Jeremaya 30:15 - Wëël Jwøk

¹⁵ ?Aperŋø nø ni kwöŋŋu kiper gïïo ni leth yøø ni caal atwøda mo raac enø, mo rääm mare ba døø piny? Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 30:15 Iomraidhean Croise

Edhera 9:13

«'Ba gïïa ö bäätwa bëët ö bäätwa kaper gïïa reyø na temwa, ki raay mowa na døøŋŋø. 'Ba ï na Jwøk marwa, gïïa leth na jäälï wa ki ge ba rømi ki gïïa reyø na temwa; 'ba waana gwøgï, ni weyï waani na mo dööŋ ni kwøw kaawat man bëëde en.

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Jööp 34:6

Këël na bëëda ni bëëtö mara tiir, aana kwaan kaamar twöt; këël na bëëda naa ba bääö, aana jïtö ki ŋwiili mo ba caŋŋi.›

Aydheea 1:6

ki mana täge ki thäc tietu këël wïthu, bäŋ kany mo jööt; 'ba beege ŋwiili keerge; ni beege kwör mo okwöt, ka atwøt mo onilwäk piny, mo bëëdö no odheeth, ni kär bääö, ni kär julö ki maaw.

Aydheea 5:2

Eni pwödhö manøgø apuure ni kwäny kïte wøk, ni tøøk jer omøki moa beyø yie. Ni gëëde ka abïl koor dïëre, ni kunye ki buur man bii pï nyïïjenni yie. Køøre ena bëëdö ni koora nyïëdi mo beyø moo nywøl jer omøki mo pwöthögø, 'Ba atïmö ni nywøla nyïëdi mo reyø.

Jeremaya 11:13

Kiper u na jø Juuda, juu mou atïmö ni thööth ni röömi ki kwään päänye mou, ni gïï wø waaŋŋu gïn wø jïye ŋwääi ni met bäätge jï Baal, jwøk mo duua lään wïc, thööth ni röömi ki kwään uutjïëthe mo Jerucalem.

Jeremaya 15:18

?Aŋø ni ba cuŋ pänh cwïnynyi mara en? ?Na aŋø ni bëët pänh cwïnynyi mara ni ba døø piny ni bëëdö kaamar atwøda mo ba caŋŋi en? ?Aŋø, ïïna tïmö kaamar waŋ naam mo nëëni kee yie da pïï, mo noo cøø, bäŋ pïï yie?

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 30:12

«Luumma caan Wuuö Jwøki beeye en, ena köö, ni ‹Bëëtö maru na raac atïmö kaamar ŋwellø mo ba caŋŋi, ni bëëdö kaamar atwøda mo raac døc.

Jeremaya 30:14

Wïth juurre moa mëërru ki geni na dwätu ki geni bëët wïthge awïl ki uuni; ni ge ba many uuni këët; kiper dëëtu amooa ki gïï mo leth mo caala man wø tïïc nyïïmänni, ni jääla uuni kaawat man wø tïïc ŋat mo cwïnye ba pädhi ki tïïc gïn mo leth. Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 30:16

« ‹'Ba jøw raany uuni bëët di raanynyø, ni ö nyïïmännu bëët ni maai ki tøŋ; ni ö jøw käl japu ki teek ni käl japge thuwø, ni ö jøw twier uuni bëët ni wëëga geni twier.

Jeremaya 30:17

'Ba a na Wuuö Jwøk, a caana gø ni bëëtö maru na raac dwøga kare ni beer, ni beeye bëëtö maru ni caal atwøda, kiper uuna cwøl jiyi ni u ege jarø jaak, ni köge, ni «Jø Dhayan, bäŋ ŋat many geni.» ›

Jeremaya 46:11

«Wui, u na jø Ijep ni wø caal nyakøø mo dëër dïcwøø poot kuue, cou yi ŋööm Gelät ni lwötu ki jaath man wø rwøth ŋwellø ki gø. Jenni mo thööth apääru ki jaak, 'ba bäŋ køny mo jootu.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Wëël Kïmmö 1:5

Nyïïmän moe atïmö na kwääri bääte, ni tïm nyïïmänni moøgø ni bëëtö marge jööt jaak. Kiper Wuuö Jwøk beeye na tïïc caarø mar gø kiper raay moe na thööth. Obwöre moe amak ki tøŋ, ni bëëtge na laaŋe jï nyïïmän.

Wëël Kïmmö 2:13

?Wui, jø Jerucalem, agïnaŋø noo caana kiperu? ?Uuni, u päära gø ki gïnaŋø? ?Wui, jø Dhayan, gïna jwørru päära gø ki ŋø nee lønye ki man cøma cwïnynyu? Kiper ränynyö maru caala ŋwellø mo ree ee luut piny kaamar naama dwøŋ. ?Aŋa ni dwøk bëëtö maru kare?

Wëël Kïmmö 3:39

?Na aperŋø ni ö dhaanhe man ni kwøw en ni bëëde ni ŋurö kiper ajäla mana ö bääte ki køør raay moe?

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Mikiya 1:9

Kiper ränynyö mar Cameria caala atwøda mo ba caŋŋi, ni ränynyö manøgø kare onø cäännö ki man pïïe Juuda, këël dhi kiir mar jiya mar Jerucalem.

Mikiya 7:9

Waana bääyö dëër Wuuö Jwøk møn; wëër mare bëëdö ni ena bäätwa këël kanyo pïëme kiper luubö marwa, noo këël tier adïëri marwa piny. Eni wa käle wøk ni bëëtwa yi tar, ni jootwa adïëri mare.

Neeyam 3:19

Rääö marï na caal ŋwellø ba jïti ki køny, ni ba løny ki man caŋŋe. Jøw wïny gïr ränynyö marï bëët ceŋge paŋge paŋø bäätï, ?kiper gïï wø tïïyï na reyø cooth aŋa ni pööth wøk ki ge?