Jeremaya 31:21 - Wëël Jwøk

²¹ «Wui Icriel, ï na caal nyakøø mo dëër dïcwøø poot kuue, Määny øtjöö marï ki nyuuthe; cööth piny ki jenni mo nyootha jöö; ni cïbï acaayï øtjööra kwøŋï cør yie. ööï ni duuï yïth päänye moï.

Jeremaya 31:21 Iomraidhean Croise

1 Luup Nyeye 29:3

'Ba maya thuwø, ki køør met ec mara kiper Øt Jwøa, jammi moa en jïra, ni beege warkey ki gwet-bïrö, acïba no opöödhö ni ena maal ki jammi moa kwøŋa cïp kipere, eni na Øt Jwøa, ni beeye øt lam mana en kur keere.

2 Luup Nyeye 11:16

'Ba ki røk wïth tuŋi mo jø Icriel bëët, jøøa bëëdö ni cwïnyge ege cïbö ki man manyge Wuuö Jwøk, Jwø Icriel, gena läm køør jø tuuŋ Libay yi Jerucalem, kiper nee cïpge ko olämme jï Wuuö Jwøk Jwø kwäcge.

2 Luup Nyeye 20:3

Kanyøgø Jøcapat aput lwäyö, ni løø nyïme baŋ many Wuuö Jwøk; ni gööc piny ka awaaci dï Juuda bäre nee jøw wötge ni bäŋ cam mo bel.

Pwöc Leec Wïc 24:32

Køøre aneena ni caara gø døøc ki cwïnya, ni raŋa tiere ni jïta ki pwöc.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 57:14

'Ba Wuuö Jwøk oköö, ni «Thørru jöö, thørru, ni jiiŋŋu gø, daagu jammi bëët mo wø cwany tiel øtjöör jiya.»

Aydheea 62:10

U na jø Jerucalem, cou dønynyu wøk ki dhøk kiir, ni tïïyu øtjöö ni leer kiper jiy; thørru jöö nee tïme na øtjöö mo dwøŋ, ni daagu kïte yie, ni mooyu gø ki ŋïï nee ŋäc jiyi bëët.

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 3:14

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, kiper beeye aani na kwäärö maru. Aani, a lwötö ki dhaanhø aciel yi pääny man nø, ni lwöta ki jiy ariiø yi tuuŋ man nø, ni käla u na jiera ni duua uuni yi pääny maru ma Dhayan.

Jeremaya 31:4

Wui, jø Icriel, u na caal nyakøø mo dëër dïcwøø poot kuue, aani, bëëtö maru cäŋa dwøk kare, ni døø kare møn. Ni cäŋu nyïïanëët mou kwanynyø, ni cou baŋ meeŋ ki jø wø miel ni yïthge met.

Jeremaya 46:11

«Wui, u na jø Ijep ni wø caal nyakøø mo dëër dïcwøø poot kuue, cou yi ŋööm Gelät ni lwötu ki jaath man wø rwøth ŋwellø ki gø. Jenni mo thööth apääru ki jaak, 'ba bäŋ køny mo jootu.

Jeremaya 50:5

Geni, jöör Dhayan opëënyge, ni løøge nyïmge yie, ni öge ni cïpge dëëtge jï Wuuö Jwøk ki køør luubö mano tuutge mo bëëdö na bäre bäre, mo wïc ba wïl ki gø.

Jeremaya 51:50

U na jiya, u na bøth dhi tøŋ, u aay! Kär nou bëëdö Babiløn! 'Ba bëëdu nou lääŋŋa aani na Wuuö Jwøk këël na enu kany mo bäär ki Jerucalem, ni bëëdu nou caara gïre.

Jeremaya 51:6

«U na jø Icriel, uuno reŋŋu wøk yi Babiløn, ni ŋati man nø gwøga jwïëye. Kär wïthu wëëgu dïdö ki køør ajäla mare, kiper manøgø beeye kar cuut kwör mar Wuuö Jwøk, gïïa bac jø Babilønni dwøge dëëtge.

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Edhikiel 40:4

Køøre ena köö jïra, ni «Wär dhaanhø, nëënï ki nyeŋŋï, ni wïnyï ki ïdhi moï, ni këëllï wïïï ri jammi bëët moo nyoodha jïrï; kiper beeye tier gïna käl ïïni kany kipere. Jammi bëët moo jootï kany wär caanï jï jø dhi øt Icriel.»

Agëë 1:5

'Ba ennø, gïna caan Wuuö Jwøki, eni na wïth jammi bëët, bee en, ena köö, ni «Beerra man cädu kiper bëëtö maru.

Dhekaraya 10:9

'Ba kanyo keetha geni dï wïth juurre, wïthge parge parø ki aani yïth mïëri moø ni kwörge bäyö yøø, ni ö geni ko obwöre moge ni bëëtge kunece ni cäŋge duuö yi nyïme.

Tiet Ciik 32:46

ena köö, ni «Gwøgu luup moi bëët ni köömma uuni ki ge dïcäŋi en; ni köömmu obwöre mou ki luup ciik moøgø bëët kiper nee gwøkge ni kïthge ge bäät tïïc.