Jeremaya 31:33 - Wëël Jwøk

³³ 'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 31:33 Iomraidhean Croise

2 Camiel 7:24

Wui Wuuö Jwøk, beeye ïïni na këël tiet jiyï piny ma jø Icriel, nee putge bëëtö na jiyï na bäre bäre, ni tïmï ni ïïna Jwøk marge.

1 Nyeye 8:58

Beerra man ö eni ni løø cwïnynyø baŋe, nee ø cäädhö ki jööre ni gwøø luup moa ceme, ki ciik moe, ki luup ŋøl moe, na kööm kwäyø ki geni.

Bwøth Wøk 6:7

Ni lwøra uuni ni uuna jiya, ni tïma ni aana Jwøk maru, ni putu gø ŋäc møn ni aana Wuuö Jwøk na näk Jwøu na käl uuni wøk ki yïth gïïa leth na kïth jø Ijepi bäätu.

Pwöc Leec Wïc 7:3

Twöö geni lweetï, ni göörï ge piny yi cwïnyï.

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Aydheea 59:21

«'Ba aani, a na Wuuö Jwøk, luubö mano tuuda ki uuni beeye en. Jwïëy 'moa na kïtha bäätu, ki luup 'moa na kïtha dhøgu, bëëdö ni ge ba ö wøk dhøgu, ki dhøk obwöre mou, ki dhøk nyïïkwaayu ki mano täge ennø, këël bäre bäre. Manøgø caana aani, a na Wuuö Jwøk.»

Jeremaya 17:1

Wuuö Jwøk aköö, ni «Raay mo jø Juuda onieŋ cwïnyge kaamar gööre mo ogöör bäät kïdi mo göör ka peen nywïënyö mo dhee beth, ni raacge onieŋ bäät tuk gïï wø cïpge olämme moge bäätge.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 30:22

Uuni, u bëëdö ni uuna jiya, ni bëëda ni aana Jwøk maru.› »

Jeremaya 31:1

Wuuö Jwøk aköö, ni «Yi kar kaace aano bëëdö ni aana Jwøk mar wïth tuŋi bëët mo jø Icriel, ni bëëtge ni gena jiya.»

Jeremaya 32:38

Ni bëëtge ni gena jiya, ni bëëda ni aana Jwøk marge.

Jeremaya 32:39

Ni mooa geni ki cwïny aciel ni cääthge ki jöö aciel, nee bëëtge ni ge lwäär ki aani cooth, nee bëëtö marge ki bëëtö mar obwöre moge moo ööi køørge tïme ni beer.

Jeremaya 32:40

Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Edhikiel 37:27

Kar bëëtö mara otïmö ni ena dïge; ni bëëda ni aana Jwøk marge, ni bëëtge ni gena jiy 'moa.

Odheea 2:20

Aani, ï miia miiø jïra ki ra adïëri, ni ö ïïni ni tïmï ni Wuuö Jwøk ŋäyï.

Jepaniya 3:13

'Ba jø Icriel moo dööŋ ni kwøw ge ba bääö këët, ni ge ba cäänö ki tööt këët, ni bäŋ luup cwøk mo wïnynyi dhøkge këët. 'Ba geno cämö ni butge jaak, ni bäŋ ŋat wëëk geni lwär.»

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Jøøn 20:17

'Ba Jecu aköö jïre, «A kär gäämï, kiper a poot kär ci baŋ Wuuö. 'Ba ci baŋ nyïïmera ni caanï gø jïge, na ‹A cøøa baŋ Wära ni näk Wääu, ni beeye Jwøa ni näk Jwøu.› »

Wëëlö Mana Göör Pøølli Baŋ Jø Röm 11:27

'Ba man otïmö na luubö mano tuuda ki geni kanyo wëënna raacge.»

Wëëlö Mana Göör Pøølli Baŋ Jø Röm 7:22

Kiper yia met ki ciik Jwøk ki yi cwïnya kiree,

2 Körin 3:3

Ni røgu you nyoodhø ni uuna wëëlö mar Krictø na cïpwa, mo ba göör ka peen, 'ba göör ka Jwïëc Jwøa kwøw, ni paa ogöör bäät opäp kïte, 'ba ogöör bäät opämi moa näk cwïny jiy.

Tiet Ciik 30:6

'Ba Wuuö Jwøk na näk Jwøu cwïnynyu ki cwïny nyïïkwaayu wiile wiilø nou mëërru ki eni, e na Wuuö Jwøk na näk Jwøu, ki cwïnynyu bäre ki jwïëyu bäre, kiper nou bëëdu nou kwøw.

1 Thecalönika 4:9

'Ba kiper mëër man mëërru ki nyïïmëëe, u ba many ŋat göön baŋu kipere, kiper u ki dëëtu, uuna pwöny Jwøki ki man mëërru ki røgu.

Ibaru 10:16

ni «Wuuö Jwøk aköö, ni ‹Man beeye luubö mano tuuda ki geni køør nïrögøøni, Ciik 'moa okïtha cwïnyge, ni gööra ge wïthge.› »

Ibaru 8:10

Ni cäŋ Wuuö Jwøki köö, ni «Man beeye luubö mano tuuda ki tuuŋ Icriel køør nïrögøøni. Ciik 'moa okïtha wïthge, ni gööra ge cwïnyge, ni tïma ni aana Jwøk marge, ni tïmge na jiya;

Mana Nyooth 21:3

Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.