Jeremaya 3:25 - Wëël Jwøk

²⁵ 'Ba ennø, beerra man räpwa piny ki lään wïc marwa, ni ö lään wïci marwa ni pälle bäätwa, kiper waana bääyö dëërï, ï na Wuuö Jwøk, Jwøk marwa, ni beeye waani ki kwäcwa bëët, ki mana täk paaci marwa këël dïcäŋi en; ni bëëtwa ni dwørï ba wïnywa, ï na Wuuö Jwøk, Jwøk marwa.»

Jeremaya 3:25 Iomraidhean Croise

Pwöc Leec Wïc 13:18

Ŋat wø taak pwöc, bëët can ki lään wïc ööa bääte, 'ba ŋat wø jïëc juuk wø jïtö ki wödö.

Pwöc Leec Wïc 5:13

Aani, ïtha kära ciiø ki dööt dïpööye 'moa, ni kära ïtha løø baŋge.

Aydheea 48:8

'Ba gïïögø käru wïnynyö, ni tietge kuyu. Ki kany mo bäär cøøn, ïthu poot kär jäpö, kiper ŋääa møn nou doo tïïö ki riek waŋ mo raac døc. Uuni, u ŋäc ki man näk mo uuna jø ageem ki mana nywöl uuni.

Aydheea 50:11

'Ba ennø, u ni wø äp mäc, ni you wïrö ki deŋŋu, ni you rubö ni liel, cäädhu ki yi tar mar mäc mou, ki yïthakic mäc moa näk you rubö ki jenni. 'Ba gïno magu cera bee en, uuni, u pätha yïth gïï mo leth.

Jeremaya 11:13

Kiper u na jø Juuda, juu mou atïmö ni thööth ni röömi ki kwään päänye mou, ni gïï wø waaŋŋu gïn wø jïye ŋwääi ni met bäätge jï Baal, jwøk mo duua lään wïc, thööth ni röömi ki kwään uutjïëthe mo Jerucalem.

Jeremaya 12:13

Jiya, geno piidhø ki beel, 'ba gïïo jootge beege koodhi keerge. Dëëtge oöölge døc, 'ba bäŋ gïn mo jootge. 'Ba wïthge olää gïno jootge, ki køør wëër mara, a na Wuuö Jwøk, noo liel kaamar maac bäätge.»

Jeremaya 14:20

Wui Wuuö Jwøk, rääö marwa ajïëcwa, këël raay moa tïïc wëëkwa, kiper waana bääyö dëërï, wa bëët.

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 2:2

ni «Ciï ni køpï luummi ni wïnyö jï jø Jerucalem, ni kööï ni luumma caan Wuuö Jwøki beeye en, ena köö, «ni ‹Ï na Icriel ï poot lääŋŋa lääŋŋö ki mana cïpï cwïnyï jïra niï poot thiinh, ki mëër mana mëërï ki aani kaamar dhaagø thiinh, ki mana caathï køøra dï paap bäre, yi ŋöömma näk kär puurö.

Jeremaya 2:26

«'Ba kaawat man wø tïm wï kuuwi ni laay kany wø maai, wïth jø Icriel olääi, ni beeye geni, ki nyeye moge, ki jø kööre moge, ki dïlämme moge, ki nyïïkuk Jwøk moge,

Jeremaya 20:18

?Aperŋø na öa wøk yi mera, naa jïta ki gïï mo leth ki kïmmö, ni thum cääŋŋe 'moa bëët ni wïïa laay en?

Jeremaya 22:21

Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 31:19

Kiper ki køør mana gaawa wøk, rewa acäŋwa løgø; ki køør mana pwöny waani, kööthwa agøøcwa; nyeŋwa atïmö ni law ni lää wïthwa, kiper ajøøŋ mar gïïa tïïcwa dïkwøŋ ena bäätwa.› »

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Jeremaya 7:19

?Aŋø, ki jïge ni ge raanynya cwïnya? ?Aŋø, ge ba raany dëëtge keerge ni ge käla lään wïc bäätge?

