Jeremaya 30:13 - Wëël Jwøk

¹³ Bäŋ ŋat mo køny uuni ki rääö maru, ni bäŋ gïn mo dwøk bëëtö maru kare, ni bäŋ køny mo joot kiperu.

Jeremaya 30:13 Iomraidhean Croise

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Jööp 5:18

Kiper eni dhaanhø wø kïthe yi gïn mo leth, 'ba eni cïpö ki cøm cwïny; ni kïth dëër dhaanhø ki ŋwiili, 'ba cäŋe ka wëëk caŋŋø ki ceŋŋe.

Bwøth Wøk 15:26

Ni kö Wuuö Jwøki, ni «Ni näk mo dwøra leŋŋu leŋø, a na Wuuö Jwøk na näk Jwøu, ni tïïyu gïna beer nyïma, ni cegu ïthu ki gïïa cema, ni gwøgu ciik 'moa bëët, täwe moa kïtha bäät jø Ijep ba kïtha bäätu; kiper beeye aani na Wuuö Jwøk ni wø køny uuni.»

Aydheea 1:6

ki mana täge ki thäc tietu këël wïthu, bäŋ kany mo jööt; 'ba beege ŋwiili keerge; ni beege kwör mo okwöt, ka atwøt mo onilwäk piny, mo bëëdö no odheeth, ni kär bääö, ni kär julö ki maaw.

Aydheea 59:16

Ajoode møn ni bäŋ dhaanhø mo jooga jiy, ni thäŋ yie. Kiper manøgønø, bade na teek, køny atïïe keere, ni ö bëënynyö mare ni cwak eni.

Jeremaya 14:19

?Wui Wuuö Jwøk, aŋø, jø Juuda akwierï møn na bäre bäre? ?Aŋø, ïïna put männö ki pääny marge ma Dhayan møn? ?Aperŋø ni caannï waani en, ni tïme ni ba løny ki man døø bëëtö marwa kare en? Waana bëëdö ni wa koora bëët-mëër, 'ba bäŋ gïn mo beer mo oöö; ni koorwa døøn paac kare, 'ba ennø, atïmö ni nuta lwär keere.

Jeremaya 17:14

Wui Wuuö Jwøk, dwøk dëëra kare, nee dëëra jöönne; ni piemï aani, naa jïta ki køny; kiper bee ï ni wø pøøya.

Jeremaya 30:17

'Ba a na Wuuö Jwøk, a caana gø ni bëëtö maru na raac dwøga kare ni beer, ni beeye bëëtö maru ni caal atwøda, kiper uuna cwøl jiyi ni u ege jarø jaak, ni köge, ni «Jø Dhayan, bäŋ ŋat many geni.» ›

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Jeremaya 46:11

«Wui, u na jø Ijep ni wø caal nyakøø mo dëër dïcwøø poot kuue, cou yi ŋööm Gelät ni lwötu ki jaath man wø rwøth ŋwellø ki gø. Jenni mo thööth apääru ki jaak, 'ba bäŋ køny mo jootu.

Jeremaya 6:7

Jerucalem bëëdö ni gïï mo reyø nøøye nøøyø ki tïïc, kaawat man wø bëët iithi ni cwïër ki pïï cooth; ni caan jiy ka aranya joota yie, ni gïï wø nëëni jïra yie cooth beege täwe ki ŋwiili.

Jeremaya 8:22

?Aŋø, bäŋ jaath yi Gelät man wø rwøth ŋwellø ki gø? ?Aŋø, bäŋ rëëm ŋwellø kaace? ?Aperŋø nø ni bëët jø powa ni ŋwiili moge ba caŋŋi en?

Wëël Kïmmö 2:13

?Wui, jø Jerucalem, agïnaŋø noo caana kiperu? ?Uuni, u päära gø ki gïnaŋø? ?Wui, jø Dhayan, gïna jwørru päära gø ki ŋø nee lønye ki man cøma cwïnynyu? Kiper ränynyö maru caala ŋwellø mo ree ee luut piny kaamar naama dwøŋ. ?Aŋa ni dwøk bëëtö maru kare?

Edhikiel 22:30

«'Ba aana määnyö dïge ki dhaanhø mo geer kiir, mo cuŋŋö nyïma kanya no opädhö ri kiir, kiper nee paac ba raanynya; 'ba bäŋ dhaanhø mo yaa joodø.

Edhikiel 30:21

«Wär dhaanhø, aani teek bat mar Peerø nyeny Ijep araanynya. Ena ränynyö ki ränynyö mo ba løny ki køny këët ki man døø teeki mare kare no opëëllö maae.

Odheea 14:4

Wuuö Jwøk aköö, ni «Jiya 'duua baŋa, ni nyoodha mëër mara jïge ni yia met jaak, kiper wëër mara anø paanya bäätge.

Odheea 6:1

«Ööu, nøø døø baŋ Wuuö Jwøk, kiper eni, øøna tøye møn na thäŋi, 'ba ø cäŋe ka kønynyø. Eni, dëëtø amooe møn ki ŋwiili, 'ba ŋwiili 'moø cäŋe ka bäyö.

Neeyam 3:19

Rääö marï na caal ŋwellø ba jïti ki køny, ni ba løny ki man caŋŋe. Jøw wïny gïr ränynyö marï bëët ceŋge paŋge paŋø bäätï, ?kiper gïï wø tïïyï na reyø cooth aŋa ni pööth wøk ki ge?

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.