Jeremaya 31:20 - Wëël Jwøk

²⁰ Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Jeremaya 31:20 Iomraidhean Croise

Wïlöölö 43:30

Køøre Jocep cwïnye apädhö ki gïr coki, ni laar ci kuna many kany jwöŋe yie. Ni ci yi thääŋ øtø maya ni jwöŋe kaace.

1 Nyeye 3:26

'Ba dhaagø mana näk nyilaal mana kwøw beeye mare, cwïnye apädhö døc kiper wääde, ni cääne ki nyeya ni kööe, «Wui, ï na nyeya mara, cïp nyilaal mano ni kwøw enø jï nyaanøgø; kär nyilaal 'nägï.» 'Ba dhaagø maya aköö, ni «Nyilaal man ba tïmö na mara, ni ba tïmö na marï; di pääŋŋö ki dïëre.»

Pwöc Leec Wïc 3:12

kiper Wuuö Jwøk wø jooga jø wø mëëre ki geni, kaawat man wø ö wuuö wø jook wääde man wø mëëre ki gø.

Obeec Dudi 5:4

'Ba omëër mara cere aput rwää baŋa ki dhi øtø kanya ŋaam, ni put cwïnya tägö ki pärö kipere.

Aydheea 16:11

Kiper manøgønø, aana bëëdö naa kïïna gïr Möap ki cwïnya kaamar ŋat wø jwøk jwøk-thøø ki thoom; ni bëëda naa kïmmö kiper Kir-Ërë.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 63:15

Wui, Wuuö Jwøk, lwïthï piny ni räŋŋï niï ena maal kar bëëtö marï na en kur keere na näk mar ajiem. ?Age këëyö marï ki teek marï? Mëër marï ni wø ba jøøl ki bäth ec marï akanï ki waani.

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 3:19

«'Ba a na Wuuö Jwøk, aana köö ni u daa tïïö ni uuna wääta na bëëde, ni mooa uuni ki ŋöömö mo beer, na mano dööŋ jïïu mo beer døc mo kaala mo wïth juurre bëët. Ni cäda naa dou cwølø ni aana wääu, nou ba gaa wøk ki man cäädhu køøra.

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Jeremaya 48:36

«'Ba gïr jø wø bëëdö Kir-Ërë, ki dï Möap bäre, okïïna ki cwïnya kaamar ŋat wø jwøk jwøk thøø ko opelø, kiper jap kwärö moa jootge oränynyi.

Wëël Kïmmö 3:22

ni beeye mëër mar Wuuö Jwøk ni wø ba jøøl na kärø ränynyö en, kiper bäth ec mare bëëdö na bäre bäre ni ba ränynyi.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Odheea 14:4

Wuuö Jwøk aköö, ni «Jiya 'duua baŋa, ni nyoodha mëër mara jïge ni yia met jaak, kiper wëër mara anø paanya bäätge.

Ciik Kiper Dïlämme 26:44

'Ba këël na tïïcge gïïögø, kanyo enge yi ŋööm nyïïmän moge, ge ba kwiera, naa ba männi ki geni ki man raanynya ge. Ni näk mo tïïa tïïö, tïmö naa raanynya luumma tuuda ki geni. 'Ba ba tïïa, kiper beeye aani na Wuuö Jwøk, Jwøk marge.

Luk 15:24

Kiper wääda man en athøw, 'ba acäŋ kwøwø. Ni rwäänye, ni cäŋi jootø.› Ni mïn yïthge.

Luk 15:32

'Ba beeye gïn ma wøp ki man kwäägø ni mïn yïthø, kiper coku man en athøw, 'ba acäŋ kwøwø. Ni rwäänye, ni cäŋi jootø.› »

Tiet Ciik 32:36

«'Ba kanyo ö Wuuö Jwøki noo neen gø ni teek mar jiye bäŋgø këët, ni bäŋ dhaanhø mo odööŋ këët, këël laŋŋø, kar kaaca jiye di ŋunnö, ni päth cwïnye ki gïrge, ge na laaŋe moe.

Pilipay 1:8

Kiper Jwøk beeye ni ŋäc mara, naa lääŋŋa uuni døc ki mëër mana en jï Krictø Jecu.

Pïëmme 10:16

Kanyøgønø, geni juuga path moa en yïthakicge aputge wec, ni tïmge ni ge tïnynya Wuuö Jwøk. Køøre Wuuö Jwøk cwïnye apädhö ki caarø manø ni teek ni caar jø Icriel ki gø enø.