Jeremaya 30:24 - Wëël Jwøk

²⁴ Wuuö Jwøk ba døø ŋääe ki wëër mare ni wø liel kaamar maac, këël mano tïïc mana en cwïnye ni wëëk gø thur kare. 'Ba kanyo täk gïïögø yie ya aŋuun nïne, tiere ojootu na kare.

Jeremaya 30:24 Iomraidhean Croise

Wïlöölö 49:1

Køøre Jeekap wääte acwøle, ni kööe, ni «Cooŋŋu rou kanya ciel buuta, kiper nee gïïo tägi dëëtu yi nyïme nee caana jïïu.

Aydheea 14:24

Wuuö Jwøk, eni na wïth jammi bëët, anø kööŋ ni kööe, ni «Ka adïëri møn, kaawat mana nø cïba acaara mara piny, puta tägö; kaawat mana nø caara gø, puta bëëtö kare.

Aydheea 46:11

'Ba aani, da ŋat mo cwøla cwølø ki jï løø kur tuul-cäŋ, mo käla paac mør mo bäär, ni ööe kaamar wenyø man wø cämö ni cwëëdhö, nee gïno manynya nee tïïe. Ka adïëri møn, luubö manøgø anø caana, ni ka adïëri møn, puta ka wëëk thur kare. Luubö manøgø ya nø cooŋ; ka adïëri møn, tïïa tïïö.

Jeremaya 23:19

'Ba ennø, wëër mar Wuuö Jwøk öö bäät jøøa reyø kaamar atuunna, ni beeye atuunna mo teek døc mo raanynya geni.

Jeremaya 23:20

Wuuö Jwøk ba døø ŋääe ki wëër mare këël mano tïïc mana en cwïnye ni wëëk gø thur kare. 'Ba kanyo täk gïïögø ya aŋuun nïne, tiere ojootu na kare.

Jeremaya 4:28

Ki køør gïïögø bëët, piny bäre okïmmi, ni ö maalli ni tïme na muudhö, kiper ni caana gø en, yaa nø caar, ni cwïnya ba wara, naa ba døøa ŋääa ki man tïïa gø.»

Jeremaya 4:8

Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Jeremaya 48:47

«'Ba kanyo tïme na aŋuun nïne, bëët jø Möap ocäŋa dwøk kare.» Luummögø caana Wuuö Jwøki. Ajäla manøgø beeye mana ŋøl bäät Möap.

Jeremaya 49:37

Aani na Wuuö Jwøk, jø Ilam cwïnyge owëëga bwøk nyïm nyïïmän moge, nyïm jø wø many jwïëcge; aano kän bäätge ki gïn mo leth ki køør wëër mara ni wø liel kaamar maac. Tøŋ ojääŋŋa køørge këël mano thööra geni.

Jeremaya 49:39

'Ba kanyo tïme na aŋuun nïne, bëët jø Ilam ocäŋa dwøk kare.» Luummögø caana Wuuö Jwøki.

Wëël Kïmmö 1:12

«?Aŋø, u ni wø pöödhi ki buuta en, ki jïïu ni man beeye gïn mo bäŋ tiere jaak? Neennu, ni raŋŋu gø, ?aŋø, da teeŋ caarø mo otïïö mo caala mara man no otïïö dëëra en, ni beeye mana tïïc Wuuö Jwøki dëëra yi cäŋ wëër mare ni wø liel kaamar maac?

Edhikiel 38:16

Niï ööï kaamar pöölö mo uuma piny, nee jiya ma jø Icriel tugï. Wui, Göök, noo tïme na yïth nïne moo ööi, ïïno tïïa nee ŋöömö mara tugï, kiper naa ŋäc wïth juurre kanyo nyoodha bëëtö mara na en kur keere nyïmge ki riï.›

Daniel 10:14

'Ba ennø, a ööi kaper nee gïno tägi dëët jiyï yïth nïro en nyïm nee tiere tïme ni ŋäyï, kiper gïna nyooth cäänö kaper nïne mo poot ena nyïm.»

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Mikiya 4:1

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte. Eno tïŋ maal ni kaala thuuri, ni ö wïth juurre ni rwäthge bääte.

Kwään Jiy 24:14

'Ba ennø, a døøa baŋ jø powa. Ööï, nee gïno tïïc jøøi dëët jiy moï ki yïth nïne moo ööi caana jïrï.»

Tiet Ciik 31:29

Kiper ŋääa ni kanyo tïme na køør thøø mara, u tïïö ki gïï mo reyø, ni weyu luupa köömma uuni ki geni. 'Ba yi nyïme gïï mo reyø opäth bäätu, kiper gïïo tïïu beege gïï mo reyø nyïm Wuuö Jwøk. Wuuö Jwøk yie cwaatu cwaadø këël mano wëëre ki køør gïïo reyø noo tïïyu ki ceŋŋu.»

Tiet Ciik 4:30

'Ba yi nyïme, kanyo tïme ni gïïögø bëët opïï bäätu, nou ena yïth gïï mo leth, uuno døø baŋ Wuuö Jwøk na näk Jwøu, ni leŋŋu dwøre.

1 Camiel 3:12

'Ba dïcäŋeca, gïna cääna kipere ni tïïa tïïö dëër dhi øt Ëli puta ka tïïc, ki mana täge ki luubö mana dïkwøŋ këël mana na aŋuudi.