Jeremaya 3:17 - Wëël Jwøk

¹⁷ 'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 3:17 Iomraidhean Croise

Wïlöölö 8:21

Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.

1 Nyeye 8:41

«Këël jur thuwø mo ba käl røk jiyï ma jø Icriel, kany wø ööe ki paac mo bäär døc kiper nyeŋŋï,

Aydheea 26:8

Wui Wuuö Jwøk, ka adïëri møn, wa raŋŋa jïrï, ni wa bëëdö ni wa caatha køør ŋøl luup marï, ni wa manynya man jiemwa nyeŋŋï ki cwïnywa bäre.

Aydheea 56:6

'Ba wëëlle thuwø mo wø bëëdö no odwätö ki Wuuö Jwøk, ni wø tïny Wuuö Jwøk, ni wø mëër ki nyeŋ Wuuö Jwøk, ni wø wøør Wuuö Jwøk, ni beege jiy bëët mo wø gwøk cäŋ jwömö ni ba päätge, ni wø laar göök ri luumma tuuda ki jiy,

Aydheea 59:19

Ni ö jø wø bëëdö jï løø kur pänh-cäŋ ki jø wø bëëdö jï løø kur tuul-cäŋ ni putge lwäyö ki nyeŋ Wuuö Jwøk ka ajiem mare; kiper Wuuö Jwøk öö kaamar jwïïö mo pänhnhö, mo køøle ka jam dhee.

Aydheea 6:1

'Ba yi cwiina thøw nyeya ma Udhaya yie, Kwäärö Wuuö Jwøk ajooda no opï piny bäät wälu, ni ena maal ni kare dwøŋ, na abïï mare onijääp piny ni Øt Jwøk ee pääŋö bäre.

Aydheea 66:1

Man beeye luumma caan Wuuö Jwøki, ena köö, ni «Maal beeye wälu mara, ni piny beeye køøm tieta. ?A øda ŋø nø, na dou geerø jïra? ?A kanya ŋø na daa jwöm raa yie?

Aydheea 66:18

«'Ba kiper mana ŋääa tïïe moge ka acaare moge, aani a öö ni cooŋa wïth juurre ki teeŋ dhøgi bëët; ni öge ni putge ajiem mara joot.

Aydheea 66:20

Køøre jiy bëët moa bëëdö kaamar nyïïmëëgu ki køør ŋäädhe, okälge ki baŋ wïth juurre bëët, ni kälge ge jïra, a na Wuuö Jwøk, kaamar muuce mo beel. Geno ööi ki ge ni käärge ka bäät okwëënyi, ki yïth jïëth okwëënyi, ki yïth pëëmme, ki bäät gääŋŋe, ki bäät athïrööle, ni kïthge ge bäät kïdi mara na en kur keere na näk Jerucalem, ni caala man wø ö jø Icrielli wø kälge muuce moge mo beel ni käärge ka yïth jammi mo tøŋ ni ge kïtha ge yi Øt Wuuö Jwøk.

Jeremaya 11:8

'Ba dwøra kärge wïnynyö, ni ïthge kärge ciiø ki mara, ni ŋati man nø bëëdö ni caatha køør teek wïc mare mana ö ki køør rääö mana en cwïnye. Kiper manøgønø, luummi en na tuuda ki geni atïïa na ajäla bäätge, ni beeye luumma caana jïge nee kïthge bäät tïïc, 'ba kärge kïth bäät tïïc.› »

Jeremaya 12:15

'Ba kanyo nø bëët juurre moøgø nø ni ge yaa cööt wøk, cwïnya ocäŋ pädhö kiperge, ni dwøga geni yïth ŋøøpge, ni jøøi nø døøa yi ŋöömö marge.

Jeremaya 12:16

'Ba ni näk mo jöör bëëtö mar jiya kwanyge kwanyø møn, ni bëëtge ni ge kööŋŋa ri nyeŋŋa, ni ‹Ŋëët Wuuö Jwøk, Jwøa kwøw,› kaawat mana kwøŋge jiya pwönynyø ki man kööŋge ri Baal, aani tietge këëlla piny yïthakic jiya.

Jeremaya 14:21

Kär wa jarï, kiper nee nyeŋŋï ba ränynye; kär niï tïïya kar ajiem wälu marï nee jøøŋŋe; 'ba beerra man lääŋŋï luumma tuutï ki waani, ni ba raanynyï gø.