Jeremaya 8:14

'Ba jø paac aköö, na «?Aperŋø ni poodø nøø bëëdö jaak en? Cooŋø røø kanya ciel, nee ø cøø yïth päänye moa no ogeerø ni teek, nøø thumø ki thøø kaace. Kiper Wuuö Jwøk, Jwøk marø, marø anø ŋøl yi thøø, ni eni cïpa pïï mo rege da cïm jïïø nee maadhø, kiper mana bääyø dëëre.

Jeremaya 9:18

Ni kö jiyi, ni «Beerra man laarge rwänhnhö, ni jwöŋge kiperø, ni ø jwöŋö thuwø ni pï nyeŋŋø øøya piny.

Wëël Kïmmö 5:16

Aduda apäth piny ki wïthwa. Wui, atïmö ni leth jïwa, kiper raay moa tïïcwa!

Wëël Kïmmö 5:7

Kwäcwa atïïö ki raay ni pööthge, ni dööŋwa karge ni wa jøøya ajäl raay moa tïïcge.

Edhikiel 2:3

Ni kööe jïra, ni «Wär dhaanhø, a jääŋŋa ïïni baŋ jø Icriel, ge na jø ageem na gëëmö ki aani; geni ki kwäcge gena bëëdö ni ge bääö dëëra këël dïcäŋ man.

Edhikiel 36:32

'Ba aani, a manynya gø nee ŋäyu ni gïn tïïa en patha kiper nyeŋŋu. Wui, u na jø Icriel, beerra man lää wïthu ni päth cwïnynyu ki bëëtö maru!› Luummögø caana Kwäärö Wuuö Jwøki.

Edhikiel 44:13

Geni, ge ba nyänh buuta kuna tïnyge aani ni gena dïlämme, ni ge ba nyänh buut jammi 'moa na en kur keerge ki buut olämme 'moa moa en kur keerge na perge leth døc. Geni, geno jïti ki lään wïc ki køør japa näk yia raac ki ge na tïïcge.

Edhikiel 7:18

Geni, keece orøcge na abïïe ni bëët dëëtge ni kwanynyi ki lwär; wïthge otïmö ni laay bëët, ni ö wïthge ni gwääri wøk bëët.

Daniel 12:2

'Ba jiy mo thööth moa no othøw no okoony piny yi ŋöömö, ge päy, ni møøk cøøa yi kwøw mana näk bëëdö na bäre bäre, ni møøk cøøa kar lään wïc ki kar ataa mo bëëdö na bäre bäre.

Odheea 9:10

Wuuö Jwøk aköö, ni «Kanya kwøŋa jø Icriel joot, caala man wø joot nyïïomøki dïtëën; kanya jooda kwäcge, caala man wø joot nyo olaam mo okwøŋ ŋweelø. 'Ba kanya öge baŋ jwø wø cwøl ni Baal-Pëëgör, ni cïpge dëëtge køør gïn mo wïc laay ki gø, gena put tïmö ni ge määnö kaamar gïna mëërge ki gø.

Jepaniya 1:17

Wuuö Jwøk gïï mo leth kïthe bäät jiy, ni ö jiyi ni cääthge kaamar cööye, kiper raay moa tïïcge dëëre; remø marge nimata piny kaamar pïï, ni tïm rïŋ dëëtge ni caala wär mo oker piny.

Wëëlö Mana Göör Pøølli Baŋ Jø Röm 6:21

?'Ba kanyøca nø, agïnaŋø na duu japøka ni wïthu olää ki ge kawaane yøø? Cuŋ japøgø beeye thøø.

Pïëmme 2:2

ni këël uuni thuwø, u ba doo tudö ki luubö ki jiy moi ni bëëdö yi ŋöömmi en; 'ba gïna dou tïïö, u doo raanynya gïï wø cïpge bäätge ko olämme moge.› 'Ba ennø, uuni dwøra käru leŋø. ?Aperŋø na tïïyu teeŋ gïnögø?