Jeremaya 31:30 - Wëël Jwøk

³⁰ 'Ba ŋati man nø otïmö ni thøw kaper raaye keere; ŋato cam nyïïjerø wac yøø, eni ki dëëre lage tïmö ni liir.»

Jeremaya 31:30 Iomraidhean Croise

2 Nyeye 14:6

'Ba wäät jøøgø na dïnäge yøø käre nääö, ki køør luubö mana no ogöörö yi wëël ciik Modhe, na cem Wuuö Jwøki na kööe, ni «Wëëe ba doo nääö kiper gïïa tïïc obwöre moge, no obwöre ba doo nääö kiper gïïa tïïc wëëkge. 'Ba ŋati man nø doo thøw ni thuunhnha raaye keere.»

Jööp 21:20

Beerra man joot ajäla mare ki waŋe kiree; beerra man mäthe ka ajäla mar wëëc Jwøk na en teeki jïre.

Aydheea 3:11

Wui, otïmö ni leth jï jø raay! Ränynyö ööa bäätge! Kiper gïïa reyø na tïïcge ki ceŋge døøa wïthge.

Edhikiel 18:20

Kiper ŋat wø tïïö ki raay bee eni noo thøw. Nyilaal ba doo jäälö kiper raay moa tïïc wänni, ni wuuö ba doo jäälö kiper raay moa tïïc wääde. Ŋata beer wø maga japa beyø na tïïe, ni ŋata raac japa reyø na tïïe dwøga wïïe.

Edhikiel 18:4

Ka adïëri møn, jwïëy mo jiy bëët beege 'moa; jwïëy mo wëëe ki jwïëy mo obwöre beege 'moa ge bëët. Ŋat wø tïïö ki raay bee eni noo thøw.

Edhikiel 3:24

'Ba Jwïëc Jwøk aput døny dëëra ni tïïc aani naa cuŋŋa ki tieta, ni cääne ki aani ni kööe jïra, ni «Ciï ni dëëdï ødï bäätï.

Edhikiel 33:13

Ni näk mo aano köö jï ŋat mo bëëtö mare tiir, ni «Ï bëëdö niï kwøw møn,» ni ö ŋatøca ni put dëëre ŋääth ki køør bëëtö mare na tiir, ni tïïe ki raay, japa beyø bëët na tïïe, bäŋgø mo wïc di parø ki gø; eni thøw yïth raay moe na tïïe.

Edhikiel 33:18

Ni näk ŋat mo bëëtö mare tiir, bëëtö mare na tiir wiie wiiø ni tïïe ki raay, eni thøw yïth raaye.

Edhikiel 33:8

Ni näk mo aano köö jï ŋat raay, ni ‹Wui ï na ŋat raay, ï thøw møn,› ni kärï ci baŋe kuna köömmï gø nee uutjïëthe moe wiie, ŋat raay manøgø thøw yïth raay moe, 'ba aani remø mare pëënynya pëënynyö bäätï.

Galeecia 6:5

Kiper ŋati man nø baanne okääre keere.

Tiet Ciik 24:16

«Wëëe ba doo nääö kiper gïïa tïïc obwöre moge, no obwöre ba doo nääö kiper gïïa tïïc wëëkge. 'Ba ŋati man nø doo thøw ni thuunhnha raaye keere.

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.