Jeremaya 31:15 - Wëël Jwøk

¹⁵ Man beeye mana caan Wuuö Jwøki, ena köö, ni «Da dwøl mo wïnyö yi Reema, ni jiy göö ko oduuru ni yïthge ege keeyø, ni beeye Reecal ni jwöŋi kiper obwöre moe, ni kweere ki man cïp cwïnye piny kiper obwöre moe, kiper na bäŋe nyilaal mo odööŋ.»

Jeremaya 31:15 Iomraidhean Croise

Wïlöölö 35:19

Kanyøgø Reecal aput thøø ni koonyi jöö mana ci Eeparata na näk Bethelem.

Wïlöölö 37:35

Kanyøgø wääte bëët ki nyïïe bëët aöö ki man cømge cwïnye, 'ba ena kweer ki man cøm cwïnye, ni kööe, ni «Jïra bäär, aani a cøøa kar thøø køør wääda naa kïmmö.» Ni ö Jeekapi ni bëëde ni kïmmö kiper wääde.

Wïlöölö 42:13

Ni løkge gø jïre, «Wa na laaŋe moï, waana uutwëëe apaar kurriiø. Ni waana wäät dhaanhø aciel mo ena yi ŋööm Keenan. Ni mana thiinh odööŋ buut wääwa, 'ba aciel tøørø.»

Wïlöölö 42:36

Ni kö wääge ma Jeekap jïge, «Uuni nyïïa athöörru buuta. Jocep aløny ni tøør, ni Cimien tøør thuwø. 'Ba kawaane ennø, u manynya man källu Benjamen. Gïïögø bëët na tägö dëëra beege gïï mo leth.»

Wïlöölö 5:24

Ni ö Inøki ni bëëde ni caatha køør Jwøk, ni kär kare joodø, kiper ena lwør Jwøki.

Jööp 7:21

?Aperŋø ni ba weyï gïïa baaa en, ni wëënnï raay 'moa? Kiper ki kany mo cään a buta piny tiet ŋøøm; 'ba ïïni, aano manynyï, 'ba a tïmö naa tøør këët.»

Aydheea 10:29

'Ba eno nø pöödhö, ni kööe, «Gëba otïmö na kar jwöm røk man buta yie.» Jø Reema onø lwäyö døc, ni ö Giba, pääny Cøøl, ni nø bwøk jiye.

Aydheea 22:4

Kiper manøgønø aana köö, ni «Paanynyu nyeŋŋu dëëra. Weyu aani naa jwöŋa naa keeya yia. Kär pääru ki man cømmu cwïnya kiper ränynyö mana pïï dëët jø powa.»

Jeremaya 10:20

Powa ma Jerucalem oränynyi kaamar oduŋkaara mo opädhö, mo thøøli moe ocöötö bëët; ni ö jø powa ni aacge yie, ni ge ba joot këët. Bäŋ dhaanhø mo powa cäŋe dwøk kare, ni bäŋe ŋat mo geer gø.

Jeremaya 40:1

'Ba dwør Wuuö Jwøk abëëdö ni ööa bäät Jeremaya kanya nø ö Nabucaradanni kwääc jø koor na nø pät Jeremaya yi paac mana cwøl ni Reema. Kiper Nabucaradan Jeremaya akäle noo twöö ki tiimme ki jiy moa näk omaaø ki tøŋ Jerucalem ki dï Juuda bäre nee kïth Babiløn.

Wëël Kïmmö 5:7

Kwäcwa atïïö ki raay ni pööthge, ni dööŋwa karge ni wa jøøya ajäl raay moa tïïcge.

Edhikiel 2:10

'Ba na peer gø nyïma, aputa joot no ogöörö ki yie ki ŋääe; ni luup moa no ogöörö bääte beege luup kïmmö, ko oduuru, ki cooyø.

Jøcua 18:25

Ki Gibien, ki Reema, ki Bëëröth,

Pïëmme 4:5

'Ba eni wø pïïa piny tier tuunna cwøl ni tuun Diböra na en yïthakic Reema ki Bëthël na en mïëya en bäät kïte na en kur jø tuuŋ Ipariem; 'ba jø Icriel wø ööa baŋe kaace nee luup moge nee wø ŋøle.

1 Camiel 7:17

Køøre eni wø duua Reema, kiper paare ena kaace; ni eni bëëdö ni ŋøla luup jø Icriel kaace. 'Ba ena tïïö ki gïn wø cïp olämme bääte jï Wuuö Jwøk Reema kaace.