Jeremaya 31:31 - Wëël Jwøk

³¹ Wuuö Jwøk aköö, ni «Ka adïëri møn, da nïne mo öö, maa tudö ki luubö mo nyään ki jø Icriel ki jø Juuda,

Jeremaya 31:31 Iomraidhean Croise

Aydheea 59:21

«'Ba aani, a na Wuuö Jwøk, luubö mano tuuda ki uuni beeye en. Jwïëy 'moa na kïtha bäätu, ki luup 'moa na kïtha dhøgu, bëëdö ni ge ba ö wøk dhøgu, ki dhøk obwöre mou, ki dhøk nyïïkwaayu ki mano täge ennø, këël bäre bäre. Manøgø caana aani, a na Wuuö Jwøk.»

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 31:27

Wuuö Jwøk aköö, ni «Ka adïëri møn, da nïne mo öö, mo dï ŋööm Icriel ki dï ŋööm Juuda jøra jørø ki kunhnhö mar dhaanhø ki kunhnhö mar lääy.

Jeremaya 32:40

Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Edhikiel 37:26

Aani, a tudö ki luum bëët mëër ki geni, ni ö luummögø ni put bëëte no otuudö na bäre bäre. Aani, tietge këëlla piny ni teek ni meeda kwäänge, ni ö øt lam mara na en kur keere ni wëëga gø bëëtö dïge na bäre bäre.

Amøc 9:13

Wuuö Jwøk aköö, ni «Da cääŋŋe mo öö, mo beel ciek ni thööth, ni jiy poot kää ni kar puur manynya man täge, ni jiy cäŋa tägö ki pïïdhö ni nywøp kwøk nyïïomøki poot kär thum. Ni tïm nyïïjenni ni thööth, ni pïïge tøøna piny ki bäät kïte, ni löönynya piny ki bäät thuuri.

Mathiew 26:28

Kiper man beeye remma mar luumma tuut ki jiy, nee køny piny kiper jiy mo thööth nee raay wëënni.

Maak 14:24

Ni kööe jïge, ni «Man beeye remma mar luumma tuut ki jiy, ni køny piny kiper jiy mo thööth.

Luk 22:20

'Ba køør cam, athöödhi alwøre, ni kööe, na «Athöönhnhi en beeye luumma nyään na tuut ki køør remma na køny piny kiperu.

1 Körin 11:25

Kaawat manøgø thuwø athöödhi alwøre kanya lønyge ki cam, ni kööe, na «Athöönhnhi beeye athöönh luumma nyään na tuut ki køør remma. Tïïyu gïn kany wäro maathu gø, nou para aani.»

2 Körin 3:6

ŋata wëëk wa rømø ki man tïnywa luubö mana nyään na tuut Jwøki ki jiy, na näk patha ciik mo ogöörö, 'ba ena ri mo Jwïëc Jwøk. Kiper ciik mana näk ogöörö wø duua thøø, 'ba Jwïëc Jwøk wø cïpa kwøw.

Galeecia 6:16

Bëët-mëër ki met ec obëëdö bäät jø wø bëën luummi en, na näk jø Icriel moa näk adïëri mo Jwøk.

Tiet Ciik 29:14

'Ba luumma tuut Wuuö Jwøki na kööŋe kipere, ba tuude ka uuni keeru,

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Ibaru 12:24

ki baŋ Jecu na näk nyïjöö mar luumma nyään na tuut, ki baŋ remma jør, na näk meta dwøre ki dwør rem Eebel.

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,

Ibaru 7:12

Kiper kany wø wiil kwääy lam, ciik wø di wiilø thuwø.

Ibaru 9:15

Kiper manøgønø, ena nyïjöö mar luumma tuut na nyään, kiper nee olaaw mana näk adïëri na bäŋ cuŋŋe na buuk nee ci jï jøøa cwøl, kiper mana tïme ni da ŋat mo othøw man wø wïïl geni wøk yïth moa dhalge ri luumma kwøŋ tuut na bëënge.