Jeremaya 3:14 - Wëël Jwøk

¹⁴ 'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, kiper beeye aani na kwäärö maru. Aani, a lwötö ki dhaanhø aciel yi pääny man nø, ni lwöta ki jiy ariiø yi tuuŋ man nø, ni käla u na jiera ni duua uuni yi pääny maru ma Dhayan.

Jeremaya 3:14 Iomraidhean Croise

2 Luup Nyeye 30:6

Køøre jøøa jääŋŋi gena aay ni ge rwäänhnhö, ni cige mïëc Juuda ki Icriel bäre, ni weeli käärge käärö moa kälge baŋ nyeya ki kwääri moa en tiere, ki køør mana ö nyeya na kööm ge ki gø, na kööe, ni «Wui, u na jø Icriel, beerra man duu baŋ Wuuö Jwøk, Jwø Eeberam ki Aydhak ki Icriel, nee eni duu baŋu, u na bøth na dööŋ ni kär mak nyeny Aciria.

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 10:22

Wui Icriel, këël na bëët jiyï ni kwäänge caala akwöny naama dwøŋ, mo nøk keerge moo dööŋ ni kwøw dëëtge beege noo duui. 'Ba ränynyö onø cïp piny, no onø ŋøl kiree na kare.

Aydheea 17:6

'Ba møøk poot bøth yie, ni caala man wø diem nyïï jaath man wø nyïïe wel na maaw piny, ni tïme ni nyïëdi ariiø wala adäk obøth maal lwinh jaadhøgø, ni nyïëdi aŋween wala abïïc obøth ri bäät jaath manøgø mana no onywøl døc. Manøgø beeye dwør Wuuö Jwøk, Jwø Icriel.

Aydheea 27:12

'Ba noo tïme na dïcäŋeca, Wuuö Jwøk tägö ka ajäla mare kaawat man wø dïn beel, ni tägi ka Naam Upareeti këël mano pïïe waŋ naam mar Ijep. Wui, jø Icriel, uuno cäŋ cooŋ kanya ciel, nou käli na aciel aciel.

Aydheea 31:6

Wui, u na jø Icriel, duu baŋ Wuuö Jwøk. Kiper uuna gaa wøk ni weyu eni.

Aydheea 44:22

Gïïa reyø bëët na bayï anø paanya bäätï kaamar pöölö mo odhïŋ, ni nø paanya raay moï kaamar rwöc. Duu baŋa, kiper ï ya nø wïïl wøk.»

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 57:17

Aana gootø ki geni ni jääla geni kiper päl cwïny marge na raac, ni kana täärnyïma ki geni ni mara gootø. 'Ba këël na jääla ge, gena cäŋ bëëdö ni ge gaa wøk, ni bëëtge ni ge cäädhi ka køør jap wø many cwïnyge.

Aydheea 6:13

'Ba këël ni näk mo dööŋŋa dhaanhø aciel ki ra apaar yi ŋöömmögø, poot cäŋa waaŋ; ni tïmge kaamar jaath mo teek kanyo ŋødi piny ni dööŋ gutö mare. 'Ba gutö manøgø beeye noo tïmö na kunhnhö mana näk ena kur keere.»

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 2:2

ni «Ciï ni køpï luummi ni wïnyö jï jø Jerucalem, ni kööï ni luumma caan Wuuö Jwøki beeye en, ena köö, «ni ‹Ï na Icriel ï poot lääŋŋa lääŋŋö ki mana cïpï cwïnyï jïra niï poot thiinh, ki mëër mana mëërï ki aani kaamar dhaagø thiinh, ki mana caathï køøra dï paap bäre, yi ŋöömma näk kär puurö.

Jeremaya 23:3

'Ba aani ki dëëra, jiya moa näk odööŋ ni kwøw ni caal pïïth dïëk 'moa, lema lemø yïth mïëri bëët moa riema geni yïthge, ni duua geni kar bëëtö marge, ni ö geni ni nyöötge ni nyaacge.

Jeremaya 29:14

Aano jootu møn, a na Wuuö Jwøk, ni duua uuni wøk ki yi bëët laŋ, ni lema uuni yïth mïëc wïth juurre bëët kwöra riema u yïthge bëët, ni duua uuni paana riema u wøk yie nou mak ki tøŋ.» Luummögø caana Wuuö Jwøki.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 3:8

'Ba ki køør bëët käp mar Icriel, eni na caal dhaagø mo cwïnye ogaa wøk, ena riemma, kaawat man wø ö dhaanhe wø göön cïïe ki wëël apääk; 'ba ajooda ni coki ma Juuda na raac kär lwäyö, ni ö eni thuwø ni bëëde ni tïïya tïï käp.

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Jeremaya 31:32

mo ba caal luubö mana kwøŋa tuut ki kwäcge kanya maa ceŋge ni käla geni wøk ki Ijep, ni beeye luumma tuuda ki geni na dhalge, këël na bëëda jïge naa bëëdö kaamar dïcwøø ki cïïe.

Jeremaya 31:6

Kiper da nïne mo öö, mo jø wø kurö bäät kït Ipariem, ge cwötö ni köge, ni ‹Ööø maal, ni cøø maal Dhayan baŋ Wuuö Jwøk, Jwøk marø.› »

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Wëëlö Mana Göör Pøølli Baŋ Jø Röm 9:27

'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem.