Jeremaya 31:2 - Wëël Jwøk

² Man beeye luumma caan Wuuö Jwøki, ena köö, ni «Jø Icriel moa bøth ni kwøw dhi tøŋ, gena jïtö ki køny baŋa dï paap, kanya cääthge ni ge manynya kar jwöm.»

Jeremaya 31:2 Iomraidhean Croise

Bwøth Wøk 1:16

ni kööe, ni «Kany wäro cøøllu määr Ibaru mo wø lwaar, noo jootu nyilaal mano ö wøk, ni näk ma dïcwøø, wär 'nägu; 'ba ni näk ma nyakøø, wär weyu ni kwøw.»

Bwøth Wøk 1:22

Køøre Peerø jiye bëët aceme, ni kööe, ni «Nyilaal mo onywølø na dïcwøø jaak røk jø Ibaru wär leeŋu yi naam, ni weyu nyakøø ni kwøw.»

Bwøth Wøk 12:37

Køøre jø Icriel atïŋŋö ki Ramcë ni pïïcge Cuköt, ni jiy moa aay bëët beege jiy ma kume ma dïpe abïciel ni ge cäädhi ka tietge, ni mään ko obwöre kär kwaan rege.

Bwøth Wøk 2:23

'Ba na tïme na køør cwiiri mo thööth, nyeya mar Ijep athøw. Ni ö nyïïkwaac Icrielli ni coocge kiper bëët laŋ mana en bäätge, ni gööge ko oduuru; ni ö oduuru mana gøøcge kiper køny kiper bëët laŋ marge ni pïïe maal baŋ Jwøk.

Bwøth Wøk 33:14

Ni kö Wuuö Jwøki jï Modhe, ni «Aano cäädhi ki ïïni ciel, ni mooa ïïni ki jwömö.»

Bwøth Wøk 5:21

Ni kö wïth jø tïïe moøgø jï Modhe ka Aran, ni «Wuuö Jwøk luubö manøgø oraaŋe bäätu ni ŋøl uuni wøk, kiper mana tïïyu wa kaamar gïn mo ŋwäänynye raac ki jï Peerø ki jø kööre moe, ni cïbu tøøŋi ceŋge nee wa 'näkge.»

Jeremaya 2:2

ni «Ciï ni køpï luummi ni wïnyö jï jø Jerucalem, ni kööï ni luumma caan Wuuö Jwøki beeye en, ena köö, «ni ‹Ï na Icriel ï poot lääŋŋa lääŋŋö ki mana cïpï cwïnyï jïra niï poot thiinh, ki mëër mana mëërï ki aani kaamar dhaagø thiinh, ki mana caathï køøra dï paap bäre, yi ŋöömma näk kär puurö.

Edhikiel 20:35

Aani, u kïtha dïtëën mar wïth juurre, ni puta u jääl kaace ni ø neeta nyeŋŋø.

Odheea 11:4

Gena käära ni ge yaa twöö ki mëër; ni tïma jïge ni beeye ŋata käl tëëra peek wøk göökge, tëër wø caal jaath man wø rïï ŋut dhieŋ ri puur; ni caama geni ni dëëra yaa dwøk piny.

Kwään Jiy 10:33

Køøre jø Icriel atïŋŋö ki bäät Kïn Wuuö Jwøk, ni cääthge ki nïne adäk. 'Ba ki yïth nïrögø na adäk yøø, acanduk man wø nyooth luumma tuut Wuuö Jwøki ki jiy wø cäädhö nyïmge, kiper nee kany wø pïge piny yie joot ki køøre.

Kwään Jiy 14:20

Køøre Wuuö Jwøk aköö, ni «Gena wëënna ki køør mana caanï.

Mathiew 11:28

«Ööu baŋa, u na näk ööl bëët ki gïï wø tïïyu ki gïïa peek ni wø kääru ki cwïnynyu; uuno mooa ki jwömö.

Tiet Ciik 1:30

kiper Wuuö Jwøk na näk Jwøu, ni wø cäädhi nyïmmu, eni ki dëëre okëëdi kiperu, kaawat mana tïïe kiperu Ijep ki dï paap, ni nëënö jïïu ki nyeŋŋu.

Tiet Ciik 1:33

ni beeye eni ni wø cäädhi nyïmmu ri wääth maru, nee kwör mo beyø manynye jïïu kiper twëëre mou. Ni beeye eni na bwøth uuni ni ena yi pöölö ki yi cäŋ bäre, ni pööllögø liel kaamar maac ki yi wäär bäre, kiper nee øtjöö mana dou cør yie nyoodhe jïïu.

Tiet Ciik 12:9

kiper mana näk mou poot kär pïï kar jwömö, ni beeye kanyo dööŋ jïïu na maru noo cïp Wuuö Jwøki na näk Jwøu jïïu.

Tiet Ciik 2:7

Kiper Wuuö Jwøk na näk Jwøu uuna gwïëdhe ki yïth tïïe mou bëët moa tïïyu. Thääyö mana thääyu ki gø dï paabi ni dwøŋ en ŋääe. 'Ba ki yïth cwiiri moi na pïëraŋween ii, Wuuö Jwøk na näk Jwøu bëëdö ka uuni, ni uuni ki dëëtu bäŋ gïn mo you canø.

Tiet Ciik 8:16

Ni ö Wuuö Jwøki ni caam uuni dï paap ki møga cwøl ni meena, ni beeye møø mo kuc kwäyu dïkwøŋ. Wuuö Jwøk gïï mo leth akäl bäätu, kiper nou pwönynye, kiper nou päänynye, nee tïïe jïïu ki gïn mo beer ya aŋuudi.

Jøcua 1:13

ni «Parru wïthu ki luubö mana ö Modhe na näk dhaanh Jwøk na kööm uuni ki gø, na kööe, ni ‹Wuuö Jwøk na näk Jwøu uuno mooe ki jwöm, ni cïp ŋöömmi en jïïu.›