Jeremaya 3:2 - Wëël Jwøk

² Tïŋ wïïï maal, ni raŋï kwör lam moa en bäät thuuri moa leer yøøke. ?Aŋø, a kaa na kärï tïïö yie ki tïï käp? Ïïna bëëdö kaamar dhaagø mo opï piny thääŋ jöö ni koora cwøw, ni bëëdï kaamar ŋat paap mo omøør piny nee jiy twiere. Paac araanynyï ki køør käp ki rääö marï.

Jeremaya 3:2 Iomraidhean Croise

Wïlöölö 38:14

Køøre Tamar abïïk thøø akäl wøk dëëre, ni lwöte ka abïï mør ni uum gø dëëre. Køøre ena pï piny buut dhi kiir Enayim na en jöör Temna. Gïnögø atïïc Tamarri kiper ajoode ni Ceela anø døøŋŋø, ni eni kär mëëk Ceela nee dööŋe ki gø.

1 Nyeye 11:3

'Ba ena nyöömö ki mään ma dïpe abïriiø ma nyïï nyeye, ki mään møøk ma dïpe adäk, ni ö määre moøgøøni ni løøge cwïny gø wøk ki jöör Wuuö Jwøk.

2 Nyeye 23:13

Ni ö eni ni raany kwör lam moa en bäät Kïn Aranya na en jï løø kur tuul-cäŋ ki Jerucalem, na näk ogeer Cølömanni nyeny Icriel jï jwøa cwøl na Actaröth, na näk yi Wuuö Jwøk raac ki gø mar jø Caydan, ki jwøa cwøl ni Kemöc, na näk yi Wuuö Jwøk raac ki gø mar jø Möap, ki jwøa cwøl ni Milköm, na näk yi Wuuö Jwøk raac ki gø mar nyïïkwaac jø Amön.

Pwöc Leec Wïc 23:28

Eni wø møøra jöö ni kurö kaamar ŋat twëër, ni meet kwään jø wø tïïc gïï mo reyø ki piny.

Pwöc Leec Wïc 7:11

dhaaŋ wø näk ŋat dïlweel, ni näk apwødha, ni tiere bäŋ wø mägi paare.

Jeremaya 12:12

Jøøgø no raany paac yøø, kanyo öge, ge öö ki dï paap, ni ge cura bäät thuuri bëët moa leer, kiper beeye tøŋ mara, a na Wuuö Jwøk, no dïïrge wïth jiy ki gø, ki mano täge ka aŋuun paac maya këël aŋuunne maya, ni bäŋ dhaanhø aciel mo bëëdö ki bëët-mëër.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 2:23

?Aŋø, ïïna diï köö nidïï ni dëërï kärï raanynyø, ni kööï niï kär ci køør juu mo wø cøøri ni Baal? Caar wïïï døøc ki jööra caathï ya agäm-kïdi, ni ŋäyï gïna tïïyï. Ï caala nya athïrööl mo wïïe känni ni wø jøøc piny jaak;

Jeremaya 2:7

'Ba aani, uuna käla yi ŋöömma beer, nee caammi ki gïïa beyø na en yie bëët nee cammu. 'Ba uuna öö, ni raanynyu ŋöömma, ni tïïyu ŋöömma näk mara na kany mo ec raac ki gø.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 3:21

Da dwøl mo wïnyö ki yïth kwör lam moa en bäät thuuri moa leer, ni beeye oduuru ki kwac mar jø Icriel, kiper bëëtö marge adøøcge mo ba thïïŋ, ni wïl wïthge ki Wuuö Jwøk, Jwøk marge.

Jeremaya 3:9

'Ba Icriel bääyö mare atïïe na gïn mo jööt ki jïre, ni put paac raanynyø ki køør mana tïïe, ni beeye gïn mo caala luk, kany wø wøør kïte ki jenni.

Jeremaya 7:29

U na jø Jerucalem, gwääru wïthu wøk ni wetu ge, ni jwöŋu bäät thuuri moa leer, kiper Wuuö Jwøk beenhnhø maru man na wëëre ki gø anø kwiere ni wec gø.› »

Edhikiel 16:16

Ïïna lwötö røk abïïe moï moa näk rege da kït ma teeŋi ni tïïyï kwör lam moa en bäät thuuri ni mïërö ki ge, ni tïïyï ge ni beege mo käbï bäätge; ni gïnögø paa gïn mo løny ki man täge wala ki man tïï.

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Luk 16:23

'Ba ena kïth kar pöödö yi rääm mo leth døc. Ni tïŋ wïïe maal ni neen Eeberam kany mo bäär ni Ladhara ena kööre.

Tiet Ciik 12:2

Wïth juurre moo ŋøøpge lwørru, kwör wø lamge juu moge yïthge bëët moa en bäät kïte moa bäyö, ki moa en bäät thuuri, ki moa en tiet jenni moa näk onigïït piny bëët wär raanynyu na bäre bäre.