Jeremaya 31:16 - Wëël Jwøk

¹⁶ Man beeye mana caan Wuuö Jwøki, ena köö, ni «Weyu gøøc ko oduuru, ni pooyu pï nyeŋŋu, kiper öölö maru ba cam paapi; jø pou duuö ki yi ŋöömö mar nyïïmän.

Jeremaya 31:16 Iomraidhean Croise

Wïlöölö 43:31

Køøre täärnyïme alwøe ni duu wøk baŋge, ni mak cwïnye ni kööe, «Jiiŋŋu cam ni kälu gø nyïmwa nø.»

Wïlöölö 45:1

Kanyøgøøni kär løny jï Jocep ki man mak cwïnye këët buut jøøa cuŋŋö buute, ni ö eni ni tïŋ dwøre maal døc ni kööe, «Beerra man aac jøwi buuta bëët.» Ni aac jiyi bëët, ni bäŋ dhaanhø mør mo dööŋ buute. Køøre dëëre acaane jï uutwänni.

2 Luup Nyeye 15:7

'Ba uuni, bëëdu nou teek ni ba wëëgu bäätu pädhö, kiper da gïn mo u di ŋadø ki gø ki køør tïïc maru.»

Luup Dïpööy 9:7

'Ba ennø, ciï ni camï cam marï ki met ec, ni maathï køøŋø marï ni cwïnyï met; kiper Jwøk yie onø mïnnö ki tïïe moï.

Aydheea 25:8

Kwäärö Wuuö Jwøk thøø raanynye raanynyø na bäre, ni pooc pï nyeŋ jiy bëët, ni ö eni ni käl lään wïc wøk bäät jiye moa en bäät piny bäre; kiper luummögø caana Wuuö Jwøki.

Aydheea 30:19

Wui, u na jø Dhayan, ni wø bëëdö yi Jerucalem, u ba jwöŋi këët. Kiper ka adïëri møn, eni na Wuuö Jwøk mëër mare nyoodhe nyoodhø jïïu kany wø jwöŋu nyïme kiper køny; ni kany wø wïny oduuru maru jaak, pïëc maru pute ka løk.

Aydheea 40:10

Raŋŋu, Kwäärö Wuuö Jwøk öö ki teek mo dwøŋ, ni teek bade beeye noo käär piny ki gø. Raŋŋu, eni öö ni käära jøøa ööle kiperge, ni beege jiy moa joode ni wø cäädhi nyïme.

Jeremaya 23:3

'Ba aani ki dëëra, jiya moa näk odööŋ ni kwøw ni caal pïïth dïëk 'moa, lema lemø yïth mïëri bëët moa riema geni yïthge, ni duua geni kar bëëtö marge, ni ö geni ni nyöötge ni nyaacge.

Jeremaya 29:14

Aano jootu møn, a na Wuuö Jwøk, ni duua uuni wøk ki yi bëët laŋ, ni lema uuni yïth mïëc wïth juurre bëët kwöra riema u yïthge bëët, ni duua uuni paana riema u wøk yie nou mak ki tøŋ.» Luummögø caana Wuuö Jwøki.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Jeremaya 33:7

Ni ö jø Juuda ki jø Icriel bëët ni dwøga bëëtö marge kare, ni cäŋa tietge këël piny ni teek kaawat mana bëëtge dïkwøŋ.

Edhikiel 37:21

ni kööï jïge ni man beeye luumma caan Kwäärö Wuuö Jwøki, ena köö, ni ‹Ka adïëri møn, aani, jø Icriel käla wøk ki dï wïth juurre kwöra näk geno aa yïthge. Ge cuuŋa cuuŋö ki yïth kwörögø bëët ni duua geni yi ŋöömö marge;

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

1 Thecalönika 4:14

Kiper mana jïëø ni Jecu athøw ni cäŋi tïŋ maal ki yi thøø, kaawat manøgø thuwø yøø jïëø, ni ki køør Jecu, Jwøk jøøa näk othøw okäle ki eni na aciel.

Ibaru 11:6

'Ba ni näk bäŋ ŋäädhe, ba maar lønyø jï dhaanhø ki man døøc yi Jwøk mo met. Kiper ŋat wø nyiik buut Jwøk kany mo cään, wär cwïnye dee ŋäädhe ni Jwøk nutö, ni wø cïpö ki jammi jï jø wø many eni.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

Ruuth 2:12

'Ba Wuuö Jwøk ïïno cunne kiper gïna tïïyï; ni ö eni na Wuuö Jwøk na näk Jwø Icriel, Jwøa ööï baŋe na kanï riï buute, ni mooc ïïni ki gïn mo beer.»