Jeremaya 3:9 - Wëël Jwøk

⁹ 'Ba Icriel bääyö mare atïïe na gïn mo jööt ki jïre, ni put paac raanynyø ki køør mana tïïe, ni beeye gïn mo caala luk, kany wø wøør kïte ki jenni.

Jeremaya 3:9 Iomraidhean Croise

Aydheea 57:3

Wuuö Jwøk aköö, «'Ba uuni, u na wäät jø thïëth, na wäät kääpe, u na wäät jø wø gath dëëtge ki käp, ööu kany!

Aydheea 57:6

'Ba uuni nø, japa wøørru na en yïthakic kïte moa pøøth deŋ nyeŋ näm, beege noo tïmö na mou, na kuru; ka adïëri møn, uuna cïpö jïge ki muuce mo kwøŋ mo wø køny piny, ni mooyu geni ki muuce mo beel. ?'Ba you caarø ni cwïnya daa warø ki japøge?

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 2:27

jø wø köö jï jaath, ni ‹Ïïna wära,› ni köge jï kïdi, ni ‹Beeye ï na nywøl aani.› Kiper geni ŋäthge aluuge baŋa, ni patha nyïmge. 'Ba kany wø enge yïth gïï mo leth, ge wø köö ki aani, ni ‹Ö maal ni piemï waani!›

Jeremaya 2:7

'Ba aani, uuna käla yi ŋöömma beer, nee caammi ki gïïa beyø na en yie bëët nee cammu. 'Ba uuna öö, ni raanynyu ŋöömma, ni tïïyu ŋöömma näk mara na kany mo ec raac ki gø.

Jeremaya 3:2

Tïŋ wïïï maal, ni raŋï kwör lam moa en bäät thuuri moa leer yøøke. ?Aŋø, a kaa na kärï tïïö yie ki tïï käp? Ïïna bëëdö kaamar dhaagø mo opï piny thääŋ jöö ni koora cwøw, ni bëëdï kaamar ŋat paap mo omøør piny nee jiy twiere. Paac araanynyï ki køør käp ki rääö marï.

Edhikiel 16:17

Ïïni thuwø, jap mïërö moa beyø na cïba jïrï, na näk tïïc ka warkey mara ki gwel-bïrö mara, akälï ni tïïyï ge na kït gïï wø lam ma cwøw, ni tïïyï ge na cwøwï mo buudï ki geni.

Edhikiel 23:10

Ni ö jøøgø ni pwöthge abïïe wøk dëëre, ni kälge wääte ki nyïïe, ni putge gø 'näk ko opëëllö. Ni put tïmö ni beeye ŋat gïre waac dï mään ki køør ajäla mana pïï dëëre.

Edhikiel 23:21

'Ba ï na Ööliba, ïïna bëëdö ni cwïnyï pärö køør käp mana tïïyï niï thiinh, ni beeye kanya bëët jø Ijepi ni ge maaŋŋa thurï kanya poot thurï ni poot cuŋŋö.

Edhikiel 23:3

mo geno tïmö ni gena kääpe Ijep, ni ge bëëdö ni ge gatha dëëtge ki käp ki mana täge ni ge therø. Gena bëëdö ni thurge di maaŋŋø ni ge di gämmö ki mëër yi ŋöömmögø.

Odheea 2:2

«Köömmu miiu, köömmu eni, kiper eni paa cïïa këët, naa patha cwøre këët thuwø. Beerra man wec gath-dëël mare man wø nëëni täärnyïme, ni daak bëët käp mare yïthakic thure.

Odheea 4:12

Jiy atïmö ni pëënynya dhi jaath mana no otieŋø na kït gïn wø lam, ni ö athøra ni løk pïëc marge. Gena tïïc jwïëc käpi nee gaage wøk, ni putge bëëtö ni ge tïïya tïï käp, ni tïm karge ni bäär ki Jwøk marge.

Jool 1:19

Wui Wuuö Jwøk, a jwöŋö dëërï, kiper lïëth piny mo caala maac, kwör kwaath athööre dï paap, ni waaŋ jenni bëët moa en dï pwöla.

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.

Mathiew 5:32

'Ba aani, a caana gø jïïu, ni ŋato wäro kwier cïïe jaak, ni paa kiper käp, tïïya cïïe na ŋat luuy. Ni ŋato wäro nywøm dhaagø mo opääö ki cwøre, mare luk ki gø.