Jeremaya 30:11 - Wëël Jwøk

¹¹ Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Jeremaya 30:11 Iomraidhean Croise

2 Camiel 24:12

ni «Ci baŋ Deebit ni caanï luumma jïre, ni kööï ni man beeye dwør Wuuö Jwøk, ena köö, ni ‹Aani, luup adäk cïba nyïmï, niï jëëtï ki luubö aciel rege, mo tïïa tïïö dëërï.› »

Dut Pwøc 6:1

Bwøth Wøk 34:7

ni beeye wø gwøk mëëye ni wø ba jøøl kiper jiy ma kum kum, ni ŋat mo obääyö, ki ŋat adhala, ki ŋat mo otïïö ki gïï mo reyø di wëënnö; 'ba ŋat raay poot ba wiie ka ajäla, ni raay moa tïïc wëëe poot di coolø dëët obwöre moge ki nyïïkwaacge, këël mano pïïe dää beenhnhe wala ŋweer beenhnhe.»

Aydheea 43:25

«'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Aydheea 8:10

Tïïyu uutjïëth tïïe mou, 'ba bäŋ gïn duuge; cïbu uutjïëth tïïe mou piny, 'ba ba løny tïïc jïïu, kiper Jwøk ena buutwa.

Jeremaya 1:19

Geni, ge këëdö ki ïïni, 'ba ï ba böötge, kiper a ena buutï, naa peemma ïïni.» Luummögø caana Wuuö Jwøki.

Jeremaya 1:8

Kärï lwäyö ki geni, kiper a ena buutï, naa peemma ïïni.» Luummögø caana Wuuö Jwøki.

Jeremaya 10:24

Wui Wuuö Jwøk, pwöny aani ka ajäla mana näk kare, mo ree bäŋ wëër, naa ba ränynya.

Jeremaya 15:20

'Ba aani, ï tïïa tïïö kaamar kiir mo teek mo tïïc ka nywïënyö ma jwïël ki jï jøøgø. Ni këël ge doo këëdö ki ïïni, ï ba böötge, kiper a ena buutï naa peemma ïïni, ni käla ï wøk ceŋge.

Jeremaya 4:27

Ni manøgø beeye luumma caan Wuuö Jwøki, na kööe, ni «Ŋöömö bäre oränynyi; 'ba ba raanynya bäre.

Jeremaya 5:10

Ni kö Wuuö Jwøki, ni «Cou yi pwöth omøki, ni beeye po jø Juuda, ni raanynyu gø, 'ba kär raanynyu bäre. Jäu bäätge wøk, kiper ge patha 'moa, a na Wuuö Jwøk;

Jeremaya 5:18

«'Ba kar kaace, a na Wuuö Jwøk, u ba raanynya bëët.

Wëël Kïmmö 3:22

ni beeye mëër mar Wuuö Jwøk ni wø ba jøøl na kärø ränynyö en, kiper bäth ec mare bëëdö na bäre bäre ni ba ränynyi.

Edhikiel 11:13

'Ba kanya bëëda naa cara luupögøøni, Pelathiya o Benaya aput thøø. Kanyøgø dëëra aputa gøø piny ki bäp yia ni puta köö ki dwøl mo dwøŋ døc, ni «Wui, Kwäärö Wuuö Jwøk! ?Jø Icriel moa no odööŋ ni kwøw wïthge poot dïïrï dïïrö na bäre møn?»

Edhikiel 6:8

« ‹'Ba aani, jiy møøk dëëtu owiia ni kwøw, kiper jiy møøk dëëtu geno bøth dho opëëllö, ni keethge dï wïth juurre ki yïth mïëri.

Odheea 11:9

U ba jääla këët ki wëër mara ni wø liel kaamar maac. Wïthu ba dïïra këët, u na jø tuuŋ Ipariem. Kiper aana Jwøk, naa patha dhaanhø, ni bee aani na Jwøa en kur keere na en dïïu. A ba ö baŋu këët ki wëër.

Ciik Kiper Dïlämme 26:44

'Ba këël na tïïcge gïïögø, kanyo enge yi ŋööm nyïïmän moge, ge ba kwiera, naa ba männi ki geni ki man raanynya ge. Ni näk mo tïïa tïïö, tïmö naa raanynya luumma tuuda ki geni. 'Ba ba tïïa, kiper beeye aani na Wuuö Jwøk, Jwøk marge.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Moa Tïïc Nyïïatwieli 18:10

Kiper aani, a nutö buutï, ni bäŋ dhaanhø mo ï dee røødhø mo tïïö dëërï ki gïn mo raac. Kiper jïra da jiy mo thööth yi paani en.»

Tiet Ciik 4:31

Kiper Wuuö Jwøk na näk Jwøu beeye Jwøk mo yie bäth; u ba wiie, u ba raanynye, ni wïïe ba wïl ki luumma tuude na kööŋe ki gø jï kwäyu.

2 Timöthi 4:22

'Ba Wuuö bëëde cwïnyï, ni bëët met eci bäätu.