Jeremaya 16:12

'Ba uuni thuwø, uuna tïïö ki gïï mo reyø døc mo kaala moa tïïc kwäyu, kiper ŋati man nø dïïu bëëdö ni caatha køør teek wïc mare na öö ki køør rääö mana en cwïnye, ni mara ba wïnynyu.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 17:12

Kar wäl ajiem na kare dwøŋ cøøn wïlöölö, beeye kar lam marø na en kur keere.

Jeremaya 18:12

'Ba geno köö, ni ‹Bäŋ gïn løny jïwa këët na bäre bäre; waani, wa poot cäädhö køør acaare mowa, ni ö ŋati man nø dïwa ni tïïe ki køør teek wïc mare na öö ki køør rääö mana en cwïnye.› »

Jeremaya 3:19

«'Ba a na Wuuö Jwøk, aana köö ni u daa tïïö ni uuna wääta na bëëde, ni mooa uuni ki ŋöömö mo beer, na mano dööŋ jïïu mo beer døc mo kaala mo wïth juurre bëët. Ni cäda naa dou cwølø ni aana wääu, nou ba gaa wøk ki man cäädhu køøra.

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Jeremaya 7:24

'Ba mara kärge wïnynyö, ni ïthge kärge ciiø ki dwøra, 'ba gena tïmö ni ge cäädhi ka køør acaare moge, ki køør teek wïc marge na öö ki køør rääö mana en cwïnyge; ni bëëtö marge ba cääth maal, 'ba døøa piny.

Jeremaya 9:14

'ba ge caatha køør teek wïc marge, ni caathge køør juuga cøøri ni Baalli thuwø, na ö wëëkge na pwönyge geni ki ge.»

Edhikiel 1:26

'Ba bäät gïna näk ree ee peerø bäätge kaamar maal, da gïrpiny yie mo nëëni kaamar wälu mo otïïö ki kïdi mo kïte caala caaro. 'Ba bäät wälu manøgø da gïrpiny mo nëëni kaamar dhaanhø mo opï piny bääte maal.

Edhikiel 43:7

ni kööe, «Wär dhaanhø, man beeye kar wälu mara, ni beeye kany këëlla tieta yie. Kany beeye kany bëëda yie dï jø Icriel na bäre bäre. 'Ba jø dhi øt Icriel, ki nyeye moge, nyeŋŋa na en kur keere ba päätge kany këët ki käp marge ki man wø wøørge dëët kït nyeye moge moa no othøw.

Edhikiel 48:35

«'Ba kiir pääny manøgø noo rømi ki deŋŋe bäre ni di wïrö, tïmö na gööye ma kume apaar ka abära. «'Ba nyeŋ pääny manøgø ki mano täge ki dïcäŋöca, ocwøl ni WUUÖ JWØK ENA YIE.»

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Kwään Jiy 15:39

'Ba okuri moøgø otïmö na gïï par wïc kiper ciik 'moa, a na Wuuö Jwøk; ni kany wø neennu geni, wïthu oparru ki ciik 'moa ni jïëyu geni, kiper nou ba gaau wøk køør jap wø neetu, ki gïï wø manynyu ki cwïnynyu jaak, kaawat man wø tïïc kääbi.

Wëëlö Mana Göör Pøølli Baŋ Jø Röm 1:21

Kiper geni këël na ŋäcge Jwøk, eni kärge wøørø kaawat mana dege Jwøk wøørø, ni met ec kärge dwøk baŋ gø. 'Ba gena rwäänyö ki mana dege caarø, ni tïm cwïnyge ni bäŋ gïn jootge këët.

Wëëlö Mana Göör Pøølli Baŋ Jø Röm 6:14

Kiper raay ba doo tïmö na kwäärö bäätu, kiper mana tïme nou ba bëën ciik Jwøk, 'ba u bëënna met yi Jwøk.

Galeecia 4:26

'Ba Jerucalem mana en maal paa laŋŋø, ni beeye eni na miiø.

Tiet Ciik 29:29

«Da luup mo tietge okanø mo ŋäya Wuuö Jwøki keere, 'ba luup bëët mo ciik moi na näk tietge ee nyuth øøni ko obwöre 'moø beege 'moø na bäre bäre, kiper nøø bëëdö ni ø gwøga ge.

Pïëmme 2:19

'Ba kany wø tïme ni pïëmi thøw, geni na jø Icriel yøø, ge puta døø cään, ni kwierge jöör Jwøk, ni tïïge ki gïï mo reyø ni kaala moa tïïc wëëkge; ni caathge køør juu møøk ni tïnyge geni ni këëlge cøŋge piny ni ge wøøra geni; ni gïïa temge ki teek wïc marge ba wecge.