Jeremaya 3:21 - Wëël Jwøk

²¹ Da dwøl mo wïnyö ki yïth kwör lam moa en bäät thuuri moa leer, ni beeye oduuru ki kwac mar jø Icriel, kiper bëëtö marge adøøcge mo ba thïïŋ, ni wïl wïthge ki Wuuö Jwøk, Jwøk marge.

Jeremaya 3:21 Iomraidhean Croise

Jööp 33:27

Køøre nø, eni wär ki duut nyïm jiy, ni kööe, ni ‹Aana bääyö møn, ni raanynya gïna näk adïëri, 'ba ajäla mana dee aani jäälö ki gø kär tïïc Jwøki.

Pwöc Leec Wïc 10:9

Ŋat wø cäädhi ki jöö mo thïïŋ wø cäädhö no ogwøø, 'ba ŋat wø cäädhi ki uutjïëthe mo oköömmö, eni wø di joodø.

Pwöc Leec Wïc 19:3

Kanyo ö bëët dïkät wïci noo kïth dhaanhø jöör ränynyö, dhaanhø cwïnye wø di keeyø ki Wuuö Jwøk.

Aydheea 15:2

Ni ö jø Möapi mo wø bëëdö pääny Dibön ni cige kuna jwöŋge yïth uut jwøk marge bäät thuuri; ni ö geni ni gööge ko oduuru bäät päänye moge møga, ni beege Nebø ki Medeba. Ni ö jïëc wïthge bëët ni gwäärge ge wøk, ni lielge jïëc tïkge bëët.

Aydheea 17:10

Kiper u na jø Icriel, wïthu awïl ki Jwøk na näk pïëmi maru, ni käru wïthu parø ki eni na kïn gwøk røk maru. Kiper manøgønø, këël u doo pïïdhö ki jenni mo mïërö, ni tøøgu jenni mo käla mïëri mo path,

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Jeremaya 12:12

Jøøgø no raany paac yøø, kanyo öge, ge öö ki dï paap, ni ge cura bäät thuuri bëët moa leer, kiper beeye tøŋ mara, a na Wuuö Jwøk, no dïïrge wïth jiy ki gø, ki mano täge ka aŋuun paac maya këël aŋuunne maya, ni bäŋ dhaanhø aciel mo bëëdö ki bëët-mëër.

Jeremaya 13:25

Ni man beeye kurï, gïno tïïa dëërï, kiper wïïï awïl ki aani, a na Wuuö Jwøk, ni bëëdï niï ŋäätha luup tööt.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 2:32

?Aŋø, nyakøø wïïe wø wïl ki jap mïërö moe? ?A dhaagø thiinh wïïe wø wïl ka abïïk nywöm moe? 'Ba jiya wïthge awïl ki aani ki nïne mo thööth mo ba kwaan.

Jeremaya 3:2

Tïŋ wïïï maal, ni raŋï kwör lam moa en bäät thuuri moa leer yøøke. ?Aŋø, a kaa na kärï tïïö yie ki tïï käp? Ïïna bëëdö kaamar dhaagø mo opï piny thääŋ jöö ni koora cwøw, ni bëëdï kaamar ŋat paap mo omøør piny nee jiy twiere. Paac araanynyï ki køør käp ki rääö marï.

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Jeremaya 7:29

U na jø Jerucalem, gwääru wïthu wøk ni wetu ge, ni jwöŋu bäät thuuri moa leer, kiper Wuuö Jwøk beenhnhø maru man na wëëre ki gø anø kwiere ni wec gø.› »

Edhikiel 23:35

«Kiper manøgønø, man beeye luumma caan Kwäärö Wuuö Jwøki kiperï, ena köö, ni ‹Kiper mana wïl wïïï ki aani ni leeŋï aani ŋääï, ajäla mar bëët käp marï mana gathï dëërï ki gø jwørï jwørø.› »

Edhikiel 7:16

'Ba moo bøth ki thøø noo reŋi, geno tïmö ni ge bëëdö bäät kïte, ni ge jwöŋö kaamar akuyi yïth aleye, ni ŋati man nø jwøga raay moe.

Odheea 13:6

Kanya caama uuni, uuna jäŋ. 'Ba kanya jäŋŋu, cwïnynyu ajïtö ka atöör; køøre nø wïthu aput wïlö ki aani.

Odheea 8:14

Kiper jø Icriel wïthge awïl ki aani na cwääc geni, ni tïme ni ge geeya mïëri mo døøŋŋø, ni ö jø Juuda ni tïïge ki päänye mo teek mo thööth. 'Ba aani maac ojääŋŋa bäät päänye moge, ni ö maaci ni put uudi moa no ogeerø ni teek thöör.»

Mikiya 3:9

'Ba ennø, wïnynyu gïn, u na dïbwöthe mo nyïïkwaac Jeekap, ki u na kwääri moge, ge na jø Icriel, u ni yïthu reyø ki luum ŋøl mana näk adïëri, ni wø meen luubö mo tiir,

Kwään Jiy 22:32

Ni kö nyïïatwiel maalli mar Wuuö Jwøk jïre, na «?Aperŋø na pöötï arëën marï kwöre adäk en? Aana ö kany kiper niï mäna, kiper gïno tïïyï enø beeye gïn mo duunnö ki ränynyö nyïma.

2 Körin 7:10

Kiper teeŋ kïmmö man wø many Jwøki wø käla løk cwïny man wø bwöth baŋ pïëm man piem jiy ki gø, ni bäŋ jääl røk. 'Ba kïmmö mar pinyi en wø duua thøø.