Jeremaya 30:16 - Wëël Jwøk

¹⁶ « ‹'Ba jøw raany uuni bëët di raanynyø, ni ö nyïïmännu bëët ni maai ki tøŋ; ni ö jøw käl japu ki teek ni käl japge thuwø, ni ö jøw twier uuni bëët ni wëëga geni twier.

Jeremaya 30:16 Iomraidhean Croise

Bwøth Wøk 23:22

'Ba ni näk mo dwøre leŋŋu leŋø møn, ni tïïyu gïï wø caana jïïu bëët, a puta tïmö naa män ki nyïïmän mou, ni caanna jø wø caan uuni.

Pwöc Leec Wïc 22:23

kiper ge ŋun Wuuö Jwøki ŋunnö, ni käl jwïëc jø wø twier geni.

Aydheea 14:2

Kanyøgø nø wïth juurre öö ni jiethge jø Icriel, ni kïthge geni yi ŋöömö marge, ni ö jø Icrielli ni tïïcge wïth juurre moøgø na moge yi ŋööm Wuuö Jwøk; ni ö cwøwi ki mään mo jøøgø ni bëëtge ni gena jø tïïc jïge. Jø Icriel, jiy moa mak geni ki tøŋ makge maaø ki tøŋ, ni tïmge na kwääri bäät jøøa dïïm geni.

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Aydheea 54:15

Ni näk da ŋat mo tuga ïïni ki leny, patha a na tïïc gø; dhaanhø jaak mano tuk ïïni, pädhö nyïmï ni böötï gø.

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Jeremaya 10:25

Kïth wëër marï bäät wïth juurre moa näk ï kucge, ni beege jiy moa näk nyeŋŋï ba cøørge, kiper geni, wa jø po Jeekap, waana thöörge; waana thöörge møn, ni raanyge kar bëëtö marwa.

Jeremaya 12:14

Mana caan Wuuö Jwøki beeye en, ena köö, ni «Ka adïëri møn, mïëc wïth juurre moa reyø na kïïö ki jiya, na tuk paac mana cïba jï jiya ma jø Icriel, ge cööda wøk yïth ŋøøpge, ni cööda jø Juuda wøk thuwø yïthakicge.

Jeremaya 2:3

Kar kaaca ïïno cïp kur keerï na mara, a na Wuuö Jwøk, kaamar thwønh bëëlö mara. Ni jøøa cam ïïni bëët akwaan no obääyö, ni pïïc gïï mo lethi bäätge.› Luummögø caana Wuuö Jwøki.»

Jeremaya 25:12

«'Ba kanyo thum cwiiri moøgø na pïërabïriiø yøø, a na Wuuö Jwøk, nyeny Babiløn, ki jiye bëët, ki ŋöömme ma Kaldia bäre jääla jäälö kiper bääyö marge, ni tïïa paac nee bëëde no oränynyö na bäre bäre.

Jeremaya 30:15

?Aperŋø nø ni kwöŋŋu kiper gïïo ni leth yøø ni caal atwøda mo raac enø, mo rääm mare ba døø piny? Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 50:28

Dwøl owïnyi, ni beeye dööt jiy moo rïŋŋi noo päny wøk ki Babiløn, ni caange cuut kwör mar Wuuö Jwøk, Jwøk marø, yi Dhayan, ni beeye cuut kwör mar øtø mare.

Jeremaya 8:16

Da dööt okwëënyi mo jø leny mo nyïïmän mo wïnyö ki Daan; ni piny bëëdö ni miel ki dööt okwëënyi moge. Ni ö nyïïmänni ni raanyge piny ki japa en yie bëët, këël päänye ki jø wø bëëdö yïthge bëët.»

Wëël Kïmmö 1:21

«Jiy awïnyge naa cooyø, 'ba bäŋ ŋat moo cøm cwïnya. Nyïïmän 'moa bëët gïr gïïa leth na jwøra awïnyge, ni kanyge kiper mana tïïyï gø. Wui, beerra man kälï cäŋ gïïa leth na näk iï caanø, nee ge tïmge kaamar mara.

Wëël Kïmmö 1:22

«Beerra man ö raayi moge bëët ni ö nyïmï, ni tïïï dëëtge ki gïrpiny kaawat mana tïïyï dëëra ki køør raay bëët moa tïïa. Gïï mo thööth cara naa ŋurö, ni cwïnya bëëdö no opädhö.»

Edhikiel 29:6

Køøre jiy bëët mo wø bëëdö yi Ijep oputge ŋäc ni bee aani na Wuuö Jwøk. Kiper ï na Ijep, ïïna bëëdö kaamar athøny abaarø man wø ö jø Icrielli wø piemge dëëtge ki gø.

