper waŋcäŋ ki gïna tuuda kiper wäär, nee waŋcäŋ ki wäär ba bëëtge kwörge kanya näk owäŋŋö,

Jeremaya 33:25

'Ba man caana, a na Wuuö Jwøk en, beeye ni näk mo gïna tuuda kiper waŋcäŋ ki wäär kära tïïö nee bëëde kare, ni ciik moa cïba kiper maal ki piny kära tïïö nee bëëde kare,

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Jeremaya 46:18

'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Jeremaya 5:22

?Aŋø, u ba lwäär ki aani? ?Aŋø, dëëtu ba kwanynyi nyïma? Aani, akwöö atïïa na keew mar naama dwøŋ, ni tïm akwöö na gëëŋi na bäre bäre, ni ba løny ki man kaali ya naammi. Këël athaga doo kwödö døc, keew manøgø ba dee raanynyø, ni këël doo öö ni lwör, ba løny ki man pääre ki bäät gø.

Jeremaya 50:34

'Ba dïkunyi marge teek, ni nyeŋŋe beeye Wuuö Jwøk, eni na wïth jammi bëët. eno pïëmö døc kiperge, nee piny mooe ki jwöm; 'ba wïth jø Babiløn omooe ko okiera.

Jeremaya 51:19

'Ba eni na Jwø Jeekap ba caal gïïögø, kiper bee eni na tïïc jammi bëët, na cwääc jiye, ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Odheea 13:14

?Aŋø, a na Wuuö Jwøk, jø dhi øt Ipariem ge daa wïïla wøk cer teek thøø? ?Aŋø, ge daa käl wøk ki yi thøø? ?Wui, ï na thøø, age teek aranya marï? ?Wui, ï na thøø, age teek gïna leth ni wø tïïyï? Aani, cwïnya ba cïba piny këët.

Amøc 9:8

'Ba ennø, a na Wuuö Jwøk, nyeŋŋa ena bäät paac man wø tïïc raay, ni raanynya gø na bäre bäre bäät piny. 'Ba nyïïkwaac Jeekap ba raanynya bëët.» Beeye Wuuö Jwøk ni cäänö enø.

Mathiew 5:45

kiper nou tïmu ni uuna wäät Wääu ni en maal. Kiper eni cäŋ mare wø wëëge tuulö bäät jøøa wïnni ki jøøa mwöl, ni jääŋ køth bäät jøøa beyø ki jøøa reyø.

Tiet Ciik 4:19

'Ba kany wø raŋŋu maal, nou jootu cäŋ ki dwääy ki ceer, ni wø en maal, gwøgu rou nee wïthu ba maaŋŋi ki man tïme nou lama geni ni tïnynyu geni. Kiper gïïögø beege gïïa cïp Wuuö Jwøki na näk Jwøu jï jiy bëët moa en bäät piny.