Jeremaya 3:22 - Wëël Jwøk

²² 'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 3:22 Iomraidhean Croise

Obeec Dudi 1:4

Nyïï aani buutï, nøø putø aay ennø na aciel! Beerra man ö nyeya mara ni kïth aani yi øtø mare. Wa kanynyø kiperï ni yïthwa omïnnö; mëër marï pwøcwa pwøø ni kaala køøŋ nyïïomøki. Wui, mëër mar nyïïakuue ki ïïni kee kare møn!

Aydheea 1:2

Wuuö Jwøk aköö, ni «Wui, Maal, cek ïthï! Wui, Piny, wïnynyï! Obwöre moa piidha na døøŋŋø cera, gena ö maal bääta ni gëëmge ki aani.

Aydheea 27:8

'Ba ajäla mana tïïc Wuuö Jwøki, atïïe ni ee rømø kiper jø Icriel, ni cöör ge wøk kaawat man wø tïïc apwøyaweerø man wø kwönni ki jï løø kur tuul-cäŋ.

Aydheea 31:6

Wui, u na jø Icriel, duu baŋ Wuuö Jwøk. Kiper uuna gaa wøk ni weyu eni.

Aydheea 57:17

Aana gootø ki geni ni jääla geni kiper päl cwïny marge na raac, ni kana täärnyïma ki geni ni mara gootø. 'Ba këël na jääla ge, gena cäŋ bëëdö ni ge gaa wøk, ni bëëtge ni ge cäädhi ka køør jap wø many cwïnyge.

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 30:17

'Ba a na Wuuö Jwøk, a caana gø ni bëëtö maru na raac dwøga kare ni beer, ni beeye bëëtö maru ni caal atwøda, kiper uuna cwøl jiyi ni u ege jarø jaak, ni köge, ni «Jø Dhayan, bäŋ ŋat many geni.» ›

Jeremaya 31:18

«Ka adïëri møn, dööt jø Ipariem wïnyö jïra ni ge jwöŋö, ni ge köö, ni ‹Waana pwötï kaamar nyirøøa mo wïïe känni, ni wïnywa pwöc manøgø; duu waani baŋï, nee bëëtö marwa døø kare, kiper ï na Wuuö Jwøk, bee ï na Jwøk marwa.

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Jeremaya 4:1

'Ba Wuuö Jwøk aköö, ni «U na jø Icriel, ni näk mou manynya duuö, duu baŋa; ni raanynyu gïï wø lammu na näk ec raac ki ge, nou ba gaa wøk këët,

Edhikiel 18:30

Kiper manøgønø, Wuuö Jwøk aköö, ni «U na jø Icriel, aani u jääla jäälö. Ŋati man nø dëëtu jääla jäälö ki køør bëëtö mare. Løgu cwïnynyu, ni ööu wøk ki yïth japa reyø bëët na tïïyu; køøre nø raay otïmö ni paa gïn wëëk uuni pädhö këët.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Odheea 13:4

«'Ba bee aani na Wuuö Jwøk, na bëëdö na Jwøk maru, ki mana täge ki mana enu yi ŋööm Ijep. 'Ba uuni, u doo bëëdö ni bäŋ Jwøk mør mo ŋäyu këët, ni näk mo paa aani keera, kiper bäŋ pïëmi mør këët, 'ba bee aani keera.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 14:4

Wuuö Jwøk aköö, ni «Jiya 'duua baŋa, ni nyoodha mëër mara jïge ni yia met jaak, kiper wëër mara anø paanya bäätge.

Odheea 14:5

A tïmö naa caala thööy ki jï jø Icriel, ni ö jø Icrielli ni løthge ni ŋøøkge kaamar apiitø, ni këët lweetge piny kaamar jer lur Libaanø.

Odheea 14:8

?Wui jø Ipariem, agïnaŋø mør këët nø ni poot manynyu baŋ juuga reyø? Kiper beeye aani noo løk pïëc mou, noo gwøk uuni. Aani, a caala jaath mo bëëdö ni mar mo bøøge moe ba øc piny, ni bee aani noo jïtu ree ki nyïëdi.»

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »