Jeremaya 31:18 - Wëël Jwøk

¹⁸ «Ka adïëri møn, dööt jø Ipariem wïnyö jïra ni ge jwöŋö, ni ge köö, ni ‹Waana pwötï kaamar nyirøøa mo wïïe känni, ni wïnywa pwöc manøgø; duu waani baŋï, nee bëëtö marwa døø kare, kiper ï na Wuuö Jwøk, bee ï na Jwøk marwa.

Jeremaya 31:18 Iomraidhean Croise

Jööp 5:17

«Meta yi ŋat wø jook Jwøki; kiper manøgønø, kär pwöc Jwøk na en teeki jïre taagï.

Pwöc Leec Wïc 26:3

Acwäät rømi ka ŋat mo wïïe känni, ni caala man bëëde na alaŋŋa rømi ko okweeny, ni kaw rømi ka arëën.

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Pwöc Leec Wïc 3:11

Nyie wääda, kär pwöc Wuuö Jwøk taagï, ni ba gootï ki juuk mare,

Aydheea 1:5

?Aperŋø ni poot bëëdu ni uuno nieŋ yïth raay en? ?U poot manynya man pwöt uuni? Wïthu moø bëët bëëdö no opääŋ täwi, ni ö cwïnynyu ni kwääli ya raayi;

Aydheea 51:20

Kiper dëët jiy moï aööl, ni bëëtge ni geno päänhnhö nyeŋ jïëthe, kaamar aŋer mo omaa ki thøøl, ni ge bëëdö ni geno omeer ki wëëc Wuuö Jwøk, ni beeye juuk mar Jwøk marï.

Aydheea 53:7

Ena caari ni wëëgi jwør gïï mo leth, 'ba eni dhee käre tuuö; ena lïŋö kaamar nyidiel mo køøla baŋ ŋaal, ni neekïïl kaamar røømmø mo ena nyïm jø wø nyaar jïëye, ni dhee käre tuuö.

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Jeremaya 17:14

Wui Wuuö Jwøk, dwøk dëëra kare, nee dëëra jöönne; ni piemï aani, naa jïta ki køny; kiper bee ï ni wø pøøya.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 3:25

'Ba ennø, beerra man räpwa piny ki lään wïc marwa, ni ö lään wïci marwa ni pälle bäätwa, kiper waana bääyö dëërï, ï na Wuuö Jwøk, Jwøk marwa, ni beeye waani ki kwäcwa bëët, ki mana täk paaci marwa këël dïcäŋi en; ni bëëtwa ni dwørï ba wïnywa, ï na Wuuö Jwøk, Jwøk marwa.»

Jeremaya 31:6

Kiper da nïne mo öö, mo jø wø kurö bäät kït Ipariem, ge cwötö ni köge, ni ‹Ööø maal, ni cøø maal Dhayan baŋ Wuuö Jwøk, Jwøk marø.› »

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Wëël Kïmmö 5:21

Wui Wuuö Jwøk, duu waani baŋï, nee wa døøwa karwa; dwøk bëëtö marwa kare ni caala mana dïkwøŋ.

Edhikiel 20:43

Uuni, wïthu parru parø kaace ki bëëtö maru mana bëëdu ki gø ki japa reyø bëët na raanynyu dëëtu ki ge, ni putu dëëtu jääl ki køør japa reyø bëët na tïïyu.

Daniel 9:13

Gïï ni leth bëët ii aö bäätwa ki køør mana näk ogöörö yi wëël ciik Modhe; 'ba waani met yiï, ï na Wuuö Jwøk, Jwøk marwa, kärwa manynyø, ni kärwa røkwa løø ki yïth raay mowa, ki man luuwa wïthwa baŋ adïëri marï.

Odheea 10:11

Ipariem caala nyirøøa mo opwönynyö mo yie met ki dïn beel. 'Ba ŋute na mïërö okïtha ki gïr puur ni pura ki gø. Ni ö Juuda ni pure, ni Jeekap tøga pøl.

Odheea 4:16

Jø Icriel wïnni kaamar nyirøøa mo wïnni. ?Aŋø, ennø, løny jï Wuuö Jwøk ki man kïth geni kar kwaath kaamar nyidiel mo ena yi pwöl kwaath mo yie laac?

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Joona 3:10

'Ba kanya ö Jwøki na joot gïna tïïcge, ni beeye jöö mana løkge rege ki gø na wecge jöör raay moge, Jwøk cwïnye aput war ki gïna leth na caane ni käle bäätge, ni käre gø tïïö.

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Milkiya 3:16

Køøre jøøa lwäär Wuuö Jwøk gena cäänö yïthakicge keerge, ni ö Wuuö Jwøki ni cek ïthe ni wïny marge. Ni ö wëëlö ni gööri nyïme kiper jøøa lwäär eni na wøør nyeŋŋe, nee bëëtge ni ge di lääŋŋö.

Milkiya 4:6

Ni ö eni ni løø cwïny wëëe baŋ obwöre, ni løø cwïny obwöre baŋ wëëkge, kiper naa ba ööa ni raanynya pou.»

Kwään Jiy 2:18

«'Ba jøw otïïc twïër marge tier bëëra marge løø oduŋkaara jï løø kur pänh-cäŋ wär tïmge na lwaa nyïïkwaac Ipariem. Dïbwödhi mar lwaa nyïïkwaac Ipariem beeye Elicama wär Ammiyut.

Luk 1:17

'Ba eno cäädhi nyïm Wuuö Jwøk ki teeŋ bëët Ilaaja ki teek mare, ni løø cwïny wëëe baŋ obwöre moge, ni løø wïth jøøa wïthge teek baŋ acaac jøøa marge beyø, ni tïïc jiy na jiy mo ojiiŋŋø kiper Wuuö Jwøk.»

Luk 15:20

Ni ö maal ni tïŋŋe ni ci baŋ wänni. 'Ba kanya poode ni kare bäär, ena joot wänni, ni päth cwïnye ki gïr gø, ni reŋe ni gääm gø, ni nuum dhi gø.

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Pilipay 2:13

Kiper beeye Jwøk ni wø tïïö cwïnynyu, ni mooya uuni ki teek ki man tïïyu moe na met yie ki ge.

Ibaru 12:5

?Aŋø, wïthu awïl ki luumma købe jïïu kede köömma wääte? na kööe, ni «Wääda, kär pwöc Wuuö Jwøk neetï keda gïn mo jööt jaak, ni ba räny cwïnyï ki juuk mare.

Mana Nyooth 3:19

«Kiper a wø jooga jø wø mëëra ki geni, ni pwöda geni. Kiper manøgønø, këëyï, ni løgï cwïnyï.