Jeremaya 31:1 - Wëël Jwøk

¹ Wuuö Jwøk aköö, ni «Yi kar kaace aano bëëdö ni aana Jwøk mar wïth tuŋi bëët mo jø Icriel, ni bëëtge ni gena jiya.»

Jeremaya 31:1 Iomraidhean Croise

2 Camiel 7:24

Wui Wuuö Jwøk, beeye ïïni na këël tiet jiyï piny ma jø Icriel, nee putge bëëtö na jiyï na bäre bäre, ni tïmï ni ïïna Jwøk marge.

Aydheea 20:6

Kanyøgønø, jiy mo wø bëëdö mïëc jø Pilitin na en deŋ naama dwøŋ ge köö, ni ‹Neennu, jiy moøgø beege jiy moa wara ŋäädhø na wara reŋŋø baŋge kiper køny, nee ø piemge cer nyeny Aciria. ?'Ba ennø, øøni, øøno bødhø nidïï?› »

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Jeremaya 3:18

'Ba ki yïth nïröke jø Juuda odwäti ki jø Icriel, ni öge wøk na aciel ki yi ŋöömma en wï-piny, ni öge yi ŋöömma cïba jï kwäyu na man dööŋ jïge.

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 30:22

Uuni, u bëëdö ni uuna jiya, ni bëëda ni aana Jwøk maru.› »

Jeremaya 30:24

Wuuö Jwøk ba døø ŋääe ki wëër mare ni wø liel kaamar maac, këël mano tïïc mana en cwïnye ni wëëk gø thur kare. 'Ba kanyo täk gïïögø yie ya aŋuun nïne, tiere ojootu na kare.

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:38

Ni bëëtge ni gena jiya, ni bëëda ni aana Jwøk marge.

Jeremaya 33:14

«Wuuö Jwøk aköö, ni ‹Ka adïëri møn, da nïne mo öö, mo luumma beer na caana kiper jø Icriel ki jø Juuda wëëga thur kare.

Jeremaya 33:7

Ni ö jø Juuda ki jø Icriel bëët ni dwøga bëëtö marge kare, ni cäŋa tietge këël piny ni teek kaawat mana bëëtge dïkwøŋ.

Jeremaya 50:4

«'Ba noo tïme na yïth nïröke, yi kar kaace, jø Icriel oööi, geni ki jø Juuda bëët, ni ge cäädhi ni ge jwöŋö, ni beeye aani na Wuuö Jwøk, Jwøk marge, noo manyge.

Edhikiel 11:20

Køøre nø, geno cäädhi køør ciik 'moa ni gwøkge luup 'moa, ni kïthge gø bäät tïïc. Geno bëëdö na jiy 'moa, ni bëëda ni aana Jwøk marge.

Edhikiel 34:24

'Ba a na Wuuö Jwøk, aano bëëdö na Jwøk marge, ni ö dhaanhnha ma Deebit ni tïme na ŋat bwøth geni. Luummögø caana aani, a na Wuuö Jwøk.

Edhikiel 34:31

'Ba u na dïëk 'moa, ni bee u dïëk 'moa mo wø caama, uuna jiy 'moa, ni aana Jwøk maru.› Luummögø caana Kwäärö Wuuö Jwøki.»

Edhikiel 36:28

Uuni, u bëëdö yi ŋöömö mana cïba jï kwäyu; ni bëëdu ni uuna jiy 'moa, ni bëëda ni aana Jwøk maru.

Edhikiel 39:22

'Ba ki mano täge ki dïcäŋeca këël yi nyïme, jø dhi øt Icriel oŋäcge ni bee aani na Wuuö Jwøk, Jwøk marge.

Edhikiel 39:25

«Kiper manøgønø, man beeye luumma caan Kwäärö Wuuö Jwøki, ena köö, ni ‹Aani, nyïïkwaac Jeekap na mak ki tøŋ oduua, ni cïba cwïnya piny ki geni, ge na jø Icriel bëët, ni mara këëyö kiper nyeŋŋa na en kur keere.

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

Ciik Kiper Dïlämme 26:12

Aani thuwø, aano cäädhi dïïu, ni bëëda ni aana Jwøk maru, ni bëëdu ni uuna jiya.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Jøøn 20:17

'Ba Jecu aköö jïre, «A kär gäämï, kiper a poot kär ci baŋ Wuuö. 'Ba ci baŋ nyïïmera ni caanï gø jïge, na ‹A cøøa baŋ Wära ni näk Wääu, ni beeye Jwøa ni näk Jwøu.› »

2 Körin 6:16

?Wala Øt Jwøk ojïëe ki gïï wø lam nidïï? Kiper øøna øtø mar Jwøa kwøw, kaawat mana caan Jwøki, ni «Aano bëëdö ki geni ni cäädha dïge, ni tïma ni aana Jwøk marge, ni tïmge na jiya.»

Ibaru 12:16

Ni bäŋe ŋat mo bëëte patha kare, wala ŋat mo taaga Jwøk, ni caala Icøø na ŋeew dööŋö mare ki kar cam aciel.