Jeremaya 31:3 - Wëël Jwøk

³ Wuuö Jwøk ree anyoodhe jïge cøøn kany mo bäär, ni kööe, ni «Aana bëëdö naa mëër ki uuni ki mëër mo bäŋ cuŋŋe; kiper manøgønø, uuna nyïïa buuta ki køør mëër mara ni wø ba jøøl.

Jeremaya 31:3 Iomraidhean Croise

1 Nyeye 10:9

'Ba pwøc en jï Wuuö Jwøk, Jwøk marï, na yie mïnnö ki ïïni na cïp ïïni bäät wäl jø Icriel. 'Ba kiper mana mëër Wuuö Jwøki ki jø Icriel na bäre bäre, ïïna tïïe na nyeya, kiper nee luup wø ŋølï na karge niï tïïya adïëri.»

Obeec Dudi 1:4

Nyïï aani buutï, nøø putø aay ennø na aciel! Beerra man ö nyeya mara ni kïth aani yi øtø mare. Wa kanynyø kiperï ni yïthwa omïnnö; mëër marï pwøcwa pwøø ni kaala køøŋ nyïïomøki. Wui, mëër mar nyïïakuue ki ïïni kee kare møn!

Aydheea 43:4

Kiper mana näk mo perï leth jïra, ni ïïno wøørø, naa mëër ki ïïni, jiy møøk laa karï, naa coola wïth juurre kar jwïëy moï.

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 49:14

'Ba jø Dhayan aköö, ni «Wuuö Jwøk waana wiie; eni na Kwäärö Wuuö Jwøk wïïe awïl ki waani.»

Odheea 11:1

«Aani, kanya poot jø Icrielli na wï jur mo thiinh, a mëër ki geni, ni cwöla geni wøk ki Ijep ni caala wääda.

Odheea 11:4

Gena käära ni ge yaa twöö ki mëër; ni tïma jïge ni beeye ŋata käl tëëra peek wøk göökge, tëër wø caal jaath man wø rïï ŋut dhieŋ ri puur; ni caama geni ni dëëra yaa dwøk piny.

Milkiya 1:2

Wuuö Jwøk aköö, ni «Aana bëëdö naa mëër ki uuni.» 'Ba uuna köö, ni «?Mëër marï iï nyoodhø jïwa nidïï?» Ni kö Wuuö Jwøki, na «?Aŋø, Icøø paa cöök Jeekapi? 'Ba aana bëëdö naa mëër ki Jeekap,

Wëëlö Mana Göör Pøølli Baŋ Jø Röm 8:30

'Ba jøøa näk ee miiø, ee cwølø thuwø. Ni jøøa näk ee cwølø, ee jïëö thuwø ni marge beer. Ni jøøa näk ee jïëö ni marge beer, ee jiemø thuwø.

Wëëlö Mana Göör Pøølli Baŋ Jø Röm 9:13

Kaa mana gööri, na «A mëër ka Jeekap, ni mäna ki Icøø.» Ni gïnögø atïïc Jwøki kiper nee tier jïër mare bëëde kare kiper cwönne, ni patha kiper tïïe.

Tiet Ciik 10:15

'Ba Wuuö Jwøk abëëdö ni yie met ki kwäyu, ni mëër ki geni døc, ni beeye tiere gø na jier uuni, u na nyïïkwaacge, yïthakic wïth juurre bëët, kaawat man bëëde dïcäŋi en.

Tiet Ciik 33:26

Ni kö Modhe, ni «Bäŋ Jwøk mo caala Jwø Jecurun, ni wø mëëre ki geni. eni öö ki maal ni öö kuna køny geni, ni cäädhi ki yïth pøøl ka ajiem mare.

Tiet Ciik 33:3

Ka adïëri møn, Wuuö Jwøk mëër ki jiy; nyïïatwieli moe bëët na en kur keerge bëëdö ni ena cere. Dëëtge ege cooŋ buute, ni ge wïnynya pwöc moe.

Tiet Ciik 4:37

'Ba kiper mana ö Wuuö Jwøki na mëëre ki kwäyu, eni nyïïkwaacge ajiere, ni ö eni ki dëëre ni käl uuni wøk ki dï Ijep ki køør teek mare.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

1 Piter 1:3

Pwøc en jï Jwøk, eni na Wää Kwääyø ma Jecu Krictø; kiper beeye ki køør met yie na dwøŋ na cäŋ ø nywøllø ni ø nyärö, ni jït cwïnynyø ki ŋäädhe mo kwøw ki køør duun Jecu Krictø wøk ki yi thøø.

1 Jøøn 4:19

Ø mëër kaper na kwøŋ mëër ki øøni.