Jeremaya 3:8 - Wëël Jwøk

⁸ 'Ba ki køør bëët käp mar Icriel, eni na caal dhaagø mo cwïnye ogaa wøk, ena riemma, kaawat man wø ö dhaanhe wø göön cïïe ki wëël apääk; 'ba ajooda ni coki ma Juuda na raac kär lwäyö, ni ö eni thuwø ni bëëde ni tïïya tïï käp.

Jeremaya 3:8 Iomraidhean Croise

2 Luup Nyeye 21:11

'Ba Jöram ena tïïö thuwø ki kwör lam bäät thuuri mo Juuda, ni bwøth jø Juuda ki jø Jerucalem ki man gaage wøk køør juu møøk kaawat man wø tïïc dhaaŋ paaci mo rïïŋö køør käp.

Aydheea 50:1

'Ba man beeye luumma caan Wuuö Jwøki, ena köö, na «?Age wëël apääk mana riemma miiu ki gø? ?Aŋa na coola u baŋe kiper mana mäya baŋe? Uuni, u gath kaper raay mou, ni miiu riemmi kaper japa reyø na tïïyu.

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 33:24

na «?Aŋø, gïna caan jøøi ii kärï wïnynyö, kanya köge, ni ‹Icriel ki Juuda, wïth tuŋi moa näk ariiø moa jier Wuuö Jwøki, gena nø kwiere›? Kanya caange teeŋ luummögø, ge taaga jiya, ni ge patha paac ki jïge këët.

Jeremaya 5:7

'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Edhikiel 16:46

Coku mana dwøŋ na näk dhaagø beeye Cameria, ni beeye ni wø bëëdö ki nyïïe jï løø wï-piny ki ïïni; ni coku mana thiinh beeye Cødam, ni beeye ni wø bëëdö ki nyïïe jï løø tier-piny ki ïïni.

Edhikiel 16:47

'Ba ï kär bëëdö keere niï caatha køør tïïe moge niï temma tïïe moge na näk yia raac ki ge. 'Ba ki yïth tïïe moï bëët ïïna köö ni moøgø nøk, ni cäŋï tïïö ki mo kaala moa tïïcge bëët.

Edhikiel 16:51

Raay moa tïïyï, këël thääŋŋe bäŋgø mo otïïc jø Cameria. Jammi moa raac yia ki ge na tïïyï okadhø ni kaala moa tïïcge, ni tïïyï nyïïmeru ni kede ge beyø ki køør japa näk yia raac ki ge bëët na tïïyï.

Edhikiel 23:44

Køøre gena put butö ki gø møn kaawat man wø butö ki dhaagø ma kääbi. Køøre gena put butö ki mään moøgø bëët na kääpe yøø, ni beege Ööla ko Ööliba.

Edhikiel 23:9

«Kiper manøgønø, ena cïba ceŋ omëërri moe, ni beege jø Aciria na rïïŋe køørge.

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Tiet Ciik 24:1

«'Ba ni näk mo dhaanhø nyöömmö ki dhaagø ni kïth gø paare, ni tïm yie ni ba met ki gø, kiper mana jïte ki gïn mo raac ri bëëtö mare, ni ö eni ni gööde ki wëël apääk, ni cïp gø cere, ni riem gø wøk paare,

Tiet Ciik 24:3

ni näk mo cwøre manøgø thuwø ocäŋ männö ki dhaaŋŋøgø, ni gööde ki wëël apääk, ni cïp gø cere, ni riem gø wøk paare, wala dïcwøø mana nywøm gø cään thøw,