Jeremaya 3:19 - Wëël Jwøk

¹⁹ «'Ba a na Wuuö Jwøk, aana köö ni u daa tïïö ni uuna wääta na bëëde, ni mooa uuni ki ŋöömö mo beer, na mano dööŋ jïïu mo beer døc mo kaala mo wïth juurre bëët. Ni cäda naa dou cwølø ni aana wääu, nou ba gaa wøk ki man cäädhu køøra.

Jeremaya 3:19 Iomraidhean Croise

Pwöc Leec Wïc 3:35

Jøøa wïthge leer wödö oci jïge, 'ba jøøa wïthge känni, geno bëëdö ki lään wïc.

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Jeremaya 3:17

'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 3:4

?'Ba ennø, a kärï cwølø na bëëde, ni kööï, na ‹?Awuuö, paa ï ni wø mëër ki aani ki mana täga thïnhö?

Jeremaya 31:20

Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Jeremaya 5:7

'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Edhikiel 20:6

'Ba dïcäŋa kööŋa nyïmge, beeye kiper nee ge käla wøk ki yi ŋööm Ijep nee cige yi ŋöömma jiera kiperge, ni beeye ŋöömma näk caak ki maar kïc päl yie, na näk beerra eni døc ki ŋøøm møga bëët.

Daniel 11:16

'Ba ŋato tuk paac tïmö ni tïïya mano met yie ki gø, ni bäŋ ŋat mo løny jïre ki man cuŋŋe ki gø. Eni tiere këëlle piny yi ŋööm wø cwøl ni Mïërö, ni cere da teek man raany paac ki gø.

Daniel 11:41

Ni ö eni thuwø ni tuk ŋööm wø cwøl ni Mïërö. Ni ö mïëri mo thööth ni päthge; 'ba Ëdöm, ki Möap, ki jøøa näk wïth jø Amön, ge di piemø dhi cere.

Daniel 11:45

Ni cwöth oduŋkaare mo nyec moe piny yïthakic naama dwøŋ ki Kïn Jwøk na mïërö na en kur keere. 'Ba eni poot thøw, ni bäŋ ŋat mo køny eni.

Daniel 8:9

'Ba tuuŋ mo thiinh atuy ki ri tuuŋ aciel røk tuŋi moøgø, ni ö teeki mare ni nyaae ni cäätha jï løø tier-piny, ki jï løø kur tuul-cäŋ ki jï løø ŋøøp wø cwøl ni Mïërö.

Odheea 11:8

«?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Epeca 1:5

Ni ø ee kwøŋ miek ki mëëye nøø tïmø ni øøna wääte ki køør Jecu Krictø kaawat mana manynye,

Tiet Ciik 14:1

«Uuni, uuna jic Wuuö Jwøk na näk Jwøu; kanyo näk mo dhaanhø jwöŋö kiper dhaanhø mo othøw, kär dëëre pwöde ki gïn mo beth, ni ba gwäär wïïe wøk.

Ibaru 10:39

'Ba ø ba en dï jø wø kwal dëëtge ni raanynyi, 'ba ø ena dï jø wø jïge da ŋäädhe, ni gwøga jwïëcge.

1 Piter 1:17

'Ba ni näk eni na Jwøk, ni wø ŋøl luum ŋati man nø keda moa tïïe ni wø bäŋ ŋat mo jeenye, you cwølø ni Wuuö, bëëdu nou lwäär cooth kany poodu pinyi en.