Edhikiel 35:5

« ‹Kiper ïïna bëëdö niï män ki jø Icriel ki kany mo yie bäär, ni wëëgï ge 'näk dïcäŋa enge yïth gïïa leth, ni beeye dïcäŋa jääl geni na aŋuudi.

Jool 3:8

Aani thuwø, wäätu ki nyïïu gadha gadhø baŋ jø Juuda, ni ö jø Juuda ni gathge ge baŋ jø Caaba, wï juna kare bäär.» Kiper beeye Wuuö Jwøk na caan gø.

Mikiya 4:11

'Ba ennø, u na jø Dhayan, wïth juurre mo thööth dëëtge adwalge na aciel kiperu, ni köge, ni ‹Dhayan ränynyö; ni neetø ränynyö mare ki nyeŋŋø.›

Mikiya 7:10

'Ba kar kaace nø, oraŋ nyïïmänni mowa, ni ö lään wïci ni ö bäätge, ge na köö jïwa, «?Aŋø, Wuuö Jwøk, Jwøk maru, en kaa?» Waani, geno raŋwa ki nyeŋwa, ni kar kaaca geno nyørø kaamar odhöönh mo jiy caatha dïëre øtjöö.

Neeyam 1:8

'Ba eni jø Nineba baabe baabø kaamar jwïïö, ni dïïr wïthge, ni riem geni na nyïïmän moe yi muudhö mo cøl kar thøø.

Abakuk 2:16

Ïïno bëëdö no otaaø na kar mana di ïïni jiemø. Ennø, ï ki dëërï, ï luunynya mäthö niï dööŋï ki dëërï. Wuuö Jwøk athöönh køøŋ ajäla mar cer cwïïe ï maadhe maadhø ki gø, ni ö ajiemmi marï ni wiil ree ki lään wïc.

Jepaniya 2:8

Wuuö Jwøk aköö, ni «Aani, ajaany mar jø Möap, ka ajøøŋ mar jø Amön mana tïïcge dëët jiya, ki luupa reyø na carge dëër ŋöömö mar jiya, awïnynya.»

Dhekaraya 1:14

Køøre nyïïatwiel maal mana cäänö ki aani aköö jïra, ni «Gøø luubö man piny na ennø nø: Ni man beeye luumma caan Wuuö Jwøki, eni na wïth jammi bëët, ena köö, ni ‹Aani, aana këëyö døc kiper Jerucalem ki Dhayan.

Dhekaraya 1:15

'Ba aana gootø døc ki wïth juurre moa näk bëëtö marge jööt, kiper kanya bëëda ni aano gootø ki mo thiinh, ge poot bëëdö ni ge meeta tïï gïï mo reyø.›

Dhekaraya 12:2

ni «Aani, a ööa kuna tïïa Jerucalem ni caala athöödhi mo yie da køøŋø mo jiy moa en deŋŋe bëët mäthö dëër gø ni wëëk ge bøømmø. 'Ba kanyo ciel Jerucalem dïër, orwöp ki mïëc Juuda møga thuwø.

Dhekaraya 14:2

Wuuö Jwøk aköö, ni «Aani, wïth juurre bëët ge cooŋa cooŋø ni öge kuna këëtge ki Jerucalem. Pääny Jerucalem omak, ni twier uudi moe, ni gøc mään moe ki piny, ni ö thääŋö mar jiy ni mak geni ki tøŋ. 'Ba jiy moo dööŋ ni kwøw, ge ba ŋul wøk këët yi pääny.»

Dhekaraya 2:12

'Ba Wuuö Jwøk ŋööm Juuda otïmö na kure yi ŋöömma en kur keere, ni cäŋ Jerucalem jierrø na pääny mare.

Dhekaraya 2:8

Kiper man bee gïna caan Wuuö Jwøki, eni na wïth jammi bëët, «Køør mana nø jiem aani, aana jääŋŋe baŋ wïth juurre moa caar uuni, kiper ena köö, ni ‹Jø wø gut uuni guta guu waŋa.›

Tiet Ciik 30:7

Køøre Wuuö Jwøk na näk Jwøu acëënne moøgø bëët kïthe bäät nyïïmän mou ki bäät jiy moa yïthge reyø ki uuni na caan uuni.

Mana Nyooth 13:10

Ni näk da ŋat mo dëëre da weny peec ri leny, eni put ka peec. 'Ba ni näk da ŋat mo dëëre da weny thøw opëëllö, eni di nääö ko opëëllö. Man nø, manynya jïëny gïï mo leth ki ŋäädhe mar jø Jwøk.

1 Camiel 17:53

Køøre jø leny mo jø Icriel gena duuö ki kuna riemge jø leny mo jø Pilitin ni twierge twëëre moge.