Jeremaya 31:12 - Wëël Jwøk

¹² Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Jeremaya 31:12 Iomraidhean Croise

Aydheea 1:30

Kiper u tïmö kaamar jaath mo bøøge otal ni tïmu kaamar ajïniina mo ba jøøyi ki pïï.

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 51:11

'Ba jic Wuuö Jwøk na näk ee wïïl wøk geno duui, ni dønyge yi Dhayan ni ge wär ki dudi, ni ö met eci marge ni bëëde wïthge kaamar aduda na bäre bäre. Geno bëëdö ki met ec ki kanynyø, ni ö kïmmö ki cooyø ni daakge rege buutge.

Aydheea 52:8

Cegu ïthu! Dïkuye mou ge kwöŋŋö; ge kwöŋŋö ki met ec ge bëët, kiper jootge joodø ki nyeŋge kiree kanyo ö Wuuö Jwøki noo duu yi Dhayan.

Aydheea 58:11

A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Aydheea 60:20

Cäŋ obëëdö ni ba pädhi bäätï, ni bëët dwääyi ni ba ci muudhö; kiper a na Wuuö Jwøk, a tïmö na tar marï mano bëëdö na bäre bäre, ni ö nïr kïmmö moï ni thumge.

Aydheea 65:19

Aani yia omïnni ki Jerucalem, ni tïm yia ni met ki jiy 'moa; ni tïm jwøk thøø ko oduuru ni ba wïnynyi yie këët na bäre bäre.

Jeremaya 3:14

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, kiper beeye aani na kwäärö maru. Aani, a lwötö ki dhaanhø aciel yi pääny man nø, ni lwöta ki jiy ariiø yi tuuŋ man nø, ni käla u na jiera ni duua uuni yi pääny maru ma Dhayan.

Jeremaya 31:24

Jiy geno bëëdö na aciel Juuda ki yïth päänye moe bëët, këël ki jø puur ki jø wø kwaac dïëk.

Jeremaya 31:25

Ni tïïa dëët jøøa näk oööl nee nigethïk, ni caama jøøa näk obup ni jäŋge.»

Jeremaya 31:4

Wui, jø Icriel, u na caal nyakøø mo dëër dïcwøø poot kuue, aani, bëëtö maru cäŋa dwøk kare, ni døø kare møn. Ni cäŋu nyïïanëët mou kwanynyø, ni cou baŋ meeŋ ki jø wø miel ni yïthge met.

Jeremaya 31:6

Kiper da nïne mo öö, mo jø wø kurö bäät kït Ipariem, ge cwötö ni köge, ni ‹Ööø maal, ni cøø maal Dhayan baŋ Wuuö Jwøk, Jwøk marø.› »

Jeremaya 31:7

Kiper man beeye mana caan Wuuö Jwøki, ena köö, ni «Wärru ni yïthu met ni döötu ena maal kiper nyïïkwaac Jeekap, ni kwöŋŋu ki met ec kiperge, ge na karge dwøŋ dï wïth juurre, ni køpu pwøc maru ni kwayu Jwøk, nou köö, ni ‹Wuuö Jwøk, piem jiyï ma jø Icriel moa näk odööŋ ni kwøw.›

Jeremaya 32:15

Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Uudi ki pwöth beel ki pwöth omøki ocäŋ ŋeewø yi ŋöömmi en.› »

Jeremaya 33:12

«Man beeye mana caan Wuuö Jwøki, eni na wïth jammi bëët, ena köö, ni ‹Dï paani ni bëëdö no oränynyö en, ki yïth mïëri moa en deŋŋe bëët, ni bëëdö ni bäŋ jiy ni bäŋ lääy mo bëëdö yïthge enø, otïmö ni da kwör kwaath mo løny jï dïkwääye ki man wëëkge dïëk moge jwömö yïthge,

Jeremaya 33:13

ni beege yïth mïëri moa en bäät thuuri, ki yïth mïëri moa en yi ŋöömma näk ree ee päärö, ki yïth mïëri mo Nëgëp, ki yi ŋööm Benjamen, ki yïth mïëri moa en deŋ Jerucalem, ki yïth mïëri mo Juuda, noo cäŋ tïmö ni da pïïth dïëk mo kwaan dïkwääye kwaanø.› Luummögø caana Wuuö Jwøki.

Edhikiel 17:23

Eni piidha bäät kïdi mana bäär døc ni beeye kïdi mar Icriel. Eno jïti ki bäädi ni nywøle ki nyïëdi ni tïme na jaath mo mïërö mo pere leth. Teeŋ weny bëët geno gëët bääte ki uudi, ni tïm bäädi moe na tïpö jïge.

Edhikiel 20:40

'Ba aani, a na Kwäärö Wuuö Jwøk, a caana gø, ni bäät kïdi mara na en kur keere, ni beeye kïnna bäär mar Icriel, u na jø dhi øt Icriel u bëët, aano tïnynyu bääte kaace yi ŋöömmece, ni jïëa uuni yie. Køøre uuno pëënynya kaace ki muuce mou moa beyø ki japu bëët moa en kur keerge.

Edhikiel 34:14

Aani, ge caama caamø yi luum mo pulli, ni kar cam marge ena bäät kïte kwöra en maal mo Icriel. Geno bëëdö kaace ni geno but piny yi luum mo pulli ni ge cämö ki cam mo beer bäät kïte mo Icriel.

Edhikiel 36:30

Aani, nyïïjenni ki beel wëëga ciek ni thööth yïth pwöth mou, nee bäŋe law-waŋ mo ö bäätu dï wïth juurre kiper käc.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Jool 3:18

«'Ba kanyo tïme na dïcäŋece, kïte tïmö ni lwanynyi ki køøŋ nyïïomøki mo ŋweeth, ni tïm thuuri ni caak kwönna wøk ki bäätge, ni tïm nyeŋ nämmi moa en Juuda ni kwödö ki pïï. Ni tïm pï jøøro ni kwönna wøk ki yi Øt Wuuö Jwøk, ni jwøc goor Cëthim.

Agëë 2:19

Këël ni bëëde ni bäŋ köödhi mo odööŋ yo odek, no omøki, ko olämmi, ka adikwäle, ki jaath man wø nyïïe wel na maaw poot kär jïtö ki nyïëdi, ki mano täge dïcäŋi ennø kiree, u gwïëdha gwïëdhö.› »

Dhekaraya 8:12

Kiper maalø køth ojääŋŋe piny, ni ö köödhi ni tucge, ni ö omøki ni nywølge ki nyïëdi, ni ö jap pinynyi ni ciekge. Japøgø bëët wëëga tägö kiper thäk jøøi moa dööŋ ni kwøw.

Jøøn 16:22

'Ba ennø, beeye kar pänh cwïny maru, 'ba uuno cäŋa neennø, ni ö cwïnynyu ni mïnge, ni bäŋ dhaanhø mo raany met ec maru këët.

Wëëlö Mana Göör Pøølli Baŋ Jø Röm 2:4

?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï?

Mana Nyooth 21:4

ni pooc pï nyeŋge bëët, ni ö thøøe ni bäŋe gø këët. Ni bäŋ kïmmö, wala oduuru mo di gøø, wala rääm këët. Kiper japa dïkwøŋ oaay.»

Mana Nyooth 7:17

Kiper Nyidiel ni en dï thudhi tïmö na dïkwääy marge, ni nyooth geni kwör jøør mo pï kwøw, 'Ba Jwøk pï nyeŋge opwøe bëët